बुधवार, 26 ऑगस्ट 2026
Transparent Phone Cover
ट्रान्सपरंट (Transparent Phone Cover ) म्हणजेच पारदर्शक फोन कव्हर सुंदर दिसते. परंतु, मोबाइल कव्हर फोनला स्टायलिश लूक देण्यासोबतच ते रोजच्या वापरात लवकर घाण होते. काही काळ वापरल्यानंतर हेच कव्हर पिवळसर आणि घाण दिसू लागतात. याशिवाय, सूर्यप्रकाशातील यूव्ही किरणे, उष्णता, हातावरील तेल तसेच धूळ यामुळे कव्हरचा रंग बदलू शकतो. त्यामुळे कव्हर खराब झाल्यासारखे वाटते. मात्र, ते लगेच फेकून देण्याऐवजी काही घरगुती उपायांनी त्याची स्वच्छता करता येतो. घरच्या घरी पिवळा पडलेला ट्रान्सपरंट फोन कव्हर पुन्हा कसा स्वच्छ करायचा, जाणून घेऊयात.
बेकिंग सोडा घेऊन त्यात थोडे पाणी मिसळून घट्ट पेस्ट तयार करा. ही पेस्ट फोन कव्हरवर व्यवस्थित लावा आणि साधारण १० ते १५ मिनिटे ठेवून द्या. त्यानंतर स्वच्छ पाण्याने कव्हर धुवा. पृष्ठभागावर साचलेली घाण आणि मळ काही प्रमाणात दूर होण्यास मदत होऊ शकते.
कव्हर आधी फोनमधून काढा. त्यावर काही थेंब लिक्विड डिश सोप टाकून मऊ कापड किंवा स्पॉन्जने हलक्या हाताने घासा.शेवटी पाण्याने नीट धुवून कोरडे करा. यामुळे कव्हरला लागलेला तेलकटपणा निघून जाईल. तसेच, पिवळा थर निघून देखील निघून जाईल आणि कव्हर स्वच्छ होईल.
बिंग अल्कोहोलची पद्धत उपयुक्त ठरू शकते. पिवळे पडलेले फोन कव्हर स्वच्छ करण्यासाठी एका कापडावर थोडे रबिंग अल्कोहोल घ्या आणि ते कव्हरवर चोळा. रबिंग अल्कोहोल लावल्यानंतर, कव्हरला काही मिनिटे तसेच राहू द्या. यामुळे पिवळेपणा दूर होण्यास मदत होईल.मात्र, वापरण्यापूर्वी कव्हरच्या छोट्या भागावर चाचणी करणे योग्य ठरेल.
पिवळे पडलेल्या फोन कव्हर स्वच्छ करण्यासाठी, तुम्ही बाजारात सहज उपलब्ध असलेले हायड्रोजन पेरॉक्साइड वापरू शकता. एका भांड्यात हायड्रोजन पेरॉक्साइड ओता आणि त्यात पारदर्शक कव्हर बुडवा. कव्हर १-२ तास भिजत ठेवल्यानंतर, ते वाहत्या पाण्याने स्वच्छ धुवा. पिवळेपणा नाहीसा होईल. फोनचे कव्हर हायड्रोजन पेरॉक्साइडमध्ये कव्हर १ ते २ तासांपेक्षा जास्त ठेवू नये. यामुळे प्लास्टिक कमकुवत होऊ शकते.
पिवळे कव्हर स्वच्छ करण्यासाठी टूथपेस्टचा वापर करा. एका मऊ कापडावर थोडी टूथपेस्ट घेऊन कव्हर सर्क्युलर पद्धतीने हलक्या हाताने घासा. काही वेळानंतर कव्हर स्वच्छ पाण्याने धुवा आणि पूर्णपणे कोरडे करा.यामुळे कव्हर स्वच्छ होईल. थोडा वेळ गासल्यानंतर, ते कोमट पाण्याने धुवा. यामुळे कव्हरला चकाचक होईल.
