शनिवार, 17 ऑक्टोबर 2026
फोटो सौजन्य -istock
एक सफरचंद डॉक्टरांना आयुष्यभर दूर ठेवू शकते, अशी म्हण आहे. सफरचंद हे एक सुपर फूड आहे, ज्यामध्ये असे अनेक पोषक असतात जे आपल्याला निरोगी ठेवण्यासाठी आवश्यक असतात. इतकेच नाही, तर त्याची चवही इतकी चांगली आहे की सर्व वयोगटातील लोकांना ते खायला आवडते. अशा परिस्थितीत स्नॅकच्या वेळेत किंवा दुपारच्या जेवणासाठी सफरचंद निवडल्यास तो एक उत्तम आरोग्यदायी पर्याय ठरू शकतो. मात्र, ते कापून जेवणात ठेवताना अडचणीचा सामना करावा लागतो. आणि तो म्हणजे तो कापल्याबरोबर त्याचा रंग गडद होतो. वास्तविक, हे हवेत ऑक्सिडायझेशन झाल्यामुळे होते. परंतु जर तुम्ही या समस्येवर उपाय शोधत असाल आणि अनेक युक्त्या करूनही तुम्हाला उपाय सापडत नसेल तर आम्ही तुम्हाला मदत करू शकतो. या युक्तीच्या मदतीने तुमचे फळ काही तासांनंतरही ताजे दिसेल आणि कापलेले काप तपकिरी किंवा काळे होणार नाहीत.
हेदेखील वाचा- आली गौराई माझ्या घराला, कसे केले जाते ज्येष्ठा गौरी आवाहन, पूजन
सफरचंद तपकिरी होण्यापासून रोखण्याचा प्रभावी मार्ग
जेव्हा आपण सफरचंद कापतो तेव्हा त्याचा आतील थर हवेतील ऑक्सिजनच्या संपर्कात येतो. त्यानंतर रासायनिक अभिक्रिया होऊ लागते आणि सफरचंदाचा वरचा थर तपकिरी होऊ लागतो. अशा परिस्थितीत, ही रासायनिक प्रतिक्रिया थांबवण्याचा एक चांगला मार्ग म्हणजे सफरचंदाच्या थराला ऑक्सिजनच्या संपर्कात येण्यापासून रोखणे.
यासाठी तुम्ही एक अनोखी आणि प्रभावी पद्धत अवलंबू शकता. सर्वप्रथम, एका मोठ्या भांड्यात बर्फ ठेवा आणि त्यात थंड पाणी घाला. आता त्यात एक चमचा मीठ घालून विरघळवून घ्या. तुमचे जादूचे पाणी तयार आहे. आता एक सफरचंद घ्या, ते कापून घ्या आणि सर्व काप या खारट पाण्यात ठेवा. आता त्यात फळ टाका आणि 5 ते 7 मिनिटे ठेवा. मग सफरचंदाचे तुकडे किचन टॉवेलमध्ये काढून नीट पुसून जेवणाच्या डब्यात ठेवा. खारट पाणी सफरचंदांना ऑक्सिडायझिंग होण्यापासून रोखेल आणि माझ्यावर विश्वास ठेवा, तुमचे सफरचंद रात्रीपर्यंत काळे होणार नाहीत आणि त्यांची चवदेखील खारट होणार नाही.
हेदेखील वाचा- गणेश विसर्जनाच्या वेळी ‘हा’ छोटासा उपाय करा, तुमचे नशीब चमकण्याची शक्यता
लिंबू किंवा संत्र्याचा रस
सफरचंद काळे होण्यापासून रोखण्यासाठी ऑक्सिडेशनची प्रक्रिया थांबवावी लागेल. ज्यासाठी लिंबू किंवा संत्र्याचा रस सायट्रिक अॅसिड म्हणून वापरता येतो. सफरचंदच्या खुल्या भागावर हा ररस लावा. याशिवाय लिंबाचा रस आणि पाणी मिसळून तुम्ही मिश्रण तयार करू शकता. त्यात चिरलेली सफरचंद 5 मिनिटे भिजत ठेवा. तथापि, लिंबू व्यतिरिक्त, आपण कोणत्याही लिंबूवर्गीय फळांचा रस वापरू शकता.
