राज्यात 1 लाख 88 हजार 750 कोटींची गुंतवणूक, 62 हजार 550 रोजगार निर्मिती होणार – फडणवीस

Devendra Fadnavis : जल विद्युत ऊर्जा निर्मितीसाठीच्या पंप स्टोरेज प्रकल्पांसाठी आज (ता.३) राज्य सरकारने सात कंपन्यांसोबत तब्बल सामंजस्य करार केले आहे. या करारांमुळे राज्यात एकूण 1 लाख 88 हजार 750 कोटी रुपयांची गुंतवणूक तर 62 हजार 550 एवढी रोजगार निर्मिती होणार आहे. अशी माहिती उपमुख्यमंत्री देवेंद्र फडणवीस दिली आहे.

राज्यात 1 लाख 88 हजार 750 कोटींची गुंतवणूक, 62 हजार 550 रोजगार निर्मिती - फडणवीस

Follow Us:

Follow Us:

जल विद्युत ऊर्जा निर्मितीसाठीच्या पंप स्टोरेज प्रकल्पासाठी आज सह्याद्री अतिथीगृह येथे महाराष्ट्र सरकार आणि एन टी पी सी, वेलस्पन न्यू एनर्जी, एन एच पी सी, रीन्यू हायड्रो पावर, टी एच डी सी इंडिया, टोरंट पॉवर, अदानी ग्रीन एनर्जी यांच्यात सामंजस्य करार करण्यात आला. एकूण 35 हजार 240 मे.वॉ.चे वीजनिर्मिती करार करण्यात आले. या करारामुळे राज्यात एकूण 1 लाख 88 हजार 750 कोटी रुपयांची गुंतवणूक तर 62 हजार 550 एवढी रोजगार निर्मिती होणार आहे. अशी माहिती उपमुख्यमंत्री देवेंद्र फडणवीस दिली आहे.

राज्याची एकूण उर्जा स्थापित क्षमता 46 हजार मेगावॉट त्यातून, 40 हजार 870 मेगावॅटचे पंप स्टोरेज क्षेत्रात वीजनिर्मिती करार झाल्याने ग्रीन एनर्जी क्षेत्रात हे राज्याचे मोठे पाऊल आहे. यापूर्वीही राज्यात सौर ऊर्जा निर्मितीत लक्षणीय पुढाकार घेण्यात आला आहे. २०३० पर्यंत राज्यातील ५० टक्के वीजनिर्मिती ही नैसर्गिक साधनांतून होणार आहे. नैसर्गिक संसाधनांचा वापर करून ऊर्जा शाश्वत पद्धतीने निर्माण करू शकतो. असेही उपमुख्यमंत्री देवेंद्र फडणवीस यांनी यावेळी म्हटले आहे.
(फोटो सौजन्य – सोशल मीडीया)

राज्यात पश्चिम घाटात विशेष जैवविविधता आहे. त्या ठिकाणी अनेक ठिकाणी शीतगृहांसाठी ऊर्जेचा वापर होणार आहे. शासकीय आणि खाजगी क्षेत्राने उत्सुकतेने हे करार पूर्णत्वास नेण्यास सहकार्य केले आहे. यामुळे राज्यासाठी शाश्वत वीजनिर्मिती आणि अर्थव्यवस्था वाढीस सहकार्य लाभणार आहे. असेही फडणवीस यावेळी म्हणाले आहे.

हे देखील वाचा – IPO साठी अर्ज करणारे 70 टक्के गुंतवणूकदार असतात ‘या’ चार राज्यांतील, वाचा… महाराष्ट्राचा क्रमांक!

दरम्यान, राज्य सरकारचे अपर मुख्य सचिव दीपक कपूर यांनी या करारांबाबत माहिती दिली आहे की, नॅशनल थर्मल पॉवर कंपनीअंतर्गत ९ हजार ७८ कोटी इतकी गुंतवणूक होणार आहे. त्या माध्यमातून ही कंपनी १ हजार ४०० रोजगार निर्मिती, १ हजार ८०० मेगावॅट वीज निर्मिती करणार आहे. वेल्सपन न्यु एनर्जी कंपनी अंतर्गत ५ हजार कोटी गुंतवणूक तर १ हजार ५०० रोजगार निर्मिती आणि १ हजार २०० मेगावॅट वीज निर्मिती होणार आहे.

एनएचपीसी लिमिटेड अंतर्गत ४४ हजार १०० कोटी इतकी गुंतवणूक, तर ७ हजार ३५० रोजगार निर्मिती आणि ७ हजार ३५० मेगा वॅट वीज निर्मिती होणार आहे. रिन्यु हायड्रो पावर लिमिटेड अंतर्गत १३ हजार १०० कोटी गुंतवणूक, तर ५ हजार रोजगार निर्मिती आणि २ हजार ६०० मेगावॅट वीज निर्मिती होणार आहे.

टेहेरी हायड्रो डेव्हलपमेंट कार्पोरेशन इंडिया लिमिटेड अंतर्गत ३३ हजार ६२२ कोटी गुंतवणूक, तर ६ हजार ३०० रोजगार निर्मिती आणि ६ हजार ७९० मेगावॅट वीज निर्मिती होणार आहे. टोरन्ट पावर लिमिटेड अंतर्गत २८ हजार कोटी गुंतवणूक, तर १३ हजार ५०० रोजगार निर्मिती आणि ५ हजार ६०० मेगावॅट वीज निर्मिती होणार आहे. अदानी ग्रीन एनर्जी लिमिटेड अंतर्गत ५४ हजार ४५० कोटी इतकी गुंतवणूक, तर ३० हजार रोजगार आणि ९ हजार ९०० मेगावॅट इतकी वीज निर्मिती केली जाणार आहे.

या करारावेळी गृह विभागाचे अपर मुख्य सचिव इकबाल सिंह चहल, जलसंपदा विभागाचे अपर मुख्य सचिव दीपक कपूर, जलसंपदा विभागाचे सचिव डॉ. संजय बेलसरे, उपमुख्यमंत्री यांचे सचिव श्रीकर परदेशी यांच्यासह अधिकारी आणि खाजगी कंपन्यांचे प्रतिनिधी उपस्थित होते.

Web Title: 1 lakh 88 thousand 750 crore investment in the state 62 thousand 550 employment creation devendra fadnavis

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com