JEE Main 2027: जेईई मेन परीक्षेच्या तारखा जाहीर! ‘या’ दिवसापासून सुरू होणार ऑनलाइन नोंदणी

JEE Main 2027 Big Update: देशातील सर्वात मोठी आणि प्रतिष्ठित इंजिनिअरिंग प्रवेश परीक्षा JEE Main 2027 ची तयारी करणाऱ्या विद्यार्थ्यांसाठी अत्यंत महत्त्वाची बातमी आहे. NTA लवकरच JEE Mains 2027 साठी ऑनलाइन नोंदणी (रजिस्ट्रेशन) प्रक्रिया सुरू करणार आहे. मीडिया रिपोर्ट्स आणि मागील ट्रेंड्सनुसार, अर्ज फॉर्म ऑक्टोबरच्या शेवटच्या आठवड्यात किंवा नोव्हेंबरच्या सुरुवातीला अधिकृत वेबसाइटवर जारी केले जातील. जे विद्यार्थी IIT, NIT आणि इतर टॉप इंजिनिअरिंग महाविद्यालयांमध्ये प्रवेश घेऊ इच्छितो, त्यांनी वेळेतच आपली सर्व आवश्यक कागदपत्रे तयार ठेवावीत जेणेकरून फॉर्म भरताना कोणतीही चूक होणार नाही.

‘या’ तारखेला होणार परीक्षा

NTA ने आपल्या सुरुवातीच्या कॅलेंडरमध्ये आधीच स्पष्ट केले आहे की, JEE Mains 2027 च्या पहिल्या सत्राची परीक्षा २२ जानेवारी ते ३० जानेवारी २०२७ या कालावधीत आयोजित केली जाईल. परीक्षा पूर्णपणे संगणक आधारित चाचणी (CBT) मोडमध्ये होईल. नोंदणी लिंक सुरू झाल्यानंतर विद्यार्थ्यांना अर्ज भरण्यासाठी आणि फी भरण्यासाठी सुमारे २८ ते ३० दिवसांचा वेळ दिला जाईल.

Students Exam Fee: दुष्काळग्रस्त विद्यार्थ्यांना दिलासा! परीक्षा शुल्क घेतल्यास थेट महाविद्यालयावर कारवाई होणार

अर्ज भरण्यासाठी आवश्यक कागदपत्रे (Documents)

१० वीची मार्कशीट: उमेदवाराचे नाव, आई-वडिलांचे नाव आणि जन्म तारीख अगदी १० वीच्या मार्कशीटनुसारच फॉर्ममध्ये भरावी लागेल.

१२ वीची माहिती: जे विद्यार्थी यावर्षी १२ वीची परीक्षा देत आहेत किंवा उत्तीर्ण झाले आहेत, त्यांनी त्यांच्या बोर्डाचा रोल नंबर आणि शाळेचा पत्ता तयार ठेवावा.

पासपोर्ट साईझ फोटो: विद्यार्थ्याचा नवीन रंगाचा किंवा ब्लॅक अँड व्हाईट फोटो असावा, ज्यामध्ये चेहरा किमान ८०% स्पष्ट दिसेल आणि पार्श्वभूमी पांढरी असावी. फोटोचा आकार १० KB ते २०० KB च्या दरम्यान असावा.

स्कॅन केलेली स्वाक्षरी : पांढऱ्या कोऱ्या कागदावर काळ्या शाईने केलेल्या सहीला स्कॅन करून ठेवावे. याचा आकार ४ KB ते ३० KB च्या दरम्यान असावा.

वैध ओळखपत्र : नोंदणीसाठी ओळखपत्र म्हणून इतर कागदपत्रांसोबतच इतर वैध ओळखपत्रांचाही वापर केला जाऊ शकतो. लक्षात ठेवा की ओळखपत्रावरील तुमचे नाव आणि जन्म तारीख अचूक असावी.

कॅटेगिरी सर्टिफिकेट / जात प्रमाणपत्र: जर तुम्ही EWS, OBC-NCL, SC किंवा ST प्रवर्गातून येत असाल, तर तुमचे प्रमाणपत्र क्रमांक आणि जारी करण्याची तारीख तयार ठेवा.

दिव्यांगता प्रमाणपत्र : जर एखादा विद्यार्थी शारीरिकदृष्ट्या दिव्यांग श्रेणीतून अर्ज करत असेल, तर त्याला त्याचे वैध UDID कार्ड किंवा प्रमाणपत्र पीडीएफ स्वरूपात अपलोड करावे लागेल.

ABVP Campaign: मुंबई विद्यापीठात ABVP चे ‘अराजकता रोको – लोकतंत्र बचाओ’ अभियान; विद्यार्थ्यांचा उस्फूर्त प्रतिसाद

फॉर्म भरताना या गोष्टींची विशेष काळजी घ्या:

JEE Mains चा अर्ज फक्त ऑनलाइन माध्यमातूनच स्वीकारला जाईल, NTA ला कोणतीही हार्ड कॉपी पाठवली जाणार नाही. फॉर्म भरताना उमेदवारांना त्यांचा एक चालू मोबाईल नंबर आणि ईमेल आयडी द्यावा लागेल, कारण परीक्षेसंबंधित सर्व OTP आणि आवश्यक अपडेट्स याचवर पाठवले जातील. तसेच ॲप्लिकेशन फीचे पेमेंट नेट बँकिंग, क्रेडिट कार्ड, डेबिट कार्ड किंवा UPI द्वारे ऑनलाइन करता येईल.