चविष्ट अन् पाैष्टिक… तुम्ही खाल्लीये का कधी बाजरीची खिचडी, चवीला लागते मजेदार; रात्रीच्या जेवणाला नक्की ट्राय करा

Bajra Khichdi Recipe : वाढते वजन आणि आरोग्याच्या समस्या पाहता आता अनेकजण पाैष्टिक खाद्यपदार्थांकडे वळू लागले आहेत. हेल्दी पदार्थ टेस्टीही असू शकतात याची जाणीव तुम्हाला ही रेसिपी चाखल्यावर होईल.

(फोटो सौजन्य: Pinterest)

Follow Us:

Follow Us:

• तांदळापासून बनवलेला खिचडी भात आपण खाल्ला आहे.
• पण फार कमी लोकांना ठाऊक आहे की बाजरीपासूनही गरमा गरम खिचडी तयार केली जाऊ शकते.
• ही खिचडी चवीला मजेदार आणि आरोग्याला पाैष्टिक ठरते.

Recipe : भाजी काय बनवावी ते सुचत नाहीये? मग अशी बनवा आंबट-तिखट टोमॅटोची चटणी, १५ मिनिटांची रेसिपी

साहित्य

• १ कप बाजरी
• १/२ कप मूगडाळ
• १ मध्यम कांदा बारीक चिरलेला
• १ टोमॅटो चिरलेला
• १ हिरवी मिरची
• १ चमचा जिरे
• १/२ चमचा हळद
• १/२ चमचा लाल तिखट
• १ चमचा आले-लसूण पेस्ट
• चवीनुसार मीठ
• १ ते २ चमचे तूप किंवा तेल
• ४ ते ५ कप पाणी
• कोथिंबीर बारीक चिरलेली

कृती

• बाजरी निवडून स्वच्छ धुवून घ्या. मूगडाळही धुऊन दोन्ही साधारण ३० मिनिटे पाण्यात भिजत ठेवा.
  कुकरमध्ये तूप किंवा तेल गरम करून त्यात जिरे आणि हिरवी मिरची घाला.
• त्यानंतर आले-लसूण पेस्ट टाकून हलके परता.
• त्यात चिरलेला कांदा घालून तो मऊ आणि किंचित सोनेरी होईपर्यंत परता. नंतर टोमॅटो घालून तो नरम होऊ द्या.
• हळद, लाल तिखट आणि मीठ घालून सर्व साहित्य व्यवस्थित मिसळा. मसाले जळणार नाहीत याची काळजी घ्या.
• भिजवलेली बाजरी आणि मूगडाळ पाणी काढून कुकरमध्ये घाला. मसाल्यांसोबत एक-दोन मिनिटे परतून घ्या.
• त्यात ४ ते ५ कप पाणी घालून मिश्रण एकत्र करा. कुकरचे झाकण लावून मध्यम आचेवर साधारण ४ ते ५ शिट्ट्या होऊ द्या.
• कुकरचा प्रेशर पूर्णपणे निघाल्यानंतर झाकण उघडा आणि खिचडी हलक्या हाताने ढवळा. गरज असल्यास थोडे
• गरम पाणी घालून पुन्हा एक उकळी द्या. वरून कोथिंबीर घालून गरमागरम बाजरीची खिचडी लोणच किंवा तुपासोबत सर्व्ह करा.

Web Title: Healthy and tasty bajra khichdi recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com