एक्झिट पोलचा अंदाज साफ खोटा, गोव्यात भाजपचेच सरकार येण्याचा प्रमोद सावंत यांना विश्वास

गोव्यात भाजपचेच सरकार (BJP Government In Goa) येणार आहे. आम्हाला १८ ते २२ जागा मिळण्याची शक्यता आहे. भाजपचे डब्बल इंजिन सरकार जनतेनं स्विकारलं आहे, इतर चारही राज्यात भाजपचे सरकार येईल, असा दावा गोव्याचे मुख्यमंत्री प्रमोद सावंत (Pramod Sawant) यांनी केला.

Follow Us:

Follow Us:

गोवा विधानसभा निवडणुकीसाठी (Goa Assembly Election 2022) मतदान प्रक्रिया पार पडली आहे. आता दोन दिवसांत विधानसभेची मतमोजणी होणार आहे. पण, आज आलेल्या एक्झिट पोलमध्ये (Exit Poll) भाजपचे मिशन २२ + सपशेल फेल ठरत असल्याचे चित्र आहे. पण, गोव्याचे मुख्यमंत्री प्रमोद सावंत (Pramod Sawant) यांनी भाजपला १८ ते २२ जागा मिळतील, असा दावा केला आहे.

वेगवेगळ्या वृत्तवाहिन्या आणि संस्थांनी तयार केलेले एक्झिट पोल समोर आले आहे. गोव्यात बहुमतासाठी २१ जागांचा आकडा गाठावा लागणार आहे. पण भाजपला १६ जागांपर्यंत अंदाज वर्तवण्यात आला आहे. गोव्याचे मुख्यमंत्री प्रमोद सावंत यांनी मात्र एक्झिट पोलचा अंदाज साफ खोटा ठरवला आहे.

[read_also content=”यूपीमध्ये भाजप, पंजाबमध्ये आप आणि उत्तराखंडमध्ये ५०-५० https://www.navarashtra.com/assembly-election-2022/bjp-in-up-aap-in-punjab-and-uttarakhand-50-50-250977.html”]

आम्ही ग्राऊंड लेव्हलवर काम केले आहे. हे लोकांना माहिती आहे. त्यामुळे गोव्यात भाजपचेच सरकार येणार आहे. आम्हाला १८ ते २२ जागा मिळण्याची शक्यता आहे. भाजपचे डब्बल इंजिन सरकार जनतेनं स्विकारलं आहे, इतर चारही राज्यात भाजपचे सरकार येईल, असा दावा प्रमोद सावंत यांनी केला.

तर, गोव्यात भाजपची एकहाती सत्ता येईल आणि २२ प्लसचा नारा भाजप पूर्ण करेल असा विश्वास गोव्याचे उपमुख्यमंत्री मनोहर अजगांवकर यांनी व्यक्त केला. तसंच, आप आणि तृणमूलचा आम्हाला फायदाच होणार असून त्यांचा सुफडा साफ होईल आणि उत्पल पर्रीकरच्या बंडखोरीचा काहीच परिणाम होणार नसल्याचेही त्यांनी स्पष्ट केलं आहे.

गोवा विधानसभा निवडणुकीसाठी ४० जागांसाठी मतदान प्रक्रिया पार पडली. एका हिंदी न्यूज चॅनलच्या एक्झिट पोलनुसार भाजपला मोठा धक्का बसला आहे. भाजपला १३ ते १८ जागा मिळण्याचा अंदाज व्यक्त करण्यात आला आहे. तर काँग्रेसला १४ ते १९ जागा मिळतील अशी शक्यता आहे. तर आम आदमी पक्षाला १ ते ३ जागांवर समाधान मानावे लागेल. गोव्याची मगोवा पार्टीला २ ते ५ जागांवर समाधान मानावे लागणार आहे. विशेष म्हणजे, या निवडणुकीत शिवसेनेनं सुद्धा नशिब आजमावले आहे. पण सेनेला कोणतीही जागा मिळणार नाही, अशी चिन्ह आहे.

Web Title: Pramod sawant reaction about goa assembly election exit polls 2022 nrsar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com