सोमवार, 31 ऑगस्ट 2026
अंजीर की खजूर? दोघांपैकी कोणत्या ड्रायफ्रूटमध्ये असतात जास्त पोषक घटक, जाणून घ्या सविस्तर
नैसर्गिकरित्या गोड असलेले खजूर आणि अंजीर हे दोन्ही पोषक तत्वांचे भांडार आहेत. याचा वापर विविध गोड पदार्थांमध्येही केला जातो. दोन्ही पदार्थांना फायबरचा चांगला स्रोत मानले जातात, पण तुम्हाला माहित्ये का कशामध्ये जास्त जीवनसत्त्वे आणि खनिजे असतात? अंजीर आणि खजूर यांच्या पौष्टिक मूल्याबद्दल सविस्तरपणे जाणून घेऊया. तसेच, त्यांचे किती प्रमाणात सेवन करावे आणि त्यामुळे कोणते आरोग्य फायदे मिळू शकतात हे देखील आपण आज समजून घेऊया.(फोटो सौजन्य – istock)
अमेरिकेच्या कृषी विभागाच्या मते, १०० ग्रॅम खजूरमध्ये २.४५ ग्रॅम प्रथिने असतात. एकूण ८ ग्रॅम डायटरी फायबर, ३९ मिलिग्रॅम कॅल्शियम, १.०२ मिलिग्रॅम लोह, ४३ मिलिग्रॅम मॅग्नेशियम, ६५६ मिलिग्रॅम पोटॅशियम, ६२ मिलिग्रॅम फॉस्फरस, ३ मायक्रोग्रॅम सेलेनियम, १.२७४ मिलिग्रॅम नियासिन, १९ मायक्रोग्रॅम फोलेट, ६.३ मिलिग्रॅम कोलीन, ७५ मायक्रोग्रॅम ल्युटीन-झियाझॅन्थिन आणि २.७ मायक्रोग्रॅम व्हिटॅमिन के आढळतात. तथापि, खजुराच्या प्रकारानुसार पोषक तत्वांचे प्रमाण बदलू शकते.
View this post on Instagram
तर यूएसडीए (USDA) नुसार, १०० ग्रॅम अंजीरमध्ये ०.७५ ग्रॅम प्रथिने आणि २.९ ग्रॅम एकूण डायटरी फायबर असते. याव्यतिरिक्त, त्यात ३५ मिग्रॅ कॅल्शियम, १७ मिग्रॅ मॅग्नेशियम, ०.३७ मिग्रॅ लोह, १४ मिग्रॅ फॉस्फरस, २३२ मिग्रॅ पोटॅशियम, ०.१२८ मिग्रॅ मॅंगनीज, २ मिग्रॅ व्हिटॅमिन सी, ६ मायक्रोग्रॅम फोलेट, ४.७ मिग्रॅ कोलीन, ७ मायक्रोग्रॅम व्हिटॅमिन ए, ९ मायक्रोग्रॅम ल्युटीन-झियाझॅन्थिन, ०.११ मिग्रॅ व्हिटॅमिन ई, आणि ४.७ मायक्रोग्रॅम व्हिटॅमिन के असते.
आहारात खजुराचा समावेश केल्याने तुमची पचनक्रिया सुधारू शकते आणि ते लोहाची पातळी वाढवण्यासाठी देखील उपयुक्त आहेत. तसंच नैसर्गिक गोडवा देणारे असल्याने ऊर्जा टिकवून ठेवण्यास मदत करतात. पण तुम्ही मधुमेही असाल, तर तुमच्या आहारात त्यांचा समावेश करण्यापूर्वी तुमच्या डॉक्टरांचा सल्ला घ्या. जर तुम्ही तुमच्या रोजच्या आहारात खजुराचा समावेश करत असाल, तर दिवसातून २ ते ४ खजूर खाणे पुरेसे आहे.
याशिवाय आहारात अंजीराचा समावेश केल्याने तुमच्या पचनक्रियेला आणि हाडांना फायदा होतो. त्यामध्ये व्हिटॅमिन सी आणि ई दोन्ही असल्यामुळे ते हृदयासाठी फायदेशीर आहेत आणि त्वचा निरोगी ठेवण्यास मदत करतात. तसेच, ते व्हिटॅमिन ए चा स्रोत असल्याने तुमच्या डोळ्यांसाठीही फायदेशीर ठरतात. जर तुम्ही ते रोज खाणार असाल, तर २ ते ३ तुकडे रात्रभर पाण्यात भिजवून ठेवा आणि सकाळी चावून खा. या संपूर्ण टिप्स अभ्यासानुसार देण्यात आल्या आहेत. तुम्ही तुमच्या डॉक्टरांच्या सल्ल्यानुसारच याचे सेवन करावे.
