Recipe : सकाळच्या नाश्त्याला काही टेस्टी आणि झटपट बनवायचं? मग घरी बनवा ‘ब्रेड ऑम्लेट टोस्ट’

Bread Omelette Toast Recipe: कामाच्या घाईगडबडीत टेस्टी, हेल्दी आणि झटपट तयार होणारा नाश्ता शोधत असाल तर ब्रेड ऑम्लेट टोस्ट तुमच्यासाठी उत्तम पर्याय आहे. कमी साहित्यात याला मिळणारी स्वादिष्ट चव पदार्थाला आणखीन खास बनवते.

(फोटो सौजन्य: Pinterest)

Follow Us:

Follow Us:

• सकाळच्या नाश्त्याला काय बनवायचं हा गृहिणींना पडणारा सामान्य प्रश्न.
• झटपट आणि चवदार नाश्त्याला शोधात सर्वच असतात.
• सकाळच्या नाश्त्यासाठी ब्रेड ऑम्लेट टोस्ट एक टेस्टी आणि हेल्दी पर्याय ठरतो.

धावपळीच्या जगात काही चवदार आणि झटपट तयार होणारं शोधताय? मग घरी बनवा बेकरी स्टाईल ‘एग टार्ट’

या रेसिपीची खासियत म्हणजे कमी साहित्य, कमी वेळ आणि जास्त चव. घरात सहज उपलब्ध असलेल्या पदार्थांपासून हा नाश्ता तयार होतो. लहान मुलांपासून मोठ्यांपर्यंत सगळ्यांनाच आवडणारा हा पदार्थ तुम्ही तुमच्या आवडीनुसार थोडा कमी-जास्त तिखट, चीज घालून किंवा भाज्यांसहही बनवू शकता. चला तर मग, घरच्या घरी अगदी टपरी-स्टाईल चव देणारी इंडियन स्टाईल ब्रेड ऑम्लेट टोस्ट रेसिपी पाहूया.

साहित्य

• ब्रेड स्लाईस – 4
• अंडी – 3
• कांदा (बारीक चिरलेला) – 1 मध्यम
• हिरवी मिरची (बारीक चिरलेली) – 1
• कोथिंबीर (चिरलेली) – 2 टेबलस्पून
• मीठ – चवीनुसार
• लाल तिखट – ½ टीस्पून
• हळद – चिमूटभर
• काळी मिरी पावडर – ¼ टीस्पून
• बटर किंवा तेल – 2 ते 3 टेबलस्पून

कृती 

• यासाठी सर्वप्रथम एका बाऊलमध्ये अंडी फोडून घ्या. त्यात मीठ, लाल तिखट, हळद आणि काळी मिरी घालून नीट फेटून घ्या.
• फेटलेल्या अंड्यात चिरलेला कांदा, हिरवी मिरची आणि कोथिंबीर घालून मिश्रण चांगले एकत्र करा.
• गॅसवर तवा गरम करून त्यावर थोडे बटर किंवा तेल घाला.
• तव्यावर तयार केलेले अंड्याचे मिश्रण अर्धे ओता आणि थोडे पसरवा.
• आता त्यावर ब्रेड स्लाइस ठेवा आणि मग उरलेले अंड्याचे मिश्रण ब्रेड स्लाइसवर ओता.
• थोड्या वेळाने ऑम्लेट-ब्रेड उलटवा आणि दुसऱ्या बाजूने ब्रेड टोस्ट होईपर्यंत शिजवा.
• दोन्ही बाजूंनी छान सोनेरी आणि कुरकुरीत झाल्यावर ब्रेड ऑम्लेट टोस्ट तव्यावरून काढा.
• गरमागरम इंडियन स्टाईल ब्रेड ऑम्लेट टोस्ट टोमॅटो सॉस, हिरवी चटणी किंवा चहासोबत सर्व्ह करा. हा झटपट आणि चविष्ट नाश्ता नक्कीच सगळ्यांना आवडेल.

Web Title: Easy healthy and tasty make bread omelette toast a perfect dish for breakfast recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com