दहावीनंतर लगेच नोकरी मिळवण्यासाठी उत्तम कोर्सेस; नक्की वाचा

दहावी नंतर लवकर नोकरी मिळवण्यासाठी डिजिटल मार्केटिंग, वेब डेव्हलपमेंट, अभियांत्रिकी डिप्लोमा, औषधनिर्माण आणि ग्राफिक डिझाइन यांसारखे कोर्सेस उपयुक्त ठरू शकतात.

फोटो सौजन्य - Social Media

Follow Us:

Follow Us:

दहावी उत्तीर्ण झाल्यानंतर अनेक विद्यार्थी अकरावी-बारावी करून पुढे उच्च शिक्षण घेतात. मात्र, काहींना लवकरात लवकर कमाई सुरू करायची असते. अशा विद्यार्थ्यांसाठी काही सर्टिफिकेट आणि डिप्लोमा कोर्सेस उत्तम पर्याय ठरू शकतात. हे कोर्सेस कमी कालावधीचे असतात आणि त्यानंतर लगेच नोकरी मिळण्याची संधी असते. आजच्या डिजिटल युगात कंपन्यांना सोशल मीडिया, ऑनलाइन जाहिरात आणि ब्रँड प्रमोशनसाठी तज्ज्ञांची गरज आहे. डिजिटल मार्केटिंग कोर्समध्ये सोशल मीडिया मार्केटिंग, सर्च इंजिन ऑप्टिमायझेशन (SEO), कंटेंट मार्केटिंग आणि इतर महत्त्वाचे घटक शिकवले जातात. हा कोर्स पूर्ण केल्यानंतर ई-कॉमर्स कंपन्या, स्टार्टअप्स किंवा डिजिटल मार्केटिंग एजन्सीमध्ये नोकरी मिळू शकते.

रोजगार आलं तुमच्या दारी! नवी मुंबई महानगपालिकेत ६२० पदांसाठी भरती; करा अर्ज

वेबसाइट डिझाइन आणि डेव्हलपमेंट हे सध्या सर्वाधिक मागणी असलेले कौशल्य आहे. जर तुम्हाला तंत्रज्ञानाची आवड असेल आणि इंटरनेटवर काम करायचं असेल, तर वेब डेव्हलपमेंट हा उत्तम पर्याय आहे. यामध्ये HTML, CSS, JavaScript, WordPress यासारख्या तंत्रज्ञानाचे ज्ञान दिले जाते. हा कोर्स पूर्ण केल्यानंतर फ्रीलान्सर किंवा वेब डेव्हलपर म्हणून काम करता येते.

अभियांत्रिकी क्षेत्रात करिअर करू इच्छिणाऱ्या विद्यार्थ्यांसाठी पॉलिटेक्निक डिप्लोमा हा चांगला पर्याय ठरतो. यामध्ये सिव्हिल, मेकॅनिकल, इलेक्ट्रिकल, ऑटोमोबाईल आणि संगणक अभियांत्रिकी यासारख्या शाखांमध्ये डिप्लोमा करता येतो. हा कोर्स पूर्ण केल्यानंतर विद्यार्थ्यांना विविध तांत्रिक कंपन्यांमध्ये ज्युनियर इंजिनियर किंवा टेक्निशियन म्हणून नोकरी मिळू शकते.

फार्मसी आणि औषधनिर्मिती क्षेत्रात करिअर करू इच्छिणाऱ्यांसाठी विविध सर्टिफिकेट आणि डिप्लोमा कोर्सेस उपलब्ध आहेत. मेडिकल लॅब टेक्निशियन, फार्मसी असिस्टंट आणि औषध निर्मिती क्षेत्रातील इतर कोर्स केल्यानंतर विद्यार्थ्यांना रुग्णालये, मेडिकल स्टोअर्स किंवा फार्मास्युटिकल कंपन्यांमध्ये नोकरी मिळू शकते.

रोजगार आलं तुमच्या दारी! नवी मुंबई महानगपालिकेत ६२० पदांसाठी भरती; करा अर्ज

क्रिएटिव्ह विचारसरणी असलेल्या विद्यार्थ्यांसाठी ग्राफिक डिझाइन हा उत्तम करिअर पर्याय आहे. यात Adobe Photoshop, Illustrator, CorelDRAW यासारख्या सॉफ्टवेअरचे प्रशिक्षण दिले जाते. ग्राफिक डिझायनिंग कोर्स पूर्ण केल्यानंतर तुम्ही जाहिरात कंपन्या, डिजिटल मीडिया हाऊसेस किंवा फ्रीलान्सर म्हणून काम करू शकता. दहावी नंतर लवकर नोकरी मिळवायची असल्यास पारंपरिक शिक्षणाच्या पलीकडे जाऊन व्यावसायिक कौशल्ये आत्मसात करणे गरजेचे आहे. वर सांगितलेल्या कोर्सेसद्वारे तुम्ही कमी कालावधीत चांगल्या पगाराची नोकरी मिळवू शकता किंवा तुमचा स्वतःचा व्यवसाय सुरू करू शकता.

Web Title: Best courses to get a job immediately after 10th

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com