Navratri 2026 : नवरात्रीच्या तिसऱ्या दिवशी देवी चंद्रघटाला अर्पण करा मखान्यांचा शीरा, व्रतासाठीची परफेक्ट रेसिपी

Makhana Sheera Recipe : नवरात्रीत देवीच्या पूजेसाठी गोड पदार्थ बनवण्याचा विचार आहे? मग ही डिश तुमच्यासाठी आहे परफेक्ट. मखाने आरोग्यासाठी सूपरफूड मानले जातात, ज्यामुळे याचा शिरा देवीच्या प्रसादासाठीच तसेच उपवासासाठी चांगला पर्याय ठरतो.

(फोटो सौजन्य: Pinterest)

Follow Us:

Follow Us:

• मखाने आरोग्यासाठी भरपूर फायद्याचे ठरतात.
• यापासून आपण चवदार शिरा देखील तयार करु शकता.
• हा शिरा तुम्ही देवीला अर्पण करु शकता.

Recipe : १ कप तांदळापासून बनवा मऊ आणि दानेदार मिठाई! मावा आणि मिल्क पावडरशिवाय तयार होते रेसिपी

साहित्य

• १ कप मखाना
• १० ते १२ काजू
• १० ते १२ बदाम
• २ मोठे चमचे रवा
• १ कप दूध
• ३ ते ४ मोठे चमचे साजूक तूप
• अर्धा कप साखर

कृती

• मखान्याचा शीरा तयार करण्यासाठी सर्वप्रथम कढईत तूप गरम करा.
• यात मखाने घालून काही मिनिटे मखान्यांना कढईत छान परतून घ्या.
• यानंतर तूपात काजू आणि बदाम घालून यांनाही काही मिनिटे खमंग परतून घ्या.
• मखाने, काजू आणि बदाम थंड झाले की यांना मिक्सरच्या भांड्यात टाका, यात थोडा रवा देखील घाला.
• सर्व साहित्य मिक्सरमध्ये वाटा आणि याची पावडर तयार करा.
• आता पुन्हा एक कढई गॅसवर ठेवा आणि त्यात तूप घाला.
• तूप गरम झाले की त्यात साखर घालून मंद आचेवर शिजवत ठेवा.
• साखर विरघळली की यात मिक्सरमध्ये वाटलेले साहित्य कढईत मंद आचेवर परतून घ्या.
• शेवटी यात वेलची पावडर घाला आणि शीरा खमंग शिजला की गॅस बंद करा.
• तुम्ही साखरेऐवजी गुळाचाही वापर करु शकता.

Web Title: Navratri 2026 day 3 maa chandraghanta makhana halwa recipe for fasting nb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com