बल्ले बल्ले… NSE IPO चा बाजारात धुमाकूळ! ग्रे मार्केटमध्ये ₹300 चा प्रीमियम; सरकारी विमा कंपन्यांना जॅकपॉट

NSE IPO GMP Update : देशातील सर्वात मोठ्या NSE आगामी IPO ची उत्सुकता शिगेला पोहोचली आहे. अनलिस्टेड मार्केट आणि Grey Market मध्ये NSE च्या शेअरचा प्रीमियम तब्बल ₹३०० पर्यंत गेला आहे. या तुफान तेजीमुळे सरकारी विमा कंपन्यांना त्याचा फायदा होणार आहे.

(फोटो सौजन्य: सोशल मीडिया)

Follow Us:

Follow Us:

• NSE IPO चा बाजारात धुमाकूळ!
• ग्रे मार्केटमध्ये ₹300 चा प्रीमियम
• सरकारी विमा कंपन्यांना जॅकपॉट

Corporate Mitra Launch : छोट्या व्यावसायिकांची बल्ले-बल्ले! केंद्र सरकारकडू खास भेट; MSME क्षेत्राला मिळणार व्यावसायिक मदत

NSE चे शेअर्स आता अनलिस्टेड मार्केटमध्ये प्रति शेअर ₹2,000 वर ट्रेड करत आहेत. अनलिस्टेड किंमत म्हणजे लिस्टिंगपूर्वी कंपनीच्या विद्यमान शेअर्सचा व्यवहार ज्या किमतीवर होतो ती किंमत, तर GMP म्हणजे IPO किंमत किंवा अंदाजित इश्यू किंमतीपेक्षा जास्त असलेला तो प्रीमियम जो गुंतवणूकदार लिस्टिंगपूर्वी शेअर्ससाठी देण्यास तयार असतात.

सरकारी विमा कंपन्यांना मोठा फायदा

तज्ज्ञांच्या अंदाजानुसार NSE IPO साठी प्रति शेअर प्राईज बँड ₹१,८०० इतका असेल. प्रस्तावित IPO मध्ये ४० दशलक्ष शेअर्स विकून पाच सरकारी विमा कंपन्या मोठा नफा कमवतील. याचा अंदाज जवळ जवळ ₹७,२०० कोटींचा भरीव नफा मिळण्याची अपेक्षा आहे. या यादीत जनरल इन्शुरन्स कॉर्पोरेशन ऑफ इंडिया आघाडीवर आहे. त्यानंतर न्यू इंडिया अॅश्युरन्स, नॅशनल इन्शुरन्स, युनायटेड इंडिया आणि ओरिएंटल इन्शुरन्स यांचा नंबर लागतो.

जनरल इन्शुरन्स कॉर्पोरेशन, नॅशनल इन्शुरन्स, न्यू इंडिया, ओरिएंटल इन्शुरन्स आणि युनायटेड इंडिया या एक्सचेंजच्या सुरुवातीच्या गुंतवणूकदारांपैकी होत्या. या कंपन्यांनी ₹६.८ कोटींना NSE चे शेअर्स खरेदी केले आणि आता त्यांना IPO मधून दुसऱ्या तिमाहीत भरीव नफा मिळण्याची अपेक्षा आहे.

LIC आपले शेअर विकणार नाही

NSEची सर्वात मोठी भागधारक असलेली LIC आपले शेअर्स विकणार नाही. तिचा १०.७२% हिस्सा आहे. या पाच विमा कंपन्यांचा एकत्रित हिस्सा अंदाजे ६.७% वरून ५.१% पर्यंत कमी होईल.

IPO बाबत

NSE IPO हा पूर्णपणे ‘ऑफर फॉर सेल’ असणार आहे. विद्यमान भागधारक त्यांच्या हिश्श्याच्या अंदाजे ६% म्हणजेच १४८.९ दशलक्ष शेअर्सपर्यंत विक्री करतील. मसुदा दस्तऐवजानुसार, स्टेट बँक ऑफ इंडिया SBI IPOमध्ये २४.८ दशलक्ष शेअर्सपर्यंत विक्री करणार आहे, तर एमएस स्ट्रॅटेजिक (मॉरिशस) लिमिटेड १६ दशलक्ष शेअर्सपर्यंत विक्री करेल.
हा एक OFS असल्यामुळे, यातून मिळणारा निधी NSE कडे न जाता, ज्या विद्यमान गुंतवणूकदारांनी शेअर्स विकले आहेत त्यांना मिळणार आहे. हा इश्यू १५ सप्टेंबर रोजी खुला होण्याची आणि २४ व २५ सप्टेंबर रोजी शेअर बाजारात लिस्टेड होण्याची शक्यता आहे. जर यातून अंदाजे ₹३०,००० कोटी उभारले गेले, तर NSE ऑक्टोबर २०२४ मध्ये ह्युंदाई मोटर इंडियाच्या ₹२७,८५८.७५ कोटींच्या IPOने उभारलेला विक्रम मोडीस काढेल.

Old Monk प्रेमींना मोठा धक्का! महाराष्ट्रातील विक्रीवरील Ban कायम; Bombay High Court चा थेट नकार

Web Title: Nse ipo gmp soars to 300 rupees big gains for public sector insurance companies

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com