सोमवार, 19 ऑक्टोबर 2026
(फोटो सौजन्य-AI एआय)
लक्झरी इलेक्ट्रिक एसयूव्हीच्या सेगमेंटमध्ये मर्सिडीज-AMG ने आपल्या नव्या इलेक्ट्रिक GT SUV च्या माध्यमातून दमदार एन्ट्री केली आहे. ही 5-सीटर इलेक्ट्रिक एसयूव्ही AMG.EA प्लॅटफॉर्मवर आधारित असून, यात जबरदस्त पॉवर, वेगवान चार्जिंग आणि लांब पल्ल्याच्या ड्रायव्हिंग रेंजवर विशेष भर देण्यात आला आहे. या एसयूव्हीच्या GT 63 व्हेरिएंटमध्ये 1,153 hp पॉवर मिळते, तर 0 ते 100 kmph वेग गाठण्यासाठी केवळ 2.7 सेकंद लागतात. कंपनीच्या दाव्यानुसार, ही एसयूव्ही एका चार्जमध्ये 700 km पर्यंत रेंज देऊ शकते.
3 व्हेरिएंट्समध्ये मिळणार इलेक्ट्रिक एसयूव्ही
मर्सिडीज-AMG GT SUV ही GT 53, GT 55 आणि GT 63 अशा 3 व्हेरिएंट्समध्ये सादर करण्यात आली आहे. GT 53 मध्ये 2 इलेक्ट्रिक मोटर्स असून, त्या 536 hp पॉवर आणि 800 Nm टॉर्क निर्माण करतात. या व्हेरिएंटमध्ये 2-स्पीड रिअर गिअरबॉक्स देण्यात आला आहे. दुसरीकडे, GT 55 मध्ये 805 hp पॉवर आणि 1,860 Nm टॉर्क मिळतो. टॉप-स्पेक GT 63 व्हेरिएंटमध्ये 3 अॅक्सियल-फ्लक्स मोटर्स असून, त्या 1,153 hp पॉवर आणि 2,000 Nm टॉर्क देतात. तिन्ही व्हेरिएंट्समध्ये ऑल-व्हील ड्राइव्ह सिस्टीम देण्यात आली आहे.
710 kW फास्ट चार्जिंगचा सपोर्ट
या एसयूव्हीमध्ये 800V इलेक्ट्रिकल आर्किटेक्चर आणि 106 kWh किंवा 128 kWh बॅटरीचे ऑप्शन मिळते. GT 53 मध्ये 106 kWh बॅटरी दिली आहे, तर GT 55 आणि GT 63 मध्ये मोठ्या बॅटरीचा ऑप्शनही मिळतो. 128 kWh बॅटरीसह कमाल 710 kW DC फास्ट चार्जिंग सपोर्ट मिळतो. कंपनीच्या दाव्यानुसार, या बॅटरीला 10 ते 80% चार्ज होण्यासाठी सुमारे 12 मिनिटे लागू शकतात. विशेष म्हणजे, 10 मिनिटांच्या चार्जिंगमध्ये 454 km पर्यंत WLTP रेंज मिळू शकते, असा कंपनीचा दावा आहे.
प्रीमियम इंटीरियर आणि हायटेक फीचर्स
एसयूव्हीमध्ये 10.2-इंच डिजिटल इन्स्ट्रुमेंट डिस्प्ले आणि 14-इंच सेंट्रल टचस्क्रीन मिळते. पॅसेंजरसाठी स्वतंत्र 14-इंच स्क्रीनही ऑप्शन म्हणून दिली आहे. MBUX व्हॉइस असिस्टंटमध्ये ChatGPT, Microsoft Bing आणि Google Gemini यांचा समावेश आहे. याशिवाय, GT 63 मध्ये कार्बन-सिरेमिक ब्रेक्स आणि AMG Active Ride Control+ सस्पेन्शन स्टँडर्ड मिळते. मागच्या सीट्स फोल्ड केल्यावर बूट स्पेस 1,740 लिटरपर्यंत वाढते.
किंमत आणि भारतातील लाँचबाबत माहिती
जर्मनीमध्ये GT 53 व्हेरिएंटची ऑर्डर बुकिंग 20 ऑक्टोबरपासून सुरू होणार असून, त्याची किंमत 113,050 युरो आहे. जर्मनीतील VAT सह ही किंमत भारतीय चलनात अंदाजे 1.20 कोटी रुपये होते. GT 55 आणि GT 63 व्हेरिएंट्स 2027 च्या वसंत ऋतूमध्ये येणार आहेत. या एसयूव्हीचे प्रोडक्शन जर्मनीतील सिंडेलफिंगेन प्लांटमध्ये केले जाणार आहे. भारतात ही एसयूव्ही लाँच होणार की नाही, याबाबत कंपनीने अद्याप ऑफीशली माहिती दिलेली नाही.
पेट्रोलही, इलेक्ट्रिकही आणि मेबॅकचा रॉयल थाटही! ₹3.35 कोटींची Mercedes-Maybach S 580e भारतात लाँच!
💡 Frequently Asked Questions
प्रश्न 1: मर्सिडीज-AMG GT SUV मध्ये किती पॉवर मिळते?
उत्तर: GT 53 मध्ये 536 hp, GT 55 मध्ये 805 hp आणि टॉप GT 63 मध्ये 1,153 hp पॉवर मिळते.
प्रश्न 2: मर्सिडीज-AMG GT SUV ची रेंज आणि चार्जिंग स्पीड किती आहे?
उत्तर: कंपनीच्या दाव्यानुसार, GT 55 आणि GT 63 ची कमाल WLTP रेंज 700 km पर्यंत आहे. 128 kWh बॅटरीसह 710 kW DC फास्ट चार्जिंग सपोर्ट मिळतो आणि 10 ते 80% चार्जिंगसाठी सुमारे 12 मिनिटे लागू शकतात.
प्रश्न 3: मर्सिडीज-AMG GT SUV भारतात कधी लाँच होणार?
उत्तर: भारतातील लाँचची तारीख अद्याप जाहीर झालेली नाही. जर्मनीमध्ये GT 53 ची ऑर्डर बुकिंग 20 ऑक्टोबर 2026 पासून सुरू होणार आहे, तर GT 55 आणि GT 63 2027 च्या वसंत ऋतूमध्ये येणार आहेत.
