Holi 2026 : रंगांच्या सणात चवीचा जल्लोष! होळीनिमित्त घरी बनवा बिहारी स्टाईल ‘चंपारण मटण’

Champaran Mutton Recipe : नॉनव्हेज लव्हर्ससाठी खास. होळी सणानिमित्त फक्त गोडच नाही तर झणझणीत पदार्थांचाही बेत बनवा. बिहारी स्टाईल हे चंपारण मटण खाल तर पदार्थाचे फॅन व्हाल.

(फोटो सौजन्य: Pinterest)

Follow Us:

Follow Us:

• होळीचा सण जवळ आला आहे.
• सण म्हटलं की घरी मेजवानीचा थाट तर होणारच.
• यंदा गोडासोबत घरी झणझणीत चंपारण मटण बनवून खा.

भाजी खायला आवडत नाही? मग घरी बनवा ‘पालकाची चपाती’, रंगाने आकर्षित अन् आरोग्याला पौष्टिक

ही रेसिपी खास ‘हांडी’मध्ये, मंद आचेवर शिजवली जाते. मसाल्यांचा सुगंध, मोहरीच्या तेलाची चव आणि मटणाची मऊसर टेक्स्चर यामुळे हा पदार्थ अगदी खास बनतो. यंदाच्या होळीला तुम्हीही घरच्या घरी बिहारी स्टाइल चंपारण मटण बनवून पाहा आणि सण अधिक रंगतदार करा. नोट करून घेऊयात पदार्थाची चवदार रेसिपी.

साहित्य

• मटण – 1 किलो
• कांदा – 750 ग्रॅम (बारीक चिरलेला)
• मोहरीचे तेल – 200 मिली
• आलं-लसूण पेस्ट – 2 मोठे चमचे
• लसूणाच्या संपूर्ण पाकळ्या – 3 ते 4 गाठी
• खडे मसाले – तमालपत्र, मोठी वेलची, दालचिनी, लवंग, मिरी
•  मसाले – हळद, लाल तिखट, धणे पूड, जिरे पूड, गरम मसाला
• मीठ – चवीनुसार

कृती

• यासाठी सर्वप्रथम मोठ्या भांड्यात मटण घ्या. त्यात चिरलेला कांदा, आलं-लसूण पेस्ट, सर्व पूड मसाले, मीठ आणि थोडंसं कोमट करून थंड केलेलं मोहरीचं तेल घाला. हाताने सगळं व्यवस्थित मिसळा. कांद्यामधील पाणी सुटू लागेपर्यंत मिश्रण एकजीव करा.
• मातीची हांडी घ्या. तिच्या आतल्या भागाला थोडंसं मोहरीचं तेल लावून ग्रीस करा. आता मॅरिनेट केलेलं मटण त्यात भरा. मध्ये मध्ये लसूणाच्या गाठी टाका, त्यामुळे चव अधिक छान लागते.
• हांडीवर झाकण ठेवा. गव्हाच्या पिठाचा गोळा करून झाकणाच्या कडांना व्यवस्थित लावा, जेणेकरून आतली वाफ बाहेर जाणार नाही.
• गॅसवर तवा ठेवून त्यावर हांडी ठेवा किंवा शक्य असल्यास कोळशाच्या मंद आचेवर ठेवा. साधारण 60 ते 90 मिनिटे मटण शिजू द्या. दर 15-20 मिनिटांनी हांडी हलक्या हाताने हलवा, म्हणजे मटण खाली चिकटणार नाही.
• गॅस बंद केल्यानंतर हांडी 10 मिनिटे तसेच ठेवून द्या. नंतर कणकेची सील काळजीपूर्वक काढा. गरमागरम, सुगंधी चंपारण स्टाइल मटण तयार आहे. हे मटण भाकरी, पोळी किंवा गरम भातासोबत सर्व्ह करा.
  यंदाच्या होळीला पारंपरिक चवीचा हा खास बिहारी पदार्थ करून पाहा आणि सणाचा आनंद दुप्पट करा.

Web Title: Holi special make a bihari style champaran mutton at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com