झोमॅटो-जिओ फायनान्शिअलचा निफ्टी 50 नामांकित कंपन्यांमध्ये समावेश; काही दिवसांपूर्वीच फ्यूचर अँड ऑप्शन्समध्येही समावेश!

रिलायन्स इंडस्ट्रीजची शेअर बाजारातील सूचीबद्ध कंपनी जिओ फायनान्शिअल सर्व्हिसेस लिमिटेड आणि झोमॅटो या कंपन्यांना नॅशनल स्टॉक एक्सचेंजच्या निफ्टी 50 मध्ये सहभागी करुन घेण्यात आले आहे.

झोमॅटो-जिओ फायनान्शिअलचा निफ्टी 50 नामांकित कंपन्यांमध्ये समावेश; काही दिवसांपूर्वीच फ्यूचर अँड ऑप्शन्समध्येही समावेश!

Follow Us:

Follow Us:

रिलायन्स इंडस्ट्रीजची शेअर बाजारातील सूचीबद्ध कंपनी जिओ फायनान्शिअल सर्व्हिसेस लिमिटेड आणि झोमॅटो या कंपन्यांना नॅशनल स्टॉक एक्सचेंजच्या निफ्टी 50 मध्ये सहभागी करुन घेण्यात आले आहे. एनएसईने दोन्ही कंपन्यांना काही दिवसांपूर्वी फ्यूचर अँड ऑप्शन्समध्ये ट्रेड करण्यासाठी सहभागी करुन घेतले आहे. त्यानंतर फेब्रुवारी 2025 महिन्यात निफ्टी इंडेक्सची फेररचना केली जाऊ शकते. त्यावेळी काही स्टॉक्सचा समावेश निफ्टी 50 मध्ये केला जाऊ शकतो. काही स्टॉक्सला निफ्टी 50 मधून बाहेर केले जाऊ शकते.

जिओ फायनान्शिअलचा स्टॉक्स निफ्टी 50 मध्ये समाविष्ट

ब्रोकरेज फर्म जेएम फायनान्शिअलनुसार झोमॅटो आणि जिओ फायनान्शिअलच्या स्टॉक्सला निफ्टी 50 समाविष्ट केले जाऊ शकते. सार्वजनिक क्षेत्रातील कंपनी भारत पेट्रोलियम कॉरपोरेशन लिमिटेड आणि आयशर मोटर्स कंपन्यांना देखील निफ्टी 50 मध्ये स्थान दिले जाऊ शकते. झोमॅटो आणि जिओ फायनान्शिअल या कंपन्यांना निफ्टी 50 मध्ये घेतल्याने अनुक्रमे या दोन्ही कंपन्यांमध्ये 607 दक्षलक्ष डॉलर्स आणि 372 दशलक्ष डॉलर्सचा इन्फ्लो पाहायला मिळू शकतो. याशिवाय बीपीसीएल आणि आयशर मोटर्समध्ये अनुक्रमे 223 आणि 239 दशलक्ष डॉलर्सचा आऊट फ्लो दिसू शकतो.

हे देखील वाचा – वाढत्या महागाईतच भाजीपाल्याच्या दरात वाढ; टोमॅटो, कांदा, बटाट्याचे दर भिडलेत गगनाला!

झोमॅटोच्या शेअरमध्ये 4.36 टक्के परतावा

झोमॅटो आणि जिओ फायनान्शिअल या दोन्ही कंपन्यांनी त्यांच्या शेअर धारकांना गेल्या काही महिन्यांमध्ये जोरदार परतावा दिला आहे. झोमॅटोच्या शेअरमध्ये गुरुवारी (ता.१६) 4.36 टक्के परतावा पाहायला मिळाला आहे. शेअर बाजार बंद झाला. तेव्हा झोमॅटोचा शेअर 269.66 रुपयांवर होता. 2024 मध्ये झोमॅटोच्या शेअरने गुंतवणूकदारांना 118 टक्के परतावा दिला आहे.

जिओ फायनान्शिअल सर्व्हिसेस लिमेटड ऑगस्ट 2023 मध्ये रिलायन्स इंडस्ट्रीजमधून डी मर्जरनंतर शेअर बाजारत लिस्ट झाली होती. गुरुवारी जिओ फायनान्शिअलच्या शेअरमध्ये 6.33 टक्के तेजी पाहायला मिळाली. बाजार बंद झाला तेव्हा शेअर 318.35 रुपयांवर होता. 2024 मध्ये शेअरने 37 टक्के परतावा दिला आहे.

हे देखील वाचा – चार रुपयांच्या शेअरची कमाल, 1 लाखाचे झाले 8 लाख रुपये; गुंतवणूकदार मालामाल!

शेअर बाजारात घसरणीचे सत्र सुरुच

भारतीय शेअर बाजारात गेल्या काही दिवसांमध्ये मोठ्या प्रमाणावर घसरण झाल्याचे पाहायला मिळाले होते. सेन्सेक्समध्ये सलग तिसऱ्या दिवशी घसरण झाल्याचे पाहायला मिळाले. भारतीय शेअर बाजारातून गेल्या काही दिवसांपासून विदेशी गुंतवणूकदारांनी त्यांच्याकडे असलेल्या समभागांची विक्री करुन पैसे काढून घेतले. याचा परिणाम भारतीय शेअर बाजारात पाहायला मिळाला आहे. मंगळवार आणि बुधवार या दोन दिवसांमध्ये गुंतवणूकदारांचे जवळपास १३ लाख कोटी रुपयांचे नुकसान झाल्याचे पाहायला मिळाले. दुसरीकडे शेअर बाजारात येणाऱ्या आयपीओंना देखील गुंतवणूकदार कसा प्रतिसाद देतात, हे पाहावे लागणार आहे. काही दिवसांपूर्वी आलेल्या आयपीओला म्हणावा तसा प्रतिसाद मिळाला नव्हता.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

Web Title: Zomato jio financials inclusion in nifty 50 listed companies also included in future and options

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com