भाजी खायला आवडत नाही? मग घरी बनवा ‘पालकाची चपाती’, रंगाने आकर्षित अन् आरोग्याला पौष्टिक

Palak Chapati Recipe : पोषक तत्वांचा खजिना मानल्या जाणाऱ्या पालकाचे सेवन आरोग्याला अनेक फायदे मिळवून देते. फक्त भाजीच नाही तर तुम्ही घरी पालकाची रुचकर चपाती देखील तयार करू शकता.

(फोटो सौजन्य: Pinterest)

Follow Us:

Follow Us:

• पालकची सीजनल भाजी आपल्या आरोग्यासाठी खूप फायद्याची ठरते.
• अनेकांना याची भाजी खायला आवडत नाही.
• अशावेळी तुम्ही याची चपाती बनवून आहारात पालकाचा समावेश करू शकता.

चॉकलेट प्रेमींसाठी खास! आता घरीच बनवा बेकरी स्टाईल ‘Chocolate Mousse’, चव अशी लहानांसह मोठेही होतील खुश

पालक चपातीचा मऊ पोत, हलकीशी मसाल्याची चव आणि सुंदर हिरवा रंग जेवणाला एक वेगळाच आकर्षण देतो. ही चपाती तुम्ही डब्यासाठी, प्रवासासाठी किंवा रोजच्या जेवणात भाजीसोबत सहज बनवू शकता. चला तर मग पाहूया पौष्टिक आणि मऊसूत पालक चपाती कशी बनवायची याची एक सोपी रेसिपी नोट करून घेऊया.

साहित्य

• २ कप गव्हाचे पीठ
• १ कप पालक प्युरी
• १ टीस्पून तेल
• मीठ चवीनुसार
• पाणी आवश्यकतेनुसार

कृती

• सर्वप्रथम पालक स्वच्छ धुऊन बारीक चिरून घ्या. मग मिक्सरमध्ये थोडे पाणी घालून त्याची प्युरीही तयार करा.
• एका भांड्यात गव्हाचे पीठ, मीठ, पालक प्युरी आणि थोडे थोडे पाणी घालून घालून सर्व एकत्र करा आणि मऊसर पीठ मळून घ्या. पीठ १०-१५ मिनिटे झाकून ठेवा.
• पीठाचे समान आकाराचे लहान गोळे तयार करा.
• प्रत्येक गोळा कोरड्या पिठात घोळवून गोल आणि पातळ चपाती लाटा.
• गरम तव्यावर चपाती दोन्ही बाजूंनी फुगून हलक्या तपकिरी होईपर्यंत भाजून घ्या. भाजताना चपात्यांना तेल लावायला विसरू नका.
• गरमागरम पालक चपाती दही, लोणचे किंवा आवडीच्या भाजीसोबत सर्व्ह करा.
• यात काही मसाले टाकून तुम्ही पालक पराठा देखील तयार करू शकता.
• डब्यासाठी बनवत असाल तर चपाती पूर्ण थंड झाल्यावरच पॅक करा.

Web Title: How to make palak chapati at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com