गुरुवार, 20 ऑगस्ट 2026
(फोटो सौजन्य-AI एआय)
होंडा कंपनीने ऑटोमोबाईल क्षेत्रात पुन्हा एकदा आपला दबदबा निर्माण केला आहे अस म्हणायला हवं. होंडाच्या ‘EV Outlier Concept’ या इलेक्ट्रिक टू व्हीलर संकल्पनेने डिझाइन कन्सेप्ट प्रकारात, तर “What Is a Electric Motorcycles” या ब्रँड फिल्मने ब्रँड अँड कम्युनिकेशन डिझाइन प्रकारात जागतिक स्तरावर मानल्या जाणाऱ्या ‘रेड डॉट डिझाइन अवॉर्ड २०२६’ पुरस्कारावर आपले नाव कोरले आहे.
EV आऊटलायर कन्सेप्ट
ही संकल्पना केवळ सध्याच्या गाड्यांची सुधारित आवृत्ती नसून २०३० नंतरच्या दुचाकींचे भविष्य दर्शवणारी एक नवीन दिशा आहे असे मानले जात आहे. जपान मोबिलिटी शो २०२५ मध्ये पहिल्यांदा सादर केलेल्या या मॉडेलमध्ये ‘प्रिसिजन ऑफ इंट्रिन्सिक डिझाइन’ या थीमचा वापर केला आहे. यात पुढील आणि मागील अशा दोन्ही चाकांमध्ये ‘इन-व्हील मोटर’ बसवल्यामुळे गाडीची रायडिंग पोझिशन अत्यंत खाली ठेवणे शक्य झाले आहे. स्मोक-क्लियर बॉडी आणि गुळगुळीत पृष्ठभागामुळे रायडरला वेगवान आणि हवेत तरंगल्यासारखाच जणू अनुभव मिळतो.
ब्रँड फिल्म काय होती?
होंडाच्या इलेक्ट्रिक मोटरसायकल व्यवसायाचे ब्रीदवाक्य “Expected life. Unexpected discoveries.” असे आहे. या ब्रँड फिल्ममध्ये इलेक्ट्रिक वाहनांच्या माध्यमातून मानवी जीवन अधिक सोपे, सुलभ आणि रोमांचक कसे बनवता येईल, याचे चित्रण केले आहे. तसेच भविष्यातील समाज आणि इलेक्ट्रिक गाड्यांचे दाखवत नवीन जीवनशैलीचा मार्ग यात मांडण्यात आला आहे.
अॅमेझॉनवर १५००W फॅट-टायर ई-बाईक अवघ्या ४५,००० रुपयांमध्ये मध्ये उपलब्ध! जाणून घ्या सविस्तर माहिती
तोशिनोबू मिनामी (व्यवस्थापकीय संचालक, होंडा R&D) यांचे मनोगत
‘रेड डॉट हा जगातील सर्वात मानाचा डिझाइन पुरस्कार आहे आणि आमच्या डिझाइन संकल्पनेला तसेच ब्रँड फिल्मला हा बहुमान मिळणे अत्यंत अभिमानास्पद आहे. भविष्यातील गरजा ओळखून काळाच्या पुढे जाणाऱ्या तंत्रज्ञानाला आकार देण्याच्या आमच्या प्रयत्नांची ही पावती आहे. होंडा यापुढेही ग्राहकांना थक्क करणारे आणि त्यांच्या आयुष्याला नवी दिशा देणारे उपक्रम राबवत राहील.’
