ऑक्टोबर महिन्यात बॅंका 15 दिवस असणार बंद! पाहा सुट्ट्यांची यादी

ऑक्टोबर महिन्यात दसरा, दिवाळी अशा सणांमुळे आणि बॅंकाच्या नियमित सुट्ट्यांमुळे देशभरात जवळजवळ 15 दिवस बॅंकांना सुट्ट्या असणार आहेत. जाणून घ्या या सुट्ट्यांबद्दल

फोटो सौजन्य- istock

Follow Us:

Follow Us:

ऑक्टोबर महिना येत्या 5 दिवसात सुरु होणार आहे. यावर्षी ऑक्टोबर महिन्यामध्ये महत्वाचे सण आले आहेत त्यामुळे अनेक दिवस सुट्ट्या असणार आहेत. ऑक्टोबर महिन्यात दसरा, दिवाळी अशा सणांमुळे आणि बॅंकाच्या नियमित सुट्ट्यांमुळे देशभरात जवळजवळ 15 दिवस बॅंकांना सुट्ट्या असणार आहेत. जर तुम्हाला बॅंकेशी निगडीत कोणतेही काम असल्यास  या सुट्ट्यापाहून लवकरात लवकर आटपून घ्या.

बॅंकांच्या सुट्टीबद्दल रिझर्व्ह बॅंकेकडून महिन्याच्या सुरवातीलाच सुट्ट्यांची यादी जाहीर करण्यात येते. त्यामुळे या ऑक्टोबर महिन्याच्या यादीनुसार 31 दिवसांमध्ये 15 दिवसांची सुट्टी दिली गेली आहे. यामध्ये नियमित शनिवार रविवार सुट्ट्यांसोबतच सणांच्या सुट्ट्या ही दिल्या गेल्या आहेत.  जाणून घेऊया या सुट्ट्यांबद्दल

हे देखील वाचा- कर्जपुरवठा करणाऱ्या ‘या’ लहान कंपनीच्या IPO साठी, लोकांनी लावले तब्बल 24 हजार कोटी रुपये

ऑक्टोबर महिना आणि बॅंकांच्या सुट्ट्या

• 1 ऑक्टोबर 2024- विधानसभा निवडणुकीमुळे जम्मूमध्ये बँका बंद असणार आहेत.
• 2 ऑक्टोबर 2024- महात्मा गांधी जयंती या राष्ट्रीय सणानिमित्त देशभरातील  बँकांना सुट्टी असेल.
• 3 ऑक्टोबर 2024-  नवरात्रीच्या स्थापनेमुळे तसेच राजा अग्रसेन जयंतीमुळे काही भागात बँकांना सुट्टी असेल.
• 6 ऑक्टोबर 2024- रविवार असल्याने संपूर्ण देशात सुट्टी असेल.
• 10 ऑक्टोबर 2024- महासप्तमी असल्याने  काही भागात बॅंका बंद राहणार आहेत.
• 11 ऑक्टोबर 2024-  महानवमी असल्याने देशातील काही भागात सुट्टी दिली गेली आहे.
• 12 ऑक्टोबर 2024- दसरा आणि दुसऱ्या शनिवार असल्याने देशभरातील बॅंकाना सुट्टी आहे.
• 13 ऑक्टोबर 2024- रविवारमुळे संपूर्ण देशात बँका बंद राहणार आहेत.
• 14 ऑक्टोबर 2024- दसेनच्या निमित्ताने देशाच्या काही भागात बँकांना सुट्टी असेल.
• 16 ऑक्टोबर 2024- लक्ष्मीपूजनाच्या निमित्ताने आगरतळा आणि कोलकाता येथे बँका बंद राहतील.
• 17 ऑक्टोबर 2024- महर्षि वाल्मिकी आणि कांती बिहू यानिमित्ताने काही भागात बॅंकाना सुट्टी आहे.
• 20 ऑक्टोबर 2024- रविवारमुळे देशभरात बँका बंद राहतील.
• 26 ऑक्टोबर 2024- चौथा शनिवार असल्यामुळे देशभरातील बँका बंद राहतील.
• 27 ऑक्टोबर 2024- रविवारमुळे देशभरातील बँकांना सुट्टी असेल.
• 31 ऑक्टोबर 2024- नरकचतुर्थी असल्याने  देशभरातील जवळपास बॅंकाना सुट्टी असणार आहे.

हे देखील वाचा-किरकोळ विक्रेत्यांच्या सणासुदीच्या काळातील विक्रीच्या संधी कमी होण्याची शक्यता- एम्पॉवर इंडिया

ऑक्टोबरमध्ये सणासुदीच्या हंगामामुळे देशभरातील बॅंकाना 15 दिवसांकरिता सुट्टी असली तरीही तुमचे बहुतांश काम थाबणार नाही. या बॅंकांच्या सुट्टीच्या कालावधीमध्ये तुम्ही ऑनलाईन बॅंकिगची सुविधा वापरून पैश्यांचा व्यवहार करु शकतात. पैसे रोखीने काढण्यासाठी एटीएमचाही वापर केला जाऊ शकतात.

Web Title: Banks will be closed for 15 days in october see the list of bank holidays

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com