Recipe : भाजी काय बनवावी ते सुचत नाहीये? मग अशी बनवा आंबट-तिखट टोमॅटोची चटणी, १५ मिनिटांची रेसिपी

Tomato Chutney Recipe : टोमॅटोची चटणी योग्यरित्या बनवली तर भाजीलाही मागे टाकते. अशा पद्धतीने झटपट टोमॅटोची चटणी बनवाल तर भाजीचीही गरज भासणार नाही. चला वेळ न घालवता लगेच रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

• टोमॅटोची चटणी जेवणाची चव द्वगुणित करते.
• भाजी काय बनवावी सुचत नसल्यास ही चटणी तयार करता येते.
• घाईगडबडीच्या वेळी झटपण बनवण्यासाठी हा एक परफेक्ट पदार्थ आहे.

Food Recipe: पनीर प्रेमींसाठी खास पदार्थ! काही मिनिटांमध्ये झटपट बनवा चमचमीत लसूण पनीर, सगळेच खातील आवडीने

साहित्य

• 3 ते 4 पिकलेले टोमॅटो
• 4 ते 5 लसूण पाकळ्या
• 2 हिरव्या मिरच्या
• 1 छोटा कांदा
• 1 चमचा तेल
• ½ चमचा मोहरी
• ½ चमचा जिरे
• चिमूटभर हिंग
• ½ चमचा हळद
• ½ चमचा लाल तिखट
• ½ चमचा धणे-जिरे पूड
• चवीनुसार मीठ
• थोडी कोथिंबीर

कृती

• टोमॅटो स्वच्छ धुऊन त्यांचे छोटे तुकडे करून घ्या. कांदा, हिरवी मिरची आणि लसूण बारीक चिरून बाजूला ठेवा.
• कढईत तेल गरम करून त्यात टोमॅटोचे तुकडे घाला. थोडे मीठ टाकून टोमॅटो मऊ होईपर्यंत परतून घ्या.
• दुसऱ्या बाजूला थोडे तेल घेऊन त्यात कांदा, लसूण आणि हिरवी मिरची घाला. कांदा मऊ आणि किंचित सोनेरी होईपर्यंत परतून घ्या.
• आता त्यात हळद, लाल तिखट आणि धणे-जिरे पूड घाला. मसाले जळणार नाहीत याची काळजी घेत काही सेकंद परता.
• परतलेले टोमॅटो, कांदा, लसूण आणि मिरची एका ताटात काढून थोडे थंड होऊ द्या.
• सर्व मिश्रण मिक्सरमध्ये घालून बारीक किंवा किंचित जाडसर वाटून घ्या. ठेचून चटणी वाटली तर अधिक उत्तम.
• कढईत थोडे तेल गरम करून मोहरी, जिरे आणि हिंगाची फोडणी द्या.
• आता त्यात वाटलेली चटणी घालून 2 ते 3 मिनिटे शिजवा. वरून कोथिंबीर घाला आणि गरमागरम चटणी खाण्यासाठी सर्व्ह करा.

Web Title: How to make quick tomato chutney at home marathi recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com