साधी चव पण अनोखं रूप… कुरकुरीत शीटमध्ये दडलीये स्टाफिंग, पॉकेट समोसा कधी खाल्लाय का? पार्टी स्नॅक्ससाठी परफेक्ट रेसिपी 

Pocket Samosa Recipe : सामोसा हा भारतीयांचा आवडता स्नॅक्स, पण याला ट्विस्ट देऊन तुम्ही यापासून अनोखा आणि आकर्षित असा सामोसा तयार करू शकता ज्याला पॉकेट सामोसा असं म्हटलं जात.

(फोटो सौजन्य: Pinterest)

Follow Us:

Follow Us:

• चवीला सारखे पण दिसायला वेगळे
• पॉकेट सामोसा पार्टीसाठी उत्तम पर्याय ठरतात
• जाणून घेऊया याची एक सोपी रेसिपी

साध्या चवीत दडलाय आनंद; बिर्याणीच दुसरं व्हर्जन ‘कुस्का राईस’ कधी खाल्ला आहे का? जाणून घ्या रेसिपी

 साहित्य

• मैदा
• मीठ
• तूप किंवा तेल
• पाणी
• उकडलेले बटाटे
• उकडलेली वाटाणा दाणे
• बारीक चिरलेला कांदा
• बारीक चिरलेली कोथिंबीर
• आले लसूण पेस्ट
• हळद
• तिखट
• गरम मसाला
• चवीनुसार मीठ
• तेल तळण्यासाठी

कृती

• यासाठी सर्वप्रथम एका भांड्यात मैदा, मीठ आणि थोडेसे तूप किंवा तेल घालून छान मिसळावे. पाणी घालून घट्ट पण मऊसर पीठ मळून घ्यावे आणि त्यावर ओलसर कापड ठेवून थोडा वेळ बाजूला ठेवावे.
• सारणासाठी कढईत थोडे तेल गरम करावे. त्यात कांदा घालून हलके सोनेरी होईपर्यंत परतावे. त्यात आले लसूण पेस्ट घालून छान परतावे. नंतर हळद, तिखट,
• गरम मसाला आणि चवीनुसार मीठ घालावे. उकडलेले बटाटे मॅश करून त्यात घालावे, वाटाणा दाणेही घालावेत आणि सर्व मिश्रण छान परतावे. शेवटी कोथिंबीर घालून सारण तयार ठेवावे.
• मळलेले पीठ घेऊन छोट्या पोळ्या लाटाव्यात. त्या पोळीला मधेच दुमडून चौरस आकार देण्यासाठी दोन्ही बाजूंनी किनारी जाडसर ठेवावी. तयार झालेल्या भागात बटाट्याचे सारण भरून किनारीला हलकेच दाबून पॉकेटसारखा आकार तयार करावा.
• कढईत तेल गरम करून हे पॉकेट समोसे मध्यम आचेवर सोनेरी आणि कुरकुरीत होईपर्यंत तळावेत. तळल्यानंतर जास्तीचे तेल निघून जावे म्हणून कागदी टॉवेलवर ठेवावेत.
• गरमागरम पॉकेट समोसे चटणी, टोमॅटो सॉस किंवा चहा सोबत सर्व्ह करावेत.

Web Title: Have you ever try pocket samosa make it at home note down the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com