रविवार, 18 ऑक्टोबर 2026
फक्त 1 रुपयांत भरपूर फायदे! BSNL च्या ऑफरची मुदत वाढली, कोणत्या यूजर्सना मिळणार फायदा? जाणून घ्या
बीएसएनएलच्या 1 रुपयांच्या प्लॅनमध्ये अनलिमिटेड व्हॉईस कॉलिंग, रोज 100 एसएमएस आणि 1GB डेली डेटा ऑफर केला जाणार आहे. या प्लॅनची सर्विस व्हॅलिडिटी केवळ 24 दिवसांची आहे. कंपनीने या ऑफरचा कालावधी वाढवल्यामुळे आता ग्राहकांसाठी ही ऑफर 9 नोव्हेंबर 2026 पर्यंत उपलब्ध असणार आहे. ग्राहक त्यांच्या घराजवळील बीएसएनएल कस्टमर सर्विस सेंटर किंवा अधिकृत रिटेलरकडे जाऊन या ऑफरचा लाभ घेऊ शकतात. लक्षात ठेवा की, ही ऑफर केवळ नवीन यूजर्ससाठी उपलब्ध असणार आहे. नवीन सिम कार्डसह अनेक फायद्यांचा लाभ घेतल्यानंतर कंपनी पुन्हा त्याच यूजरला हा प्लॅन ऑफर करणार नाही. (फोटो सौजन्य: istock)
दुसरी सर्वात महत्त्वाची अपडेट म्हणजेच, कंपनीने केवळ 1 रुपयांच्या ऑफरची मर्यादा वाढवली नाही तर कंपनीने त्यांचे CMD (चेयरमॅन अँड मॅनेजिंग डायरेक्टर) रॉबर्ट जे रवि यांचा कार्यकाळ देखील आणखी तीन महिन्यांसाठी वाढवला आहे. रवी हे कंपनीचे अंतरिम सीएमडी (CMD) आहेत आणि त्यांचा कार्यकाळ गेल्या एका वर्षापेक्षा जास्त काळापासून सातत्याने वाढवला जात आहे. त्यांच्या नेतृत्वाखाली कंपनीने प्रभावी कामगिरी केली असून, पूर्णपणे स्वदेशी तंत्रज्ञानाचा वापर करून 1 लाख 4G साइट्स यशस्वीपणे कार्यान्वित केल्या आहेत.
सरकारी टेलिकॉम कंपनी बीएसएनल सध्या अशी कंपनी आहे जी, संपूर्ण टेलीकॉम इंडस्ट्रीम्ध्ये सर्वात स्वस्त प्रीपेड प्लॅन्स ऑफर करत आहे. याच कारणामुळे कंपनीचा ARPU (प्रति वापरकर्ता सरासरी महसूल) सर्वात कमी आहे, तरीही ती सातत्याने वाढ दर्शवत आहे. कंपनी आपल्या प्रीपेड पोर्टफोलिओमध्ये विशेषतः 4G वापरकर्त्यांच्या स्वरूपात सतत नवीन वापरकर्त्यांची भर घालत आहे, ज्यामुळे कंपनीच्या एकूण महसुलात वाढ होण्यास मदत होईल.
Ans: BSNL चा Freedom 2.0 हा विशेष प्रीपेड प्लॅन आहे. या ऑफरमध्ये नवीन ग्राहकांना केवळ १ रुपयांत विविध फायदे मिळू शकतात.
Ans: या प्लॅनमध्ये अनलिमिटेड व्हॉईस कॉलिंग, दररोज १०० SMS आणि १GB डेली डेटा मिळतो.
Ans: या प्लॅनची व्हॅलिडिटी २४ दिवसांची आहे.
