गुरुवार, 22 ऑक्टोबर 2026
फोटो सौजन्य- सोशल मीडिया
Sahitya Akademi Recruitment 2026 : भारताची राष्ट्रीय साहित्य अकादमी देशात साहित्य आणि भाषांना प्रोत्साहन देण्याचे काम करते. नुकतीच साहित्य अकादमीने विविध पदांसाठी अधिसूचना जारी केली आहे. या भरतीमध्ये एकूण ३० पदे आहेत, म्हणजेच वेगवेगळ्या पात्रता असलेल्या उमेदवारांना सरकारी संस्थेत नोकरी मिळवण्याची संधी आहे. साहित्य अकादमीच्या अधिकृत वेबसाइटवर भरतीची नवीन नोटीस जारी करण्यात आली आहे.
साहित्य अकादमीच्या या भरतीमध्ये एकूण ३० पदांचा समावेश आहे. यात डेप्युटी सेक्रेटरी, असिस्टंट एडिटर, सीनियर लायब्ररी अँड इन्फॉर्मेशन असिस्टंट, ज्युनियर ट्रान्सलेशन ऑफिसर, टेक्निकल असिस्टंट, प्रोग्राम असिस्टंट आणि पब्लिकेशन असिस्टंट यांसारख्या पदांचा समावेश आहे. याशिवाय प्रूफ रीडर, स्टेनोग्राफर, मेसेंजर कम रायडर, व्हॅन ड्रायव्हर, ज्युनियर क्लर्क आणि एमटीएस (MTS) या पदांचाही यात समावेश करण्यात आला आहे.
साहित्य अकादमीच्या भरतीत अर्ज ऑनलाईन नव्हे, तर निर्धारित अर्जाद्वारे पोस्ट ऑफिसच्या माध्यमातून करावा लागेल. उमेदवारांना अर्ज भरून त्यावर आवश्यक कागदपत्रे आणि अलीकडील फोटो लावावा लागेल. त्यानंतर हा अर्ज स्पीड पोस्ट किंवा रजिस्टर्ड पोस्टद्वारे साहित्य अकादमीच्या पत्त्यावर पाठवावा लागेल. अधिकृत नोटीसनुसार अर्ज करण्याची शेवटची तारीख २१ ऑक्टोबर २०२६ आहे. वेगवेगळ्या पदांसाठी स्वतंत्र अर्ज करावा लागेल.
तुम्ही १० वी किंवा १२ वी पर्यंत शिक्षण घेतले असेल तरीही तुम्ही या भरतीसाठी अर्ज करू शकता. व्हॅन ड्रायव्हर आणि एमटीएस (MTS) पदांसाठी १० वी किंवा १२ वी उत्तीर्ण उमेदवार अर्ज करू शकतात. यासोबतच वैध ड्रायव्हिंग लायसन्स आणि किमान तीन वर्षांचा ड्रायव्हिंग अनुभव असणे आवश्यक आहे. तसेच, ज्युनियर क्लर्क आणि स्टेनोग्राफर ग्रेड II साठी १२ वी उत्तीर्ण असणे गरजेचे आहे.
या पदासाठी इंग्रजीत ८० शब्द प्रति मिनिट आणि ज्युनियर क्लर्कसाठी हिंदीत ३५ शब्द प्रति मिनिट टायपिंग स्पीड व कॉम्प्युटरचे ज्ञान असणे आवश्यक आहे. या पदांसाठी कमाल वयोमर्यादा ५० वर्षे आहे, तथापि आरक्षित वर्गांना नियमानुसार सवलत मिळू शकते.
साहित्य अकादमीमध्ये पदकानुसार पगार वेगवेगळा आहे. अधिसूचनेनुसार डेप्युटी सेक्रेटरीला ५६,१०० ते १,७७,५०० रुपये, असिस्टंट एडिटर आणि ज्युनियर ट्रान्सलेशन ऑफिसरला ३५,४०० ते १,१२,४०० रुपये, तर टेक्निकल असिस्टंट, प्रोग्राम असिस्टंट आणि पब्लिकेशन असिस्टंटला २९,२०० ते ९२,३०० रुपयांपर्यंत मिळतील. प्रूफ रीडर आणि स्टेनोग्राफरचा पगार २५,५०० ते ८१,१०० रुपये, ड्रायव्हर आणि ज्युनियर क्लर्कचा १९,९०० ते ६३,२०० रुपये आणि एमटीएसचा (MTS) १८,००० ते ५६,९०० रुपयांपर्यंत असेल.
