सोमवार, 19 ऑक्टोबर 2026
फोटो सौजन्य- सोशल मीडिया
Actor Tiger Shroff Firing Case: रविवारच्या संध्याकाळी मुंबईच्या जुहू भागात झालेल्या गोळीबाराच्या घटनेतून अभिनेता टायगर श्रॉफ थोडक्यात बचावला. या हल्ल्यात त्याच्या ड्रायव्हरसह दोन जण जखमी झाले आहेत. बाईकवरील तीन हल्लेखोरांनी अभिनेता टायगर श्रॉफच्या गाडीवर गोळ्या झाडल्या. मिळालेल्या माहितीनुसार, अभिनेता फुटबॉल सामना खेळून आपल्या कारमधून बाहेर पडत असतानाच काही अज्ञात हल्लेखोरांनी त्याच्या गाडीवर हल्ला केला आणि सलग गोळीबार केला. या हल्ल्यातून अभिनेता टायगर श्रॉफ थोडक्यात बचावला.
मुंबईचे पोलीस उपायुक्त मोहित गर्ग यांच्या माहितीनुसार, ही घटना संध्याकाळी ७ वाजण्याच्या सुमारास घडली, जेव्हा टायगर श्रॉफ फुटबॉलचा सामना खेळून तिथून निघत होता. दरम्यान, या गोळीबारात अभिनेत्याचा ड्रायव्हर फिरदौस याच्या डाव्या हाताला दुखापत झाली, तर इतर एक व्यक्तीही यात जखमी झाली. त्यांना उपचारासाठी स्थानिक रुग्णालयात दाखल करण्यात आले. तसेच या घटनेनंतर काही वेळातच सोशल मीडियावर एक पोस्ट मोठ्या प्रमाणावर व्हायरल होत असून, काही लोकांनी या हल्ल्याची जबाबदारी घेतल्याचा दावा केला आहे. याशिवाय, महाराष्ट्राचे मुख्यमंत्री देवेंद्र फडणवीस यांनी मुंबईच्या पोलीस आयुक्तांना या प्रकरणाचा वेगाने तपास करण्याचे आणि दोषींविरोधात कडक कारवाई करण्याचे निर्देश दिले आहेत. चला तर मग, या पार्श्वभूमीवर अभिनेता टायगर श्रॉफ किती शिकला आहे? हे जाणून घेऊया
टायगर श्रॉफ हा बॉलिवूडचे दिग्गज अभिनेते जॅकी श्रॉफ यांचा मुलगा आहे. टायगर श्रॉफचा जन्म २ मार्च १९९० रोजी मुंबईत झाला. त्याचे मूळ नाव जय हेमंत श्रॉफ असे आहे. ३६ वर्षीय अभिनेत्याने आपली शालेय शिक्षण ‘अमेरिकन स्कूल ऑफ मुंबई’मधून पूर्ण केले आहे, तर पुढील शिक्षणासाठी त्याने ‘अमिटी युनिव्हर्सिटी’मध्ये प्रवेश घेतला होता. मात्र, त्याचे कॉलेजचे शिक्षण पूर्ण होऊ शकले नाही. असे सांगितले जाते की, टायगरचे मन अभ्यासापेक्षा मार्शल आर्ट आणि खेळामध्ये जास्त रमयचे, ज्यामुळे तो आपले शिक्षण पूर्ण करू शकला नाही.
खेळ आणि मार्शल आर्टमध्ये आवड असणाऱ्या टायगरने वयाच्या अवघ्या ४ व्या वर्षीच तायक्वांडो शिकण्यास सुरुवात केली होती. याशिवाय, अहवालानुसार २०१४ मध्ये त्याला तायक्वांडोमध्ये ब्लॅक बेल्ट देखील मिळाला आहे. २०१४ मध्येच टायगर श्रॉफने चित्रपटसृष्टीत पाऊल ठेवले. २०१४ मध्ये आलेल्या ‘हिरोपंती’ या त्याच्या पहिल्या चित्रपटातून त्याने बॉलिवूडमध्ये पदार्पण केले, त्यानंतर त्याने अनेक ॲक्शन चित्रपटांमध्ये काम केले.
टायगर श्रॉफवर गोळीबाराची ही पहिलीच घटना नाही. टायगर श्रॉफपूर्वी या वर्षीच इतरही अनेक बॉलिवूड स्टार्सवर अशा प्रकारचे हल्ले झाले आहेत. याच वर्षी फेब्रुवारी महिन्यात चित्रपट निर्माते रोहित शेट्टी यांच्या घराबाहेरही गोळ्या झाडण्यात आल्या होत्या, त्या प्रकरणाची जबाबदारीही बिश्नोई गँगने घेतली होती. तसेच टायगर श्रॉफच्या प्रकरणामागेही बिश्नोई गँगचा हात असल्याचे सांगितले जात आहे. याशिवाय, लोकप्रिय युट्यूबर एल्विश यादवच्या गुरुग्राम येथील घरावारही गोळीबार झाला होता.
Ans: ही घटना मुंबईच्या जुहू भागात घडली. रविवारच्या संध्याकाळी टायगर श्रॉफ फुटबॉल सामना खेळून कारमधून बाहेर पडत असताना बाईकवरील तीन अज्ञात हल्लेखोरांनी त्याच्या गाडीवर सलग गोळीबार केला.
Ans: टायगर श्रॉफने आपले शालेय शिक्षण 'अमेरिकन स्कूल ऑफ मुंबई'मधून पूर्ण केले आहे. त्यानंतर त्याने पुढील शिक्षणासाठी 'अमिटी युनिव्हर्सिटी'त प्रवेश घेतला होता, परंतु मार्शल आर्ट आणि खेळातील रुचीमुळे त्याचे कॉलेजचे शिक्षण पूर्ण होऊ शकले नाही.
