शनिवार, 17 ऑक्टोबर 2026
.शरीराच्या 'या' अवयवांमध्ये वाढलेल्या वेदना सामान्य नसून आरोग्यासंबंधित उद्भवतात गंभीर संकट, वाढवतील आयुष्यभराचा त्रास
धावपळीची जीवनशैली, कामाचा वाढलेला तणाव, पोषक घटकांची कमतरता, मानसिक तणाव आणि सतत काम करत राहिल्यामुळे शरीराच्या कोणत्या ना कोणत्या अवयवामध्ये वेदना जाणवू लागतात. कधी पाठ दुखते तर कधी पायांमध्ये वेदना होतात. पण बऱ्याचदा शरीरात होणाऱ्या वेदनांकडे दुर्लक्ष केले जाते. वारंवार दुर्लक्ष केल्यामुळे वेदना वाढू लागतात आणि गंभीर होऊन आजार निर्माण करतात. त्यामुळे शरीरात दिसणाऱ्या लक्षणांकडे अजिबात दुर्लक्ष न करता वेळीच उपचार करणे आवश्यक आहे. अंगदुखी वाढल्यानंतर किंवा थकवा वाढल्यानंतर मेडिकलमधील पेनकिलरची गोळी खाल्ली जाते. पेनकिलरची गोळी खाल्ल्यामुळे तात्पुरता आराम मिळतो. पण कालांतराने वेदना वाढू लागतात. शरीरात वाढलेल्या वेदना या अंतर्गत आजारांची गंभीर लक्षणे असतात. त्यामुळे दुर्लक्ष न करता वेळीच उपचार करणे आवश्यक आहे.(फोटो सौजन्य – istock)
World Parkinson’s Day: केईएममध्ये आठवड्याला १० पार्किन्सन रुग्ण! डीबीएसने उपचारांना नवी आशा
डोकेदुखीचा त्रास सगळ्यांचं अतिशय सामान्य वाटतो. अपचन किंवा जास्त वेळ उन्हात फिरल्यामुळे शरीराची पाण्याची पातळी कमी होऊन जाते आणि डोकं दुखण्यास सुरुवात होते. पण काहीवेळा झोपेतून उठल्यानंतर किंवा संपूर्ण दिवसभर डोकेदुखीचा त्रास वाढू लागल्यास दुर्लक्ष न करता वेळीच उपचार करणे आवश्यक आहे. डोकं दुखल्यानंतर अनेक लोक पेनकिलरची गोळी खाऊन तात्पुरता आराम मिळवतात. पण कालातंराने पुन्हा एकदा डोक्यात वेदना वाढू लागतात. मेंदूमध्ये रक्तस्त्राव, मेंदूची रक्तवाहिनी फुगणे किंवा ब्रेन ट्यूमर झाल्यानंतर अतिशय तीव्र डोकेदुखी वाढते आणि शरीरात खूप जास्त थकवा, अशक्तपणा जाणवू लागतो.
अपचन, ऍसिडिटी किंवा बद्धकोष्ठतेची समस्या उद्भवल्यानंतर छातीमध्ये टोचल्यासारख्या वेदना होतात. पण काहीवेळा नॉर्मल गॅस किंवा अपचनाची समस्या समजून दुर्लक्ष केलेल्या वेदना गंभीर आजाराचे कारण ठरतात. हार्ट अटॅक किंवा हार्ट ब्लॉकेज होण्याआधी छातीत वेदना होणे, चालताना धाप लागणे, दबाव जाणवणे, जकडल्यासारखे वाटणे किंवा छातीमध्ये जडपणा जाणवणे इत्यादी समस्या वाढू लागल्यानंतर दुर्लक्ष न करता वेळीच उपचार करणे आवश्यक आहे. अन्यथा कोणत्याही क्षणी हार्ट अटॅक येऊन मृत्यू होऊ शकतो.
अचानक चक्कर येऊन गरगरल्यासारखं वाटत? थकवा नसून असू शकतात ‘या’ गंभीर आजाराचे संकेत, वेळीच व्हा सावध
पोटात दुखणे ही अतिशय सामान्य समस्या वाटत असली तरीसुद्धा शरीरसंबंधित गंभीर आजारांचा धोका निर्माण करू शकते. अपेंडिसायटिस, पित्ताशयातील खडे, स्वादुपिंडाला आलेली सूज किंवा आतड्यांमध्ये निर्माण झालेल्या अडथळ्यांमुळे सुद्धा पोटात खूप जास्त वेदना होतात. याशिवाय आतड्यांच्या कॅन्सरची लागण झाल्यानंतर वारंवार पोटात दुखणे, झपाट्याने वजन कमी होणे इत्यादी अनेक लक्षणे दिसू लागतात. उलट्या होणे, ताप येणे किंवा पोट फुगल्यासारखे वाटल्यास कोणते घरगुती उपाय करण्याऐवजी तात्काळ डॉक्टरांचा सल्ला घ्यावा.
Ans: नाही, काही वेळा शरीरातील वेदना गंभीर आजारांचे संकेत असू शकतात, त्यामुळे त्याकडे दुर्लक्ष करणे धोकादायक ठरू शकते.
Ans: छातीत वेदना, अचानक तीव्र डोकेदुखी, सतत पोटदुखी, पाठीचा त्रास किंवा सांध्यांमध्ये सूज व वेदना या गंभीर असू शकतात.
Ans: अपेंडिक्स, अल्सर, गॅस्ट्रिक समस्या किंवा लिव्हर व किडनीचे आजार असू शकतात.
