(फोटो सौजन्य - सोशल मीडिया)
2019 मध्ये आलेल्या ‘दे दे प्यार दे’ या चित्रपटाचा सिक्वेल येत आहे. हा चित्रपट पुढच्या वर्षी मे महिन्यात प्रदर्शित होणार होता. पण, त्याची रिलीज डेट अचानक पुढे ढकलण्यात आली आहे. त्यानंतर सप्टेंबरमध्ये हा चित्रपट येणार असल्याचे सांगण्यात आले. मात्र आज निर्मात्यांनी दिलेल्या अधिकृत माहितीमध्ये या चित्रपटासाठी प्रेक्षकांना बराच काळ वाट पाहावी लागणार असल्याचे समोर आले आहे. अजय देवगण, आर माधवन आणि रकुल प्रीत सिंग यांच्या प्रमुख भूमिका असलेला हा चित्रपट कधी प्रदर्शित होणार? जाणून घेऊयात.
या तारखेला हा चित्रपट चित्रपटगृहात दाखल होणार आहे.
‘दे दे प्यार दे 2’ हा चित्रपट आता 2025 मध्ये नोव्हेंबर महिन्यात प्रदर्शित होणार आहे. इंस्टाग्रामवर लव फिल्म्सने एक पोस्ट शेअर केली आहे. त्यात लिहिले आहे की, ‘दे दे प्यार दे 2’ हा चित्रपट 14 नोव्हेंबर 2024 रोजी प्रदर्शित होणार आहे. या चित्रपटाचे दिग्दर्शन अंशुल शर्मा करत आहेत. भूषण कुमार, कृष्ण कुमार, लव रंजन आणि अंकुर गर्ग या चित्रपटाची निर्मिती करत आहेत. तरुण जैन आणि लव रंजन यांनी या चित्रपटाचे लेखन केले आहे. घ चित्रपट पाहण्यासाठी प्रेक्षक खूप उत्सुक आहे. या चित्रपटाची कथा काय असेल हे पाहणे उत्कंठाचे होणार आहे.
View this post on Instagram
शैताननंतर अजय देवगण-माधवन पुन्हा एकत्र दिसणार आहेत
‘दे दे प्यार दे 2’ आधी 1 मे 2025 रोजी रिलीज होणार होता. पण, आता हा चित्रपट बालदिनाच्या मुहूर्तावर नोव्हेंबरमध्ये प्रदर्शित होणार आहे. विनोदापासून रोमान्स आणि फॅमिली ड्रामापर्यंत सर्व काही या चित्रपटात आहे. ‘शैतान’ चित्रपटानंतर प्रेक्षकांना आर माधवन आणि अजय देवगण पुन्हा एकदा एकत्र पाहायला मिळणार आहेत. ‘शैतान’ चित्रपटाच्या यशानंतर हे दोघे पुन्हा एकत्र दिसणार आहेत.
बालदिनानिमित्त चित्रपट प्रदर्शित करण्याबाबत उपस्थित करण्यात आलेले प्रश्न
चित्रपटाच्या प्रदर्शनाची तारीख समोर आल्यानंतर, वापरकर्ते प्रतिक्रिया देत आहेत आणि निर्मात्यांना प्रश्न विचारत आहेत. एका यूजरने लिहिले की, ‘बालदिनानिमित्त रोमँटिक चित्रपट प्रदर्शित करण्यात काय अर्थ आहे?’ दुसऱ्या यूजरने लिहिले की, ‘इतकी लांब प्रतीक्षा, रिलीज डेटचा उपयोग नाही.’ असे लिहून चाहत्यांनी या पोस्टला प्रतिसाद दिला आहे.
Devoleena Bhattacharjee: अभिनेत्री देवोलिनाने दिला मुलाला जन्म; सोशल मीडियावर शेअर केली सुंदर पोस्ट!
‘रेड 2’ मुळे रिलीज डेट बदलली
अजय देवगणच्या ‘रेड 2’ चित्रपटामुळे ‘दे दे प्यार दे 2’ चित्रपटाची रिलीज डेट पुढे ढकलण्यात आली आहे. अलीकडेच ‘रेड 2’ हा चित्रपट 1 मे 2025 रोजी प्रदर्शित होणार असल्याची घोषणा करण्यात आली. अशा परिस्थितीत, दोन चित्रपटांमधील संघर्ष टाळण्यासाठी निर्मात्यांनी ‘दे दे प्यार दे 2’ च्या प्रदर्शनाची तारीख बदलली आहे. आता प्रेक्षकांना १४ डिसेंबरपर्येंत प्रतीक्षा करावी लागणार आहे.
