अखिल भारतीय मराठी चित्रपट महामंडळाची निवडणूक ‘या’ तारखेला होणार

अखिल भारतीय मराठी चित्रपट महामंडळाच्या (Akhil Bhartiya Marathi Chitrapat Mahamandal) निवडणुकीचे वेळापत्रक (Election) जाहीर करण्यात आले आहे. चित्रपट महामंडळाची नवीन घटना अजून मंजूर झालेली नाही. त्यामुळे जुन्या घटनेनुसारच निवडणूक पार पडणार आहे. त्यामुळे पुणे, मुंबई आणि कोल्हापूर या तीन केंद्रांवर ५ फेब्रुवारीला मतदान होईल.

Follow Us:

Follow Us:

अखिल भारतीय मराठी चित्रपट महामंडळाच्या (Akhil Bhartiya Marathi Chitrapat Mahamandal) निवडणुकीचे वेळापत्रक (Election) कोल्हापूरच्या उप धर्मादाय आयुक्त कार्यालयाकडून जाहीर करण्यात आले आहे. मतदारांची प्रारूप यादी प्रसिद्ध करून निवडणुकीची प्रक्रिया जानेवारीच्या पहिल्या आठवड्यात सुरू होईल. मराठी कलाकार, तंत्रज्ञ आणि इतर भागधारकांची अखिल भारतीय मराठी चित्रपट महामंडळ ही सर्वोच्च संस्था (Marathi Artists Organization) आहे.

मिळालेल्या माहितीनुसार, ५ फेब्रुवारीला मतदान होणार आहेत. तसेच ८ फेब्रुवारीला निवडणुकीचे निकाल जाहीर होतील. संस्थेची नवीन घटना अद्याप स्वीकारली जाणे बाकी असल्याने, पूर्वीच्या घटनेनुसार आणि ठरावाद्वारे निश्चित केलेल्या मतदारांची संख्या केवळ निवडणुकीसाठी वैध असेल.

[read_also content=”अमित ठाकरे आजपासून दोन दिवस औरंगाबाद दौऱ्यावर; निवडणुकीसाठी पक्षबांधणी https://www.navarashtra.com/maharashtra/amit-thackeray-on-tour-to-aurangabad-for-two-days-from-today-so-party-affiliation-for-elections-nrgm-335627.html”]

दरम्यान, अखिल भारतीय चित्रपट महामंडळात दावे प्रतिदावे करत दोन्ही गटाकडून निवडणूक जाहीर करण्यात आल्यानंतर धर्मादाय आयुक्तांनी निवडणूक रद्द केली होती. धर्मादाय आयुक्त प्रदीप चौधरी यांनी निवडणूक निर्णय अधिकारी म्हणून धर्मादाय निरीक्षक आसिफ शेख यांची नियुक्ती केली आहे. निवडणूक नियंत्रक म्हणून शिवराज नाईकवाडे यांची नियुक्ती केली आहे.

चित्रपट महामंडळातील दोन गटातील धुसफूस सुरुच असल्याने मेघराज राजेभोसले यांनी आपणच महामंडळाचे अध्यक्ष असल्याचा दावा करत महामंडळाच्या निवडणुकीचा कार्यक्रम घोषित केला. निवडणूक अधिकारी नियुक्त केले. त्यानंतर घोषित केलेली निवडणूक अमान्य असल्याचे सांगत धनाजी यमकर यांनीही स्वतंत्रपणे निवडणूक कार्यक्रम जाहीर करत त्यांनीही निवडणूक अधिकारी नियुक्त केले होते.

यामुळे अधिकृत निवडणूक कोणती यावरून संभ्रमावस्था होती. एकाच संस्थेच्या एका महिन्यात दोन निवडणुका तसेच दोन्ही बाजूंनी आमचीच निवडणूक अधिकृत असल्याचा दावा करत धर्मादाय उपायुक्त कार्यालयाकडे एकमेकांविरोधात तक्रार केली होती. त्यावर सुनावणी झाली. त्यात धर्मादाय उपायुक्त प्रदीप चौधरी यांनी दोन्ही बाजूंची निवडणूक बेकायदेशीर ठरवली होती.

दरम्यान, चित्रपट महामंडळाची नवीन घटना अजून मंजूर झालेली नाही. त्यामुळे जुन्या घटनेनुसारच निवडणूक पार पडणार आहे. त्यामुळे पुणे, मुंबई आणि कोल्हापूर या तीन केंद्रांवर मतदान होईल. त्यात १८ हजार सभासद मतदानाचा हक्क बजावतील.

Web Title: Akhil bhartiya marathi chitrapat mahamandal election schedule announced nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com