ट्विटर युझर्सना मोठा झटका,वाढली ब्लू टिकची किंमत,आता दर महिन्याला खर्च करावे लागणार ‘इतके’ पैसे

मस्क यांनी जाहीर केले होते की, ट्विटरच्या मूळ ब्लू टिकमध्ये जाहिरातींची संख्या निम्मी असेल आणि पुढील वर्षापासून जाहिरातीची संख्या वाढवण्यात येईल.

Follow Us:

Follow Us:

एलॉन मस्कच्या मालकीच्या ट्विटरने अँड्रॉईड (Android) साठी ट्विटर ब्लू टिक (Twitter Blue) सबस्क्रिप्शनची किंमत जाहीर केली आहे. मिळालेल्या माहितीनुसार अँड्रॉईड युझर्ससाठी आता ब्लू टिकसाठी महिन्याला 11 डॉलर्स म्हणजे साधारण 900 रुपये मोजावे लागणार आहेत. हाच दर iOS सदस्यांसाठी समान आहे. मासिक शुल्काच्या तुलनेत ट्विटरकडून वेब युझर्ससाठी मात्र स्वस्त वार्षिक योजना जाहीर करण्यात आली आहे.

गुगलच्या (Google) अँड्रॉईड (Android) यूजर्ससाठी सबस्क्रिप्शनची जी किंमत ठेवण्यात आली आहे तीच किंमत Apple iOS यूजर्ससाठी आकारण्यात येईल असं कंपनीच्या वतीनं स्पष्ट करण्यात आलं आहे.

राजकारणी, प्रसिद्ध व्यक्ती, पत्रकार आणि सार्वजनिक क्षेत्रातल्या महत्त्वाच्या व्यक्तींना ट्विटरकडून ब्लू टिक देण्याची पद्धत आहे. पूर्वी ही सेवा विनामूल्य होती. मस्कने ट्विटरची मालकी घेतल्यानंतर आता ब्लू यामध्ये बदल करण्यात आला. ट्विटरच्या ब्लू टिकसाठी सबस्क्रिप्शन फी आकारण्याची घोषणा करण्यात आली. आता ब्लू टिकसाठी महिन्याला 11 डॉलर्स म्हणजे भारतीय रुपयात जवळपास 900 रुपये मोजावे लागणार आहेत.

गेल्या काही वर्षांपासून ट्विटरचे आर्थिक व्यवस्थापन बिघडत असल्याचं अनेक गोष्टींवरून समोर आलं आहे. इलॉन मस्क यांनी ट्विटरची मालकी घेतल्यानंतर ट्विटरवर जाहिरातदारांना आकर्षित करण्यासाठी त्यांनी वेगवेगळे मार्ग अवलंबण्यास सुरुवात केली. त्याचाच एक भाग म्हणून त्यांनी ट्विटरवरील ब्यू टिक ज्यांना देण्यात आली आहे त्यांच्याकडून फी आकारण्याचा निर्णय घेतला.

ट्विटर ब्लू सबस्क्रिप्शनसाठी वार्षिक योजनेची किंमत 84 डॉलर्स इतकी आहे. युनायटेड स्टेट्स, कॅनडा, युनायटेड किंगडम, जपान, न्यूझीलंड आणि ऑस्ट्रेलियासह इतर काही देशांमध्ये वेब वापरकर्त्यांसाठी सवलत उपलब्ध असेल असं ट्विटरने म्हटलं आहे.

गेल्या वर्षी डिसेंबरच्या सुरुवातीला, मस्क यांनी जाहीर केले होते की, ट्विटरच्या मूळ ब्लू टिकमध्ये जाहिरातींची संख्या निम्मी असेल आणि पुढील वर्षापासून जाहिरातीची संख्या वाढवण्यात येईल. इलॉन मस्क यांनी गेल्या वर्षी 44 अब्ज डॉलर्समध्ये ट्विटरची खरेदी केली. त्यानंतर मस्क यांनी सोशल मीडिया कंपनीमध्ये अनेक बदल केले आहेत.

Web Title: Twitter blue tick subscription price is now 900 rupees per month nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com