अर्थमंत्री निर्मला सीतारामण (Economic Minister Nirmala Sitharaman) यांचे भाषण सुरु झाल्यानंतर मध्य सत्रामध्ये सेन्सेक्स ८०० अंकांवर (Sensex Rises) पोहोचला आहे. निफ्टीमध्येही वाढ (Nifty) झाली आहे. या दरम्यान शेअर बाजाराचा निर्देशांक ८४२.०७ अंकांनी म्हणजेच १.४५ टक्क्यांनी वाढून ५८,८५६.२४ व्यवहार करत होता. त्याचवेळी निफ्टी १६५.५० अंक म्हणजेच ०.९५ टक्क्यांनी तेजीने वाढून १७,५०५.३५ अंकांवर पोहोचला.
[read_also content=”पालघरमधील समुद्रकिनाऱ्यांवर वाळू उपसा सुरु, पालकमंत्र्यांच्या आदेशाकडे दुर्लक्ष https://www.navarashtra.com/palghar/kokan/palghar/sand-excavation-on-the-beaches-of-palghar-district-continues-guardian-ministers-order-neglelcted-nrsr-230694.html”]
सेन्सेक्समध्ये सगळ्यात जास्त ५.३० टक्के वाढ सन फार्मामध्ये झाली आहे. याशिवाय इंडसइंड बँक, आयसीआयसीआय बँक, टाटा स्टील, एचडीएफसी, इन्फोसिस, एक्सिस बँक यांच्या शेअर्समध्येही वाढ झाली आहे. ३० पैकी २७ शेअर्स हिरव्या निशाणासह झळकत होते. दुसरीकडे भारती एअरटेल, डॉ रेड्डीज आणि स्टेट बँक ऑफ इंडिया लाल निशाणामध्ये होते. आधीच्या सत्रामध्ये सेन्सेक्स ८१३ अंकांनी म्हणजेच १.४२ टक्क्यांनी वाढून ५८,०१४.१७ अंकांवर बंद झाला. तसेच एनएसईचा निफ्टी २३७.९० अंक म्हणजेच १.३९ टक्क्यांनी मजबूत होऊन १७, ३३९.८५ वर बंद झाला.
