मंगळवार, 13 ऑक्टोबर 2026
फोटो सौजन्य-एआय
GDS Result 2026: इंडिया पोस्टने ग्रामीण डाक सेवक (GDS) भरतीची मेरिट लिस्ट जाहीर केली आहे. शॉर्टलिस्ट केलेल्या उमेदवारांच्या यादीत नाव आल्यास, न थांबता त्वरित पुढील तयारी सुरू करा. इंडिया पोस्ट जीडीएस भरतीसाठी कोणतीही लेखी परीक्षा किंवा मुलाखत घेतली जात नाही. ही सरकारी नोकरी विशेषतः १० वी पास असणाऱ्या उमेदवारांसाठी आहे. इंडिया पोस्ट जीडीएस मेरिट लिस्टमध्ये नाव आल्यानंतरच खरी प्रक्रिया सुरू होते. याविषयीचे सर्व अपडेट्स iapost.gov.in/gdsonlineengagement या अधिकृत वेबसाइटवर पाहू शकता.
माहितीच्या अभावामुळे अनेक उमेदवारांना मेरिट लिस्ट नंतरची प्रक्रिया समजत नाही. एका छोट्या चुकीमुळे किंवा कागदपत्रांमधील गडबडीमुळे अनेकदा निवड झालेल्या उमेदवारांचे उमेदवारी अर्ज रद्द केले जातात. म्हणूनच पहिली मेरिट लिस्ट आल्यावर आनंद साजरा करण्यासोबतच पुढील टप्प्यांच्या तयारीला लागणे अत्यंत गरजेचे आहे. इंडिया पोस्ट जीडीएस मेरिट लिस्टमध्ये नाव आल्यापासून ते पहिल्या डॉक्युमेंट व्हेरिफिकेशन (DV-1), ट्रेनिंग आणि फायनल जॉइनिंग लेटर मिळेपर्यंतचा संपूर्ण प्रवास कसा असतो, हे जाणून घ्या.
भारतीय डाक विभागाने ग्रामीण डाक सेवक भरती २०२६ ची पहिली मेरिट लिस्ट indiapostgdsonline.gov.in वर जारी केली आहे. याद्वारे एकूण २३,७५७ रिक्त पदे भरली जाणार आहेत. वेबसाइटवर जाऊन तुम्ही तुमच्या राज्य किंवा सर्कलची मेरिट लिस्ट डाऊनलोड करू शकता. शॉर्टलिस्ट केलेल्या उमेदवारांच्या सूचीमध्ये Ctrl+F हा शॉर्टकट वापरून तुमचा रजिस्ट्रेशन नंबर किंवा नाव, मिळालेले पद, डिव्हिजन आणि १० वीची टक्क्यांनुसार माहिती पाहू शकता.
निवड झालेल्या उमेदवारांना सर्व मूळ कागदपत्रांसह संबंधित विभागीय कार्यालयात डॉक्युमेंट व्हेरिफिकेशनची प्रक्रिया पूर्ण करावी लागेल. इंडिया पोस्ट जीडीएस मेरिट लिस्टमध्ये प्रत्येक उमेदवाराच्या नावापुढे त्याच्या संबंधित डिव्हिजनल हेडचे नाव आणि व्हेरिफिकेशन करून घेण्याची अंतिम तारीख लिहिलेली असते. उमेदवारांना त्यांच्या नोंदणीकृत मोबाईल नंबर आणि ईमेलवरही इंटिमेशन मेसेज येतो.
वेळेच्या मर्यादेची काळजी घ्या: पहिली मेरिट लिस्ट जाहीर झाल्यानंतर उमेदवारांना सर्व ओरिजिनल डॉक्युमेंट्ससह निर्धारित विभागीय कार्यालयात रिपोर्ट करण्यासाठी १० ते १५ दिवसांचा वेळ मिळतो.
या राऊंडमध्ये काय होते?: अर्ज फॉर्ममध्ये भरलेले गुण आणि माहितीची खरी मार्कशीट आणि प्रमाणपत्रांशी पडताळणी केली जाते. सर्व कागदपत्रे अचूक आढळल्यास प्रोव्हिजनल व्हेरिफिकेशन स्लिप दिली जाते.
व्हेरिफिकेशन सेंटरवर जाताना कोणतीही घाईगडबड होऊ नये म्हणून आपले सर्व कागदपत्रे आधीच तयार ठेवा. सर्व ओरिजिनल डॉक्युमेंट्ससह त्यांच्या प्रत्येकी २ झेरॉक्स कॉपी सोबत ठेवा:
अनेक उमेदवारांना हे माहीत नसते की डाक विभागात दोनदा डॉक्युमेंट व्हेरिफिकेशन होते. पहिले व्हेरिफिकेशन (DV-1) ही फक्त प्राथमिक तपासणी असते. DV-1 क्लिअर झाल्यानंतर काही दिवसांनी DV-2 साठी बोलावले जाते.
खोलवर तपासणी: या टप्प्यात कागदपत्रांची पार्श्वभूमी तपासणी केली जाते. १० वी ची मार्कशीट खरी आहे की खोटी, हे तपासण्यासाठी ती संबंधित शिक्षण बोर्डाकडे पाठवली जाते.
पोलिसांची पडताळणी आणि मेडिकल: याच दरम्यान पोलिसांकडून पडताळणीचा फॉर्म भरून घेतला जातो आणि कोणत्याही सरकारी हॉस्पिटलच्या मेडिकल ऑफिसरकडून (CMO) मेडिकल फिटनेस सर्टिफिकेट बनवण्याचे निर्देश दिले जातात.
दोन्ही टप्प्यांचे व्हेरिफिकेशन आणि मेडिकल क्लिअरन्स झाल्यानंतर उमेदवारांना ५ ते १५ दिवसांच्या प्रॅक्टिकल आणि सिस्टीम ट्रेनिंगसाठी पाठवले जाते. जर ब्रांच पोस्टमास्टर (BPM) पदासाठी निवड झाली असेल, तर ‘DARPAN’ डिव्हाइस चालवणे, टपाल व्यवहार, खाते उघडणे आणि पैसे जमा-काढणी करण्याचे डिजिटल प्रशिक्षण दिले जाते. प्रशिक्षण पूर्ण झाल्यानंतर डाक विभाग फॉर्मल जॉइनिंग म्हणजेच अलॉटमेंट लेटर देतो. त्यानंतर तात्काळ, वाटप केलेल्या ब्रांच पोस्ट ऑफिसमध्ये (BO) किंवा सब पोस्ट ऑफिसमध्ये (SO) जाऊन कार्यभार स्वीकारावा लागतो.
