Raw Banana Kofta : कच्च्या केळीचे कोफ्ते ट्राय केलेत का? शेफने सांगितली राजस्थानची पारंपारिक रेसिपी

Recipe : तुम्हाला माहितीये का? तुम्ही कच्च्या केळीपासून फक्त कुरकुरीत चिप्सच नाही तर चविष्ट असे कोफ्ते देखील तयार करु शकता. हे कोफ्ते फार झटपट तयार होतात. इंस्टाग्रामवर शेफने याची रेसिपी शेअर केली आहे.

(फोटो सौजन्य: Instagram)

Follow Us:

Follow Us:

• कच्च्या केळीचे कोफ्ते बनवा घरीच.
• चवीला लागतात मजेदार.
• रेसिपी आहे फार सोपी आणि झटपट.

शेफ अरुणा विजयने आपल्या इंस्टाग्राम अकाऊंटवर कच्च्या केळीच्या कोफ्त्याची रेसिपी शेअर केली आहे. हिच रेसिपी आज आपण या लेखात जाणून घेणार आहोत. मुख्य म्हणजे यात लसूण किंवा कांद्याचा वापर केला जात नाही. नेहमीचं बोरींग जेवण खाऊन कंटाळा आला असेल आणि घरी काही नवीन बनवण्याची इच्छा असेल तर ही रेसिपी तुम्ही नक्कीच ट्राय करु शकता. चला वेळ न घालवता यासाठी लागणारे साहित्य आणि कृती जाणून घेऊया.

साहित्य

• कच्चे केळे-२
• काजू – १ मोठा चमचा
• मनुका – १ मोठा चमचा
• ताजा पुदिना – काही पाने
• ताजी कोथिंबीर – काही पाने, चिरलेली
• हिरवी मिरची – १, बारीक चिरलेली
• डाळिंबाचे दाणे – २ मोठे चमचे
• वाटाणे – २ मोठे चमचे
• हळद – १ चमचा
• लाल मिरची पावडर – १ मोठा चमचा
• धणेपूड – १ मोठा चमचा
• गरम मसाला – १ चमचा
• चाट मसाला – १ चमचा

• बेसन – १ कप
• मीठ – चवीनुसार
• लाल मिरची पावडर – १ चमचा
• हळद – १/२ चमचा
• ओवा – १/२ चमचा
• बेकिंग सोडा – १/४ चमचा
• पाणी – आवश्यकतेनुसार

• फिलिंग तयार करण्यासाठी सर्वात आधी केळ्यांना उकळून त्यांना सोलून घ्या आणि मग केळ्यांना मॅश करा.
• एका बाऊलमध्ये मॅश केलेली केळी, मीठ, बारीक केलेले काजू, मनुका, पुदिना, कोथिंबीर, हिरव्या मिरच्या, डाळिंबाचे दाणे, वाटाणे आणि सर्व सुके मसाले व्यवस्थित एकत्र करा.
• सर्व गोष्टी जेव्हा नीट एकत्रित मिसळतील तेव्हा तयार मिश्रणाचे लहान गोळे तयार करा.
• दुसऱ्या भांड्यात बेसन, मीठ, लाल तिखट, हळद, ओवा आणि सोडा एकत्र करा. नंतर, हळूहळू पाणी घालून एकजीव, किंचित जाडसर मिश्रण तयार करा.
• आता कढईत तेल गरम करा.
• तेल चांगले तापले की, बेसनाच्या मिश्रणात तयार गोळे घोळवून गरम तेलात मध्यम आचेवर त्यांना कुरकुरीत आणि क्रिस्पी होईपर्यंत तळून घ्या.
• तयार कुरकुरीत कोफ्त्यांना तुम्ही पुदिन्याच्या चटणीसोबत खाण्यासाठी सर्व्ह करु शकता.
• जर तुम्हाला कोफ्त्यांची रसरशीत भाजी तयार करायची असेल तर त्यासाठी मिक्सरच्या भांड्यात कांदा, लसूण, काजू, मिरची आणि टोमॅटो घालून एक बारीक पेस्ट तयार करुन घ्या.
• तेलात ही पेस् परतून घ्या आणि मग त्यात मीठ, धणेपूड, लाल तिखट, हळद, गरम मसाला, कोथिंबीर, दही आणि आवश्यकतेनुसार पाणी घालून ग्रव्ही तयार करा.
• ही ग्रेव्ही छान शिजली की त्यात तयार कोफ्ते घाला आणि भाजी चपाती किंवा भातासोबत खाण्यासाठी सर्व्ह करा.

Web Title: Make tasty and crispy raw banana kofta at home note the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com