बुधवार, 21 ऑक्टोबर 2026
(फोटो सौजन्य-AI एआय)
या सप्टेंबरच्या महिन्यात मारुती सुझुकीच्या प्रीमियम नेक्सा शोरूममधील गाड्यांवर तुफान आकर्षक सवलती जाहीर करण्यात आल्या आहेत. या महिनाभरात ग्रँड व्हिटारा, इनव्हिक्टो, जिमनी, फ्राँक्स, XL6 आणि बलेनो या गाड्यांवर विविध ऑफर्स दिल्या जात आहेत. यात सर्वात मोठी ऑफर ग्रँड व्हिटाराच्या स्ट्रॉंग हायब्रिड व्हेरियंटवर मिळत असून, ग्राहकांना तब्बल ₹१.८५ लाखांपर्यंतचा Zero Road Tax बचत आणि ५ वर्षांची वॉरंटी दिली जात आहे.
मॉडेल्सनुसार मिळणारे डिस्काउंट्स आणि ऑफर्स,
ग्रँड व्हिटारा (स्मार्ट हायब्रिड): सिग्मा व्हेरियंटवर ₹३५,००० रोख सूट, डेल्टावर ₹२५,०००, तर डेल्टा सीएनजीवर ₹२०,००० ची सवलत आहे. झेटा, अल्फा आणि AWD व्हेरियंट्सवर ₹२५,००० ची सूट आणि ५ वर्षांची वॉरंटी मिळते. याशिवाय ₹३०,००० पर्यंतचा एक्सचेंज बोनस, ₹२५,००० चा स्क्रॅपेज बोनस आणि ₹२०,००० चा अपग्रेड लॉयल्टी बोनस उपलब्ध आहे.
ग्रँड व्हिटारा (स्ट्रॉंग हायब्रिड): या व्हेरियंटवर रोख रस्ता करात ₹१.८५ लाखांपर्यंतची सूट, ५ वर्षांची वॉरंटी, ₹५०,००० एक्सचेंज बोनस, ₹४५,००० स्क्रॅपेज सवलत आणि ₹३०,००० चा अपग्रेड लॉयल्टी बोनस मिळत आहे.
इनव्हिक्टो: कंपनीच्या या प्रीमियम MPV वर ₹५०,००० पर्यंतचा एक्सचेंज किंवा स्क्रॅपेज बोनस दिला जात आहे. जुनी कार एक्सचेंज केल्यास ₹५०,००० पर्यंतचा अपग्रेड लॉयल्टी बोनसही मिळू शकतो.
XL6: या ६-सीटर कारवर ₹२०,००० ची रोख सूट, ₹२०,००० चा एक्सचेंज बोनस (किंवा ₹१५,००० स्क्रॅपेज) आणि ₹१५,००० चा अपग्रेड लॉयल्टी बोनस उपलब्ध आहे.
फ्राँक्स: टर्बो व्हेरियंटवर ₹५,००० ची रोख सूट मिळत आहे (नॉन-टर्बो आणि सीएनजीवर रोख सूट नाही). याशिवाय ₹१०,००० एक्सचेंज किंवा स्क्रॅपेज बोनस आणि ₹१०,००० चा अपग्रेड लॉयल्टी बोनस दिला जात आहे.
जिमनी: जिमनीवर कंपनीकडून थेट ₹३५,००० ची अधिकृत सवलत दिली जात असून यासाठी कोणताही वेगळा एक्सचेंज किंवा स्क्रॅपेज बोनस लागू नाही.
बलेनो: या लोकप्रिय हॅचबॅक कारवर सध्या केवळ एक्सचेंज बोनसचा पर्याय उपलब्ध करून देण्यात आला आहे.
नियम आणि अटी:
ग्राहकांना एक्सचेंज बोनस आणि स्क्रॅपेज बोनस या दोन्हीपैकी एकाच ऑफरचा लाभ घेता येईल, कारण हे दोन्ही एकत्र लागू होत नाहीत. जुनी कार ० ते ६ वर्षे वयाची असल्यास अतिरिक्त PCM बोनस (₹५,००० ते ₹२५,००० पर्यंत) मिळतो. तसेच, अपग्रेड लॉयल्टी बोनस फक्त मारुती सुझुकीची जुनी कार एक्सचेंज केल्यावरच लागू होतो आणि स्क्रॅपेज पर्यायासोबत तो जोडता येत नाही. या ऑफर्स मॉडेल, व्हेरियंट आणि शहरांनुसार बदलू शकत असल्याने खरेदीपूर्वी जवळच्या नेक्सा डीलरशिपशी संपर्क साधण्याचा सल्ला दिला जातो.
