Paneer Wrap Recipe : विकेंडला मुलांना करा खुश, चपाती-भाजी नाही त्यांना खाऊ घाला टेस्टी पनीर रॅप; नोट करा रेसिपी

Recipe : मुलांना तीच तीच बोरींग भाजी-चपाती खाऊन कंटाळा येतो. अशात बाहेरचे अनहेल्दी फूड खाऊ घालण्याऐवजी तुम्ही घरीच टेस्टी आणि हेल्दी असा पनीर रॅप तयार करु शकता. चला याची रेसिपी नोट करुन घेऊयात.

(फोटो सौजन्य: spiceupthecurry.com)

Follow Us:

Follow Us:

• स्नॅक्ससाठी परफेक्ट ठरणारी रेसिपी.
• पनीर रॅप रेसिपी.
• हेल्दी आणि टेस्टी, मुलांच्या आवडीचा पदार्थ.

Recipe : सकाळच्या नाश्त्याला बनवा चविष्ट राजगिऱ्याचा उपमा, फक्त १० मिनिटांची आहे रेसिपी

उरलेल्या शिळ्या चपात्यांपासून तुम्ही हा रॅप तयार करु शकता. पनीर रॅप एक स्ट्रीट फूड असून बाजारात तुम्हाला हा पदार्थ दिसून येईल. लोक फार आवडीने याची चव घेतात. पण यातील मैद्याची चपाती, पदार्थाची गुणवत्ता हवी तितकी चांगली नसते. त्यामुळे घरीच तुम्ही टेस्टी, हेल्दी आणि स्वच्छतेत स्ट्रीट स्टाईल पनीर रॅप तयार करणे एक चांगला पर्याय ठरतो. चला रेसिपीसाठी लागणारे साहित्य आणि कृती नोट करुन घेऊयात.

साहित्य

• पनीर: १५० ग्रॅम (छोटे तुकडे करून)
• गव्हाच्या पोळ्या / चपात्या: २-३
• कांदा: १ (उभा किंवा बारीक चिरलेला)
• टोमॅटो: १ (बारीक चिरलेला)
• शिमला मिरची: अर्धी (उभी पातळ चिरलेली)
• तेल किंवा बटर: २ चमचे
• आलं-लसूण पेस्ट: १ छोटा चमचा
• अर्धा चमचा हळद
• १ चमचा तिखट (लाल मिरची पावडर)
• १ चमचा धने-जिरे पावडर
• चाट मसाला
• मेयोनीज
• टोमॅटो केचप
• हिरवी पुदिन्याची चटणी
• चवीनुसार मीठ

कृती

• पनीर रॅप तयार करण्यासाठी सर्वप्रथम एका पॅनमध्ये तेल किंवा तूप घालून त्यात आलं-लसूण पेस्ट परतून घ्या.
• साधारण १ मिनिटाने यात चिरलेला कांदा, शिमला मिरची आणि टोमॅटो घालून भाज्या हलक्या परता.
• आता त्यात हळद, लाल तिखट, धने-जिरे पावडर आणि चवीनुसार मीठ घाला आणि सर्व साहित्य नीट एकत्र करा.
• मसाले छान शिजले की, यात पनीरचे तुकडे, वरुन थोडा चाट मसाला घाला आणि झाकण ठेवून २ मिनिटे साहित्याला छान शिजवून घ्या.
• गॅस बंद करा आणि पनीरच्या तयार स्टफिंगला थंड होऊ द्या.
• हा रॅप तयार करण्यासाठी तुम्ही उरलेल्या शिळ्या चपात्यांचाही वापर करु शकता.
• चपातीवर टोमॅटो केचप, हिरवी चटणी किंवा मेयोनीज समान पसरवून घ्या.
• आता यावर तयार पनीरची स्टफींग पसरवा.
• लक्षात घ्या, पोळीच्या एका कोपऱ्याला तुम्हाला ही स्टफींग टाकायची आहे.
• तुम्ही यावर चीज देखील घालू शकता.
• आता पोळीचा छान रोल बनवा आणि गॅसवर बटर टाकून हा रॅप त्यावर छान शेकून घ्या.
• खमंग वास आला आणि पोळी बाहेरून हलकी कुरकुरीत झाली की तुमचा रॅप तयार आहे.

Web Title: Paneer wrap recipe easy tasty paneer wrap for kids weekend snack recipe nb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com