बुधवार, 21 ऑक्टोबर 2026
Mumbai Crime : गरबा खेळायला गेली, अन् पतीचा पाराचं चढला, पवईत घडली धक्कादायक घटना, सौजन्य : आयएएनएस
Mumbai Crime : मुंबईत नवरात्रीच्या सणात अनेक ठिकाणी गरबा रासचे आयोजन करण्यात आले होते. तरुणाईसह अनेक थोरामोठ्यांनीही या नवदिवसांत गरबा खेळण्याचा आनंद घेतला, मात्र पवई परिसरात एक अशी घटना घडली, ज्यामुळे हा परिसर हादरला आहे.
आपली पत्नी गरबा खेळायला गेल्याचा राग मनात ठेवून येथील एका पतीने चक्क तिच्या पोटात चाकू भोसकल्याची घटना घडली आहे. या हल्ल्यात पत्नी गंभीर जखमी झाली असून आरोपी पतीला पोलिसांनी अटक केली आहे.
या हल्ल्यात जखमी झालेल्या महिलेचे नाव वैशाली महेश रजत (वय 30) असे आहे. तर महेश सुभाष रजत (वय 35) असे आरोपी पतीचे नाव असून पोलिसांनी तातडीने त्याला अटक केली आहे. पोलिसांनी दिलेल्या माहितीनुसार, ही घटना पवईतील आयआयटी परिसरातील महात्मा फुले नगर येथे, केडी रुग्णालयासमोरील समता मित्र मंडळाजवळ घडली.
वैशाली ही गरबा खेळण्यासाठी मंडळात गेली होती. पण तिचे गरबा खेळण्यास जाणे पतीला पटले नाही. त्यामुळे याच कारणावरून नाराज झालेल्या महेशने तिच्यावर चाकूने हल्ला केला. त्याने तिच्या पोटात चाकू खुपसून तिला ठार मारण्याचा प्रयत्न केल्याचा आरोप महेशवर लावण्यात आला आहे.
या प्रकरणी वैशालीच्या तक्रारीवरून पार्कसाइट पोलीस ठाण्यात भारतीय न्याय संहितेच्या (बीएनएस) कलम 109(1) आणि 352 अंतर्गत गुन्हा दाखल करण्यात आला आहे. पोलिसांनी आरोपी पतीला अटक केली असून, पुढील तपास सुरू आहे.
दरम्यान, नवी दिल्लीतील मौर्य एन्क्लेव्ह परिसरातही चाकूहल्ल्याची घटना घडली आहे. या प्रकरणात पोलिसांनी चार अल्पवयीन मुलांना ताब्यात घेतले असून, हल्ल्यात वापरलेले शस्त्र जप्त केले आहे.
मंगळवारी पीतमपुरा येथील क्यूयू ब्लॉकमधील चौधरी डेअरीजवळ एका व्यक्तीला चाकू मारल्याची माहिती मौर्य एन्क्लेव्ह पोलीस ठाण्याला मिळाली. त्यानंतर पोलिसांनी घटनास्थळी धाव घेत जखमींना बीएसए रुग्णालयात दाखल केले. मात्र, डॉक्टरांनी अरुण नावाच्या व्यक्तीला मृत घोषित केले. आशू नावाची दुसरी व्यक्तीही चाकूहल्ल्यात जखमी झाली.
प्राथमिक तपासानुसार, एका तरुणीशी संबंधित वादातून हा प्रकार घडल्याचा संशय आहे. वादानंतर आरोपींनी दोन्ही व्यक्तींवर खंजीराने हल्ला केल्याचे समोर आले आहे. या प्रकरणाचा पुढील तपास पोलीस करत आहेत.
Ans: पवईतील आयआयटी परिसरातील महात्मा फुले नगर येथे, केडी रुग्णालयासमोरील समता मित्र मंडळाजवळ ही घटना घडली.
Ans: पत्नी गरबा खेळण्यासाठी गेल्याच्या कारणावरून पती नाराज होता. याच रागातून त्याने हल्ला केल्याचा आरोप आहे.
Ans: पोलिसांनी भारतीय न्याय संहितेच्या कलम १०९(१) आणि ३५२ अंतर्गत गुन्हा दाखल केला आहे.
