(फोटो सौजन्य- इन्स्टाग्राम)
मराठी टेलिव्हिजनचा सर्वात लोकप्रिय शो बिग बॉस मराठी सीझन ६ आता शेवटच्या टप्प्यात आहे. ‘बिग बॉस मराठी सिझन ६’चा ग्रँड फिनाले जवळ येत असताना उत्सुकता शिगेला पोहोचली आहे. सध्या घरात टॉप ५ स्पर्धक आहेत. लवकरच महाराष्ट्राला सीझन ६ चा विजेता मिळणार आहे. यावेळी बिग बॉस मराठी सीझन ६ चा विजेता कोण होईल याकडे सर्वांचे लक्ष लागले आहे. टॉप ५ स्पर्धकांच्या प्रवासाला खास रंगत आणण्यासाठी बिग बॉस मराठीच्या मागील सिझनमधील धुरंधरांची धमाकेदार एन्ट्री झाली. प्रेक्षकांचे लाडके चेहरे पुन्हा एकदा या घरात परतले आणि त्यांनी टॉप ५ सोबत मजा, मस्ती आणि आठवणींचा जल्लोष रंगवला.
मेघा धाडे, पुष्कर जोग आणि शिव ठाकरे, आणि मागील सिझनचे अजून काही धुरंधर येणार आहेत. यांसारख्या दमदार खेळाडूंनी टॉप ५ सदस्यांना भेटत त्यांच्या खेळावर भाष्य केलं, महत्त्वाचे सल्ले दिले आणि त्यांच्या प्रवासातील काही खास क्षण पुन्हा जिवंत केले. त्यांच्या नजरेत कोण ठरणार या सिझनचा विजेता? कोण आहे त्यांचा आवडता स्पर्धक? याची उत्सुकता आता शिगेला पोहोचली आहे. मेघा धाडेची इच्छा आहे या सिझनची विनर मुलगी व्हावी तिच्या मते तन्वी कोलते किंवा राकेश बापट यामध्ये विनर व्हावा तर पुष्कराच्या मते तन्वी कोलते विनर असेल. शिव ठाकरेची इच्छा आहे विशालने ट्रॉफी उचलावी.
View this post on Instagram
या विशेष भेटीत जुन्या आठवणी, खेळातील अनुभव आणि जिंकण्याच्या रणनीती यांचा अनोखा संगम पाहायला मिळाला. टॉप ५ स्पर्धकांसाठी ही भेट केवळ मनोरंजन नव्हती, तर अंतिम टप्प्यात स्वतःला अधिक सिद्ध करण्याची एक प्रेरणादायी संधी ठरली. स्पर्धकाप्रमाणेच त्यांचे चाहते देखील कोण विनर होणार याची आतुरतेने वाट पाहत आहे. प्रत्येक जण आपल्या आवडत्या व्यक्तीसाठी वोट करत आहे. रविवारी 19 एप्रिल ला बिग बॉस मराठी सीझन ६ चा ग्रँड फिनाले पार पडणार आहे. त्यामुळे आता फक्त प्रतीक्षा आहे त्या क्षणाची, ज्याची वाट संपूर्ण महाराष्ट्र पाहतोय.
Mrunal Thakur: ‘Son of Sardaar 2’मुळे मृणाल ठाकूर नाराज, चित्रपटातील सीन कट झाल्याने व्यक्त केली खंत
