रविवार, 18 ऑक्टोबर 2026
New York Schools AI Ban: न्यूयार्क शाळांमध्ये जेनरेटिव्ह AI टूल्सवर बंदी का घालण्यात आली? जाणून घ्या
New York Schools AI Ban: अमेरिकेच्या न्यूयार्क शहरातील पब्लिक स्कूलमध्ये येणाऱ्या शैक्षणिक वर्षात आठवी इयत्तेपर्यंतच्या मुलांसाठी जनरेटिव्ह आर्टिफिशियल इंटेलिजन्स (AI) टूल्सच्या वापरास तात्पुरती बंदी घातली जाईल. ही घोषणा न्यूयार्कचे मेयर जोहरान ममदानी यांनी केली आहे. देशातील सर्वात मोठ्या स्कूल डिस्ट्रिक्टकडून क्लासरुममध्ये एआयबाबत कडक भूमिका घेण्याच्या दिशेने हे पाऊल उचलण्यात आले आहे.
मेयर ऑफिसच्या मते, हा एक वर्षाचा प्रतिबंध अशा सॉफ्टवेअरवर लागू होईल, ज्यांचा वापर विद्यार्थी करतात आणि ज्यामध्ये जनरेटिव्ह एआयचा वापर केला जातो. शहर प्रशासनाने याला देशातील अशा प्रकारचा सर्वात व्यापक प्रतिबंध म्हटले आहे. प्रशासनाने म्हटले आहे की, या धोरणामुळे अधिकाऱ्यांना हे मूल्यांकन करण्याची संधी मिळेल की मुले वेगाने विकसित होत असलेल्या या तंत्रज्ञानाचा वापर कशा प्रकारे करत आहेत.
हे प्रतिबंध शिक्षकांवर लागू होणार नाहीत. शिक्षक शैक्षणिक योजना तयार करण्यासाठी आणि काही प्रशासकीय कामांसाठी एआयचा वापर करू शकतील. लहान वयाच्या विद्यार्थ्यांवर प्रतिबंध लागू राहणार असतानाच, न्यूयार्क सिटी सर्व पब्लिक हायस्कूलच्या विद्यार्थ्यांसाठी वर्षातून दोनदा एआय साक्षरता वर्ग सुरू करण्याची योजना आखत आहे. शहर काही पायलट प्रोग्राम सुरू करेल, ज्यामध्ये काही हायस्कूलचे विद्यार्थी शिक्षकांच्या देखरेखीखाली निवडलेल्या एआय प्लॅटफॉर्मचा वापर करू शकतील. तथापि, सर्व ग्रेडमध्ये कंपेनियन चॅटबॉट्सवर बंदी असेल.
जोहरान ममदानी म्हणाले की, एआयला त्याच क्रिटिकल थिंकिंगसह अंगीकारणे ही शाळांची जबाबदारी आहे, ज्याप्रमाणे ते विद्यार्थ्यांना इतर विषयात वापरण्यासाठी प्रोत्साहित करतात. मामदानी यांनी एका पत्रकार परिषदेत सांगितले, “जेव्हा आमच्या शाळांमध्ये एआयचा प्रश्न येतो, तेव्हा आमचीही हीच जबाबदारी आहे.”
न्यूयार्क सिटी विद्यार्थ्यांचा स्क्रीन टाईम मर्यादित करण्याची शिफारस देखील करत आहे. अधिकारी तिसरी ते पाचवीच्या मुलांसाठी दररोज ३० मिनिटे आणि सहावी ते आठवीच्या मुलांसाठी ४५ मिनिटांची मर्यादा निश्चित करण्याचा प्रस्ताव देत आहेत. शिक्षण अधिकारी स्कूल सिस्टममध्ये वापरल्या जाणाऱ्या टेक्नॉलॉजी टूल्सची स्वतंत्रपणे समीक्षा करतील आणि शिकण्यासाठी अयोग्य मानली जाणारी टूल्स काढून टाकतील.
न्यूयार्कने हे पाऊल अशा वेळी उचलले आहे, जेव्हा संपूर्ण अमेरिकेतील स्कूल डिस्ट्रिक्ट्स एआयबाबत संघर्ष करत आहेत. नकल किंवा तंत्रज्ञानावर अतिअवलंबित्व वाढणार नाही, अशा प्रकारे याचा वापर कसा करावा, यादरम्यान ते विचार करत आहेत. किमान ३७ राज्यांनी शाळांमध्ये एआयच्या वापरावर अधिकृत गाईडलाईन्स जारी केल्या आहेत, जरी एआय साक्षरता कशाचा समावेश असावा किंवा ती कशी शिकवली जावी, यावर कोणतीही राष्ट्रीय सहमती नाही.
Sundar Pichai : सुंदर पिचाई यांचा आयआयटी खरगपूर ते गुगलपर्यंतचा प्रवास वाचा एका क्लिकवर..
न्यूयार्कचा हा निर्णय लॉस एंजिल्स युनिफाइड स्कूल डिस्ट्रिक्टच्या (अमेरिकेचा दुसरा सर्वात मोठा स्कूल डिस्ट्रिक्ट) अशाच प्रकारच्या निर्णयानंतर आला आहे. अधिकारी या तंत्रज्ञानासाठी एक व्यापक पॉलिसी तयार करत आहेत, यादरम्यान लॉस एंजिल्स सर्व ग्रेडच्या विद्यार्थ्यांच्या डिव्हाइसवर जनरेटिव्ह एआय टूल्सच्या वापरावर तात्पुरती बंदी घालात आहे.
