सकाळच्या नाश्त्यासाठी सोप्या पद्धतीमध्ये बनवा टेस्टी गार्लिक ब्रेड

सतत बाहेरचे विकत पदार्थ खाल्ल्याने आरोग्य बिघडण्याची शक्यता असते. त्यामुळे सतत बाहेर मिळणाऱ्या पदार्थांचे सेवन करू नये. अनेकदा गार्लिक ब्रेड विकत आणला जातो. अनेकांचा असा समज आहे की गार्लिक ब्रेड घरी बनवण्यासाठी ओव्हन लागते. पण ओव्हनचा वापर न करता तुम्ही घरच्या घरी सोप्या पद्धतीमध्ये गार्लिक ब्रेड बनवू शकता.

१० मिनिटांमध्ये बनवा गार्लिक ब्रेड

Follow Us:

Follow Us:

सकाळच्या नाश्त्यासाठी नेमकं काय बनवावं सुचत नाही. अशावेळी बाहेरून नाश्त्यासाठी पदार्थ विकत आणले जातात. पण सतत बाहेरचे विकत पदार्थ खाल्ल्याने आरोग्य बिघडण्याची शक्यता असते. त्यामुळे सतत बाहेर मिळणाऱ्या पदार्थांचे सेवन करू नये. अनेकदा गार्लिक ब्रेड विकत आणला जातो. अनेकांचा असा समज आहे की गार्लिक ब्रेड घरी बनवण्यासाठी ओव्हन लागते. पण ओव्हनचा वापर न करता तुम्ही घरच्या घरी सोप्या पद्धतीमध्ये गार्लिक ब्रेड बनवू शकता. तुम्ही बनवलेला गार्लिक ब्रेड घरातील लहान मुलांपासून मोठ्यांपर्यंत सगळ्यांचं आवडेल. चला तर जाणून घेऊया ओव्हनचा वापर न करता सोप्या पद्धतीमध्ये गार्लिक ब्रेड बनवण्याची कृती.(फोटो सौजन्य-istock)

साहित्य:

• ब्रेड
• चीझ
• लसूण पाकळ्या
• सॉल्ट बटर
• ओरेगॅनो
• चिली फ्लेक्स
• चवीनुसार मीठ

हे देखील वाचा: शरीरात जाणवते विटामिन डी ची कमतरता? मग आहारात करा ‘या’ ड्रिंक्सचा समावेश

कृती:

• गार्लिक ब्रेड बनवण्यासाठी सर्वप्रथम लसूण सोलून बारीक चिरून घ्या.
• त्यानंतर एका भांड्यात सॉल्ट बटर घेऊन त्यात ओरेगॅनो, बारीक चिरलेला लसूण, चिली फ्लेक्स आणि चवीनुसार मीठ घालून मिक्स करून घ्या.
• गॅसवर तवा गरम करण्यासाठी ठेवा. तवा गरम झाल्यांनतर ब्रेडचे दोन स्लाईस ठेवून त्यांना दोन्ही बाजूने व्यवस्थित बटर लावून घ्या.
• त्यानंतर ब्रेडवर तयार केलेले गार्लिक बटर लावून दोन्ही बाजूने खरपूस भाजून घ्या.
• दोन्ही बाजूने ब्रेड व्यवस्थित भाजून झाल्यानंतर खाण्यासाठी सर्व्ह करा.
• गार्लिक ब्रेड तुम्ही सॉस, चटणी किंवा तुमच्या आवडत्या डिपसोबत खाऊ शकता.

Web Title: How to make garlic bread at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com