फोटो सौजन्य: iStock
कार चालवताना योग्य गियरचा वापर करणे अत्यंत महत्त्वाचे असते. यामुळे केवळ ड्रायव्हिंग स्मूद होत नाही, तर इंजिनची कार्यक्षमता, आयुष्य आणि मायलेजही सुधारते. अनेक चालकांना तिसरा गियर नेमका कधी टाकावा हे स्पष्ट नसते, त्यामुळे गाडी झटके देते किंवा इंजिनवर अनावश्यक ताण येतो.
सामान्यतः तिसरा गियर 20 ते 30 किमी/ताशी या वेगामध्ये वापरणे योग्य मानले जाते. जर तुम्ही दुसऱ्या गियरमध्ये गाडी चालवत असाल आणि वेग हळूहळू वाढून सुमारे 25 किमी/ताशी झाला, तर त्या वेळी तिसरा गियर टाकणे योग्य ठरते.
जर कमी वेगातच तिसरा गिअर टाकला, तर इंजिनवर जास्त लोड येतो आणि गाडी हिचकोले देऊ शकते. उलट, खूप वेळ दुसऱ्या गियरमध्ये गाडी चालवली, तर इंजिनचा आवाज वाढतो आणि इंधनाचा वापरही जास्त होतो.
Mercedes च्या ‘या’ कारमध्ये आढळली खराबी! एका झटक्यात हजारो गाड्या बोलावल्या परत
गिअर बदलताना क्लचचा योग्य वापर करणे खूप गरजेचे आहे. तिसरा गियर टाकताना प्रथम क्लच पूर्णपणे दाबा, नंतर हळूच गियर बदला आणि क्लच हळूहळू सोडा. त्याचवेळी अॅक्सिलरेटरही संतुलित पद्धतीने दाबा, जेणेकरून गाडी झटके न देता पुढे जाईल. क्लच पटकन सोडल्यास गाडी झटका देऊ शकते. तसेच, ड्रायव्हिंग करताना इंजिनच्या आवाजाकडे लक्ष देणेही महत्त्वाचे आहे. जर आवाज जास्त येत असेल, तर गियर बदलण्याची वेळ झाली आहे.
Volkswagen Taigun Facelift सादर झाली होsss…’या’ बदलांमुळे कार मार्केट गाजवणार?
रस्त्याच्या आणि परिस्थितीनुसार गियर बदलण्याची वेळ वेगळी असू शकते. चढावावर गाडी चालवत असताना तिसरा गियर थोडा उशिरा टाकावा, कारण तेथे अधिक ताकदीची गरज असते. गाडीत प्रवासी जास्त असतील किंवा वजन अधिक असेल, तरीही गियर बदलताना थोडा वेळ घेणे योग्य ठरते.
रिकाम्या रस्त्यावर गाडी चालवत असताना गियर लवकर बदलू शकतो. याशिवाय पेट्रोल आणि डिझेल गाड्यांमध्येही फरक असतो. डिझेल इंजिनमध्ये टॉर्क जास्त असल्याने गियर लवकर बदलता येतो, तर पेट्रोल कारमध्ये थोडा अधिक रेव करावा लागतो.
