बुधवार, 21 ऑक्टोबर 2026
Jio IPO चा बाजारात इतिहास! ( सौजन्य - सोशल मीडिया )
क्वालिफाइड इन्स्टिट्यूशनल बायर्स (QIBs) चा भाग ३.२५ पट सबस्क्राईब झाला आहे. एनएसई प्लॅटफॉर्मवर सकाळी १०:३५ पर्यंत संपूर्ण आयपीओ सबस्क्राईब झाला होता. NSE च्या आकडेवारीनुसार, संपूर्ण आयपीओ १.०१ पट सबस्क्राईब झाला आहे. कंपनीने जारी केलेल्या १९.७५ कोटी शेअर्सच्या तुलनेत, एकूण २०.०३ कोटी शेअर्सची मागणी प्राप्त झाली आहे. यापूर्वी १९ ऑक्टोबर रोजी, जिओ प्लॅटफॉर्म्सने २१२ अँकर गुंतवणूकदारांकडून ₹८,१०९.८४ कोटी उभारले होते. या गुंतवणूकदारांमध्ये ब्लॅकरॉक, कॅपिटल ग्रुप, फिडेलिटी इन्व्हेस्टमेंट्स, टी. रो प्राइस, श्रोडर्स, जेपी मॉर्गन असेट मॅनेजमेंट, फ्रँकलिन टेम्पलटन, इन्व्हेस्को आणि प्रुडेन्शियल यांचा समावेश होता. जिओ प्लॅटफॉर्म्सच्या आयपीओसाठी प्रमुख गुंतवणूकदारांकडून सुमारे २.५ लाख कोटी रुपयांची मागणी पोहोचली, ज्यामुळे एवढी मोठी बोली मिळवणारा हा पहिला भारतीय IPO ठरला.
जिओ प्लॅटफॉर्म्सचा IPO २१ ऑक्टोबर रोजी सुरू झाला असून २३ ऑक्टोबर रोजी बंद होईल. तो २८ ऑक्टोबर रोजी बाजारात सूचीबद्ध होईल. आयपीओची किंमत प्रति शेअर ₹१,०६५ ते ₹१,११९ अशी निश्चित करण्यात आली आहे. कंपनीने या आयपीओमध्ये अंदाजे २७ कोटी शेअर्स जारी केले आहेत. सध्या, कंपनीने आयपीओपूर्वी २१२ अँकर गुंतवणूकदारांकडून ₹८,१०९.८४ कोटी उभारले आहेत. अनेक सरकारी पेन्शन फंडांनीही या आयपीओमध्ये गुंतवणूक केली आहे. सिंगापूर, अबू धाबी, कतार, कॅलिफोर्निया आणि फ्लोरिडा यांसारख्या शहरांनी आणि देशांनीही या पेन्शन फंडांमध्ये गुंतवणूक केली आहे.
एकीकडे जिओच्या आयपीओने बाजारात खळबळ उडवून दिली आहे, तर दुसरीकडे ग्रे मार्केटमध्येही त्याची लोकप्रियता वाढत आहे. आज सकाळी आयपीओचा जीएमपी जवळपास २४% नी वाढून ₹२७३ च्या प्रीमियमवर पोहोचला आहे. याचा अर्थ असा की, हा आयपीओ लिस्टिंगच्या वेळी गुंतवणूकदारांना प्रति शेअर ₹२७३ च्या नफ्यासह २४.४% परतावा देऊ शकतो.
Ans: जिओचा हा मेगा आयपीओ सर्वसामान्यांसाठी खुला झाल्यानंतर अवघ्या ३५ मिनिटांत पूर्णपणे सबस्क्राईब झाला,
Ans: QIB श्रेणीतील गुंतवणूकदारांनी या आयपीओमध्ये तुफान स्वारस्य दाखवत कोट्यवधी रुपयांची बोली लावली, ज्यामुळे ही श्रेणी ३.२५ पट (सवा तीन पट) भरली.
Ans: रिलायन्स जिओचा विशाल टेलिकॉम व डिजिटल युझर बेस, कंपनीची मजबूत आर्थिक स्थिती आणि ग्रे मार्केटमध्ये मिळणारे तगड्या लिस्टिंग गेनचे संकेत हे या तुफान प्रतिसादाचे मुख्य कारण मानले जात आहे.
