चहाची मजा द्विगुणित करेल गव्हाच्या पिठाचे कुकीज; सुगंधित, पौष्टिक अन् पाहता क्षणी लहान मुले होतील खुश

Wheat Cookies Recipe : गव्हाच्या पिठापासून तयार केलेले हे कुकीज पौष्टिक, सुगंधित आणि पचायला हलके असतात. चहासोबत यांची चव आणखीन छान लागेल. चला ते घरी कसे तयार करायचे ते जाणून घेऊया.

(फोटो सौजन्य – Pinterest)

Follow Us:

Follow Us:

• मैद्याचे नाही यावेळी बनवा गव्हाच्या पिठाचे कुकीज
• चवीसह पौष्टिकताही मिळेल
• चहासोबत हे कुकीज अप्रतिम चव देतील

तोच ठराविक ढोकळा खाऊन कंटाळा आला आहे? मग सोप्या पद्धतीमध्ये बनवा चविष्ट पोह्यांचा ढोकळा, नोट करा रेसिपी

गहू म्हणजे आपल्या भारतीय आहारातील एक महत्त्वाचा भाग… पौष्टिक, हलका, पचायला सोपा आणि विविध पदार्थांमध्ये वापरता येणारा आहे. आज आपण याच गव्हापासून अत्यंत सोप्या पद्धतीने, कुठलेही विशेष उपकरण किंवा महागडी सामग्री न वापरता घरच्या घरी खुसखुशीत आणि चवदार गव्हाच्या पिठाच्या कुकीज बनवणार आहोत. या कुकीज नाश्त्यात, चहासोबत किंवा मुलांना टिफिनमध्ये देण्यासाठी अगदी उत्तम. चला तर मग गव्हाच्या पिठाचे हे कुकीज कसे करायचे ते जाणून घेऊया, नोट करून घेऊयात यासाठी लागणारे साहित्य आणि कृती.

साहित्य: 

• गव्हाचे पीठ – १ कप
• साखर – ½ कप (पावडर स्वरूपात)
• बटर/लोणी – ½ कप (रूम टेम्परेचर)
• बेकिंग पावडर – ½ टीस्पून
• वेलची पावडर – ¼ टीस्पून (ऐच्छिक पण चवदार)
• दूध – २–३ टेबलस्पून (आवश्यकतेनुसार)
• मीठ – चिमूटभर
• ड्राय फ्रूट तुकडे – २ टेबलस्पून (ऑप्शनल)

 कृती:

• यासाठी सर्वप्रथम एका बाउलमध्ये रूम टेम्परेचरचे बटर घेऊन त्यात पावडर साखर घाला. दोन्ही चांगले एकत्र होईपर्यंत मिक्स करा. मिश्रण हलके, फुललेले आणि क्रीमी झाले पाहिजे.
• एका वेगळ्या भांड्यात गव्हाचे पीठ, बेकिंग पावडर, वेलची पावडर आणि चिमूटभर मीठ घालून चांगले मिक्स करा.
• कोरडे साहित्य बटर–साखरेच्या मिश्रणात घाला. हलक्या हाताने मिसळा. आवश्यकतेनुसार थोडे थोडे दूध घालत मऊसर पण घट्ट असे पीठ तयार करा.
• पीठाचे छोटे लिंबाएवढे गोळे करा. हलके दाबून गोल कुकीज आकार द्या. हवे असल्यास वरती ड्राय फ्रूट्स दाबा.
• आता ओव्हन 170°C किंवा 340°F वर प्रीहीट करा.
• कुकीज बेकिंग ट्रेमध्ये १ इंच अंतर ठेवून मांडून 12–15 मिनिटे बेक करा.
• कडा थोड्या सोनेरी दिसू लागल्या की कुकीज तयार!
• कुकीज पूर्णपणे थंड होऊ द्या. थंड झाल्यावर त्या अधिक खुसखुशीत होतात.
• हवाबंद डब्यात साठवा, १०–१५ दिवस मस्त ताज्या राहतात.
• बटरऐवजी तूप वापरले तरी चव अप्रतिम येते.
• साखरेऐवजी गूळ पावडर वापरून हेल्दी आणि वेगळी चव मिळू शकते.
• तुम्हाला हवं असल्यास तुम्ही यात चॉकलेट चिप्सही घालू शकता.

Web Title: How to make healthy and tasty wheat cookies at home note the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com