रोज सकाळी आल्याचा तुकडा चघळल्याने शरीराला होतात बरेच फायदे, वाचा डॉक्टरांचा सल्ला

दररोज स्वयंपाकघरात वापरल्या जाणाऱ्या आल्यामध्ये अनेक औषधी गुणधर्मे आढळली जातात. सकाळी उपाशी पोटी आल्याचे सेवन केल्याने काय होते माहित आहे का? वाचा आणि जाणून घ्या. (फोटो सौजन्य: istock)

Follow Us:

Follow Us:

आपल्या दैनंदिन आयुष्यात स्वयंपाकघरात अनेकदा आल्याचा वापर होत असतो. चहापासून ते भाजीपर्यंत अनेक गोष्टीत आला वापरला जातो. आल्यामध्ये अनेक औषधी गुणधर्मे आढळली जातात. बऱ्याचदा खोकला-सर्दीसारखे आजार दूर करण्यासाठीही आल्याचा वापर केला जातो. आले झिंक आणि अँटी-ऑक्सिडंट्ससह अनेक पोषक घटकांनी समृद्ध आहे.

आरोग्यासाठी फायदेशीर मानल्या जाणाऱ्या मसाल्यांपैकी हे एक आहे. रोज सकाळी उपाशी पोटी आल्याचे सेवन केल्याने याचा शरीरावर काय परिणाम होईल हे तुम्हाला माहित आहे का? हैदराबाद येथील केअर हॉस्पिटल्सच्या क्लिनिकल आहारतज्ज्ञ जी. सुषमा यांनी या विषयावर माहिती दिली आहे. चला सविस्तर जाणून घेऊयात.

[read_also content=”उच्च रक्तदाब नियंत्रणात ठेवण्यासाठी ‘अशा’ पद्धतीने घ्या आरोग्याची काळजी https://www.navarashtra.com/lifestyle/how-to-take-care-of-health-after-high-blood-pressure-545938.html”]

आहारतज्ज्ञ जी. सुषमा यांनी सांगितले, भारतीय आयुर्वेदामध्ये अद्रक म्हणजेच आलं हा औषधांचा खनिजा म्हणून ओळखला जातो. निरोगी आयुष्यासाठी अनेकजण त्यांच्या आहारात आल्याचा समावेश करतात. आल्याचा वापर हा फक्त चहा किंवा काढा बनवण्यासाठी नाही तर अनेक गंभीर आजर दूर करण्यासाठीही केला जातो.

सकाळी रिकाम्या पोटी आल्याचे सेवन केल्याने पचनास मदत होते, मळमळ कमी होते, रक्त परिसंचरण सुधारते आणि संपूर्ण प्रतिकारशक्ती वाढते. सकाळी आल्याचे सेवन केल्याने दिवसभर नैसर्गिक ऊर्जा मिळते.” चला तर मग आता आपण आले खाण्याचे काही फायदे जाणून घेऊयात.

आल्याचे फायदे

• आहारतज्ज्ञ जी. सुषमा यांनी आल्याच्या फायद्यांविषयी सांगताना स्पष्ट केले की, आल्याचे नियमित सेवन केल्याने शरीरात होत असलेली जळजळ कमी होते
• यामुळे सूज आणि गॅससारख्या आजरांपासून सुटका मिळते
• वजन कमी करण्यासाठीही याची मदत होऊ शकतो
• यात असलेले अँटिऑक्सिडंट्स गुणधर्म संपूर्ण आरोग्यास समर्थन देतात आणि जुने आजार दूर करण्यास मदत करतात
• आल्यामध्ये व्हिटॅमिन के चे प्रमाण अधिक असते ज्यामुळे हृदयविकाराच्या धोक्यापासून सुटका मिळते
• रोजच्या आहारात याचा समावेश केल्याने माळमळीचा त्रास कमी होतो
• कोलेस्ट्राॅल असणाऱ्यांनी तर आल्याचे सेवन जरूर करावे, यामुळे रक्तात गुठळ्या होत नाहीत आणि रक्तभिसरण सुधारते

Web Title: Benefits of eating ginger with empty stomach as per the nutritionists

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com