Railway Jobs 2024: तरुणांनो रेल्वेत नोकरी मिळवण्याची ‘ही’ संधी गमावू नका

भारतीय रेल्वेने ग्रुप डी पदांसाठी भरती जाहीर केली आहे. ज्यासाठी उमेदवार येथे दिलेल्या स्टेप्सद्वारे अर्ज करू शकतात. चला या भरतीप्रक्रियेबद्दल अधिक माहिती जाणून घेऊया.

फोटो सौजन्य: iStock

Follow Us:

Follow Us:

लहानपणी प्रत्येकाचं काहीतरी स्वप्न असतं. काहींना क्रिकेटर व्हायचं असतं, तर काहींना मोठा अभिनेता किंवा खेळाडू बनायचं असतं. पण जसजसे आपण मोठे होतो, तसतसे आपल्याला या जगाचा आणि जीवनाच्या विविध पैलूंचा अनुभव होतो. या अनुभवांमुळे आपल्याला कळतं की, अनेक तरुण सरकारी जॉब्सच्या मागे का धावतात. त्यातही काही लोक त्यासाठी वर्षभराचे अथवा कित्येक वर्षांचे कठोर परिश्रम करतात.

कॉर्पोरेट क्षेत्रातील जॉब्स जितके आकर्षक दिसतात, तितकेच सरकारी जॉब्सचे आकर्षणही मोठं आहे. सरकारी नोकऱ्यांमध्ये विविध फायदे आणि सोयी-सुविधा आहेत. उदाहरणार्थ, सरकारी नोकरीत स्थिरता, लवचिकता, सेवानिवृत्तीनंतर पेन्शन, आरोग्य सुविधा, आणि अनेक इतर फायदे मिळतात. यामुळेच आजकाल अधिकाधिक तरुण सरकारी नोकऱ्या मिळवण्यासाठी प्रचंड मेहनत घेत आहेत.

तुम्ही सुद्धा जर सरकारी नोकरी शोधत असाल आणि भारतीय रेल्वेमध्ये करिअर सुरू करण्याचा विचार करत असाल, तर तुमच्यासाठी आनंदाची बातमी आहे. भारतीय रेल्वे विभागात विविध पदांसाठी भरतीच्या संधी उपलब्ध आहेत. या संधींमुळे, तुम्हाला एक स्थिर आणि सुरक्षित करिअर मिळू शकते. भारतीय रेल्वेमध्ये काम करण्यामुळे, तुम्हाला उत्कृष्ट करिअर विकासाची आणि प्रगतीची संधी मिळू शकते.

RRC प्रयागराजने रेल्वेत काम करू इच्छिणाऱ्या तरुणांसाठी नवीन वॅकन्सी जाहीर केल्या आहेत. उत्तर मध्य रेल्वे रेल्वे भर्ती सेलने ग्रुप सी आणि ग्रुप डी च्या भरतीसाठी अधिकृत अधिसूचना जारी केली होती. अधिकृत वेबसाइट rrcpryj.org ला भेट देऊन उमेदवार या भरती प्रक्रियेत अर्ज करू शकतात. इच्छुक उमेदवार या भरतीसाठी 30 नोव्हेंबर 2024 पर्यंत अर्ज करू शकतात. त्यानंतर आलेले अर्ज स्वीकारले जाणार नाहीत. म्हणूनच इच्छुक उमेदवारांनी त्वरित या भरतीसाठी आपले अर्ज पाठवावेत.

वयोमर्यादा किती?

या भरती प्रक्रियेत सहभागी होण्यासाठी, उमेदवारांचे किमान वय 18 वर्षे आणि कमाल 30 ते 33 वर्षे असावे. 1 जानेवारी 2025 रोजी वयाची गणना केली जाईल. परंतु, राखीव प्रवर्गांना उच्च वयोमर्यादेत सूट देण्यात आली आहे.

अर्जाची फी किती?

या भरती प्रक्रियेसाठी उमेदवारांना अर्ज शुल्क भरावे लागेल. SC, ST, माजी सैनिक, अपंग, महिला, अल्पसंख्याक, आर्थिकदृष्ट्या मागासवर्गीय उमेदवारांना 250 रुपये अर्ज शुल्क भरावे लागेल. लेखी परीक्षेत बसलेल्या उमेदवारांना संपूर्ण परीक्षा शुल्क परत केले जाईल, तर इतर सर्व श्रेणींसाठी परीक्षा शुल्क 500 रुपये आहे. त्यापैकी ४०० रुपये परीक्षेला बसलेल्या उमेदवारांना परत केले जातील.

अर्ज कसा कराल?

स्टेप 1: ऑनलाइन अर्ज भरण्यासाठी, उमेदवारांनी प्रथम अधिकृत वेबसाइटला भेट दिली पाहिजे rrcpryj.org
स्टेप 2: आता उमेदवाराच्या मुख्यपृष्ठावर दिलेल्या संबंधित लिंकवर क्लिक करा
स्टेप 3: नवीन पेजवर, उमेदवारांनी प्रथम न्यू रजिस्ट्रेशन लिंकवर क्लिक करून आणि आवश्यक तपशील भरून नोंदणी करावी.
स्टेप 4: नोंदणी केल्यानंतर, उमेदवारांनी इतर तपशील भरून अर्ज प्रक्रिया पूर्ण करावी.
स्टेप 5: त्यानंतर उमेदवार शुल्क जमा करू शकतो.
स्टेप 6: आता उमेदवाराने अर्ज डाउनलोड करावे
स्टेप 7: त्यानंतर या अर्जाची प्रिंट आउट उमेदवाराने घ्यावी

Web Title: Recruitment in pryagraj railway

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com