ब्रेन ट्यूमरचे प्रकार, कारणे, लक्षणे, निदान आणि उपचार

Brain Tumor: ब्रेन ट्यूमर म्हणजे मेंदूमध्ये किंवा त्याच्या आसपासच्या पेशींची वाढ. ब्रेन ट्यूमर मेंदूच्या ऊतींमध्ये होऊ शकतात. जवळच्या साइट्समध्ये मज्जातंतू, पिट्यूटरी ग्रंथी, पाइनल ग्रंथी आणि मेंदूच्या पृष्ठभागावर पडदा समाविष्ट आहे. अधिक माहिती घ्या जाणून.

Follow Us:

Follow Us:

ब्रेन ट्यूमर ही मेंदूतील पेशींची असामान्य वाढ आहे जी CANCEROUS  किंवा NON – CANCEROUS असू शकते. ट्यूमर विविध मेंदूच्या पेशींमध्ये असतात ज्यामुळे डोकेदुखी, झटके येणे, शारीरीक संतुलन गमावणे, दृष्टीदोष आणि ऐकू येण्याच्या क्षमतेत बदल, स्मृतीसंबंधी समस्या, शरीराच्या एका भागात किंवा एका बाजूला अशक्तपणा किंवा अर्धांगवायू, चक्कर येणे, बोलताना अडखळणे, चेहऱ्याचा सुन्नपणा हे ब्रेन ट्यूमरचे अशी विविध लक्षणे दिसून येतात. 

ब्रेन ट्यूमरचे प्रकार, कारणे, लक्षणे आणि उपचार यावर सखोल माहिती दिली आहे, डॉ. ज्योती मेहता, एमडी रेडिएशन आणि क्लिनिकल ऑन्कोलॉजिस्ट, टीजीएच ऑन्को-लाइफ कॅन्सर सेंटर, तळेगाव यांनी 

ब्रेन ट्यूमरचे प्रकार

ब्रेन ट्यूमरचा एक सामान्य प्रकार म्हणजे मेनिन्जिओमा.  जो मेंदू आणि पाठीच्या कण्याच्या सभोवतालच्या संरक्षणात्मक स्तर असलेल्या मेनिन्जेसपासून उद्भवतो. मेनिन्जिओमा सामान्यत: हळू-वाढणारे आणि सहसा सौम्य असतात. 

ट्यूमरचा आणखी एक प्रकार म्हणजे ग्लिओमा, जो मेंदूतील चेतापेशींना आधार देणाऱ्या ग्लिअल पेशींमुळे उद्भवतो. ग्लिओमाचे वर्गीकरण उपप्रकार जसे की ॲस्ट्रोसाइटोमा, ऑलिगोडेंड्रोग्लिओमास आणि एपेन्डीमोमासमध्ये केले जाऊ शकते. म्हणूनच, या घातक स्थितीचे निदान झालेल्या रुग्णांसाठी योग्य उपचार ठरवण्यासाठी या विविध प्रकारच्या मेंदूच्या गाठींचा अभ्यास करणे आणि त्या समजून घेणे महत्त्वाचे आहे.

[read_also content=”कॅन्सरचा गंभीर प्रकार ब्रेन ट्यूमर https://www.navarashtra.com/health/health/severe-forms-of-cancer-are-brain-tumors-what-are-the-symptoms-and-treatment-find-out-242707.html”]

ब्रेन ट्यूमर लक्षणे

• सतत डोकेदुखी होणे
• मळमळ किंवा उलट्या
• डोळ्यांच्या समस्या, जसे की अंधुक दृष्टी, दुहेरी दृष्टी किंवा दोन्ही बाजूंनी दृष्टी कमी होणे
• हात किंवा पायांमध्ये संवेदना किंवा हालचालींचा अभाव, समतोल राखण्यात अडचण
• बोलण्यात समस्या
• खूप थकवा जाणवतो
• दैनंदिन व्यवहारात गोंधळ होणे काहीच न समजणे
• स्मरणशक्ती कमी होणे उदाहरणार्थ सोप्या आदेशांचे पालन करताना समस्या येणे
• व्यक्तिमत्व किंवा वर्तनात बदल
• अचानक फिट्स येण्यास सुरूवात होणे 
• ऐकण्याच्या समस्या
• चक्कर येणे किंवा जग फिरत असल्यासारखे वाटणे, ज्याला व्हर्टिगो असेही म्हणतात
• खूप भूक लागते आणि वजन वाढते

ब्रेन ट्यूमरमागील नेमके कारण अनेकदा अज्ञात आहे, किरणोत्सर्गाच्या संपर्कात येणे किंवा काही अनुवांशिक परिस्थिती यासारखे जोखीम घटक विकसित होण्याची शक्यता वाढवतात.

ब्रेन ट्यूमरचे निदान कसे होते 

ब्रेन ट्यूमरचे निदान एमआरआय, सीटी स्कॅन आणि बायोप्सीद्वारे केले जाऊ शकते. ट्यूमरचे स्थान, वय, ट्यूमरचा प्रकार आणि आकार यावर आधारित उपचार केले जातात. उपचार करणारे डॉक्टर तुमच्या एकूण आरोग्याचा विचार करून योग्य उपचार योजना ठरवतात.

काय आहेत उपचार?

ट्यूमर काढून टाकण्यासाठी आणि मेंदूला होणारे नुकसान कमी करण्यासाठी मेंदूच्या शस्त्रक्रियेच्या (क्रॅनिओटॉमी) स्वरूपात उपचार केले जातील. शंट्स, रेडिएशन थेरपी, इम्युनोथेरपी, केमोथेरपी, रेडिओसर्जरी आणि टार्गेटेड थेरपी देखील ब्रेन ट्यूमर असलेल्यांसाठी वरदान ठरू शकते.

Web Title: Brain tumor symptoms types causes and treatment

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com