रविवार, 18 ऑक्टोबर 2026
फोटो सौजन्य: प्रणित मोरे इन्स्टाग्राम
प्रसिद्ध स्टँडअप कॉमेडियन प्रणित मोरेने आपल्या कॉमेडीच्या माध्यमातून महाराष्ट्रात आपली ओळख प्रस्थापित केली आहे. सोशल मीडियावर कायमच आपल्या कॉमेडीमुळे चर्चेत राहणारा प्रणित गेल्या काही दिवसांपासून एका वेगळ्या कारणामुळे चर्चेत आला आहे. प्रणितने गेल्या काही दिवसांपूर्वी सोलापूरमध्ये एका शोमध्ये ‘स्काय फोर्स’फेम वीर पहारियावर जोक मारला होता. त्याला हा जोक मारणं चांगलंच अंगलट आलं होतं. प्रणितचा कॉमेडी शो संपल्यानंतर त्याला १० ते १२ जणांनी मिळून मारहाण केल्याची माहिती त्याने स्वत: इन्स्टाग्राम पोस्टच्या माध्यमातून दिली होती. त्यानंतर आता प्रणितने आणखी एक व्हिडीओ शेअर करत चाहत्यांचे आभार मानले असून एक खंतही व्यक्त केली असल्याचे पाहायला मिळतंय.
“रांझा तेरा हीरिये…”; व्हॅलेंटाईन वीकमध्ये प्रदर्शित होणार आणखी एक नवीन रोमँटिक गाणं
प्रणित व्हिडीओ शेअर करत म्हणतो की, “सर्वांना नमस्कार. सुरुवातीला सगळ्यांना धन्यवाद. ज्या लोकांनी माझ्या तब्येतीविषयी विचारलं, माझ्या तब्येतीसाठी प्रार्थना केली. बऱ्याच लोकांनी माझ्यावर झालेल्या हल्ल्याची स्टोरी शेअर केली. ज्यामुळे माझ्यावर झालेला हल्ला अधिक लोकांपर्यंत पोहोचले. आतापर्यंत या प्रकरणात सोलापूर पोलिसांनी पाच लोकांना अटक केली आहे. हे चांगलंच काम झालं आहे. पण, अजूनपर्यंत कोणाला अटक केलीये याची माहिती देण्यात आलेली नाही. जो मुख्य आरोपी आहे, तो अजूनही फरार आहे. ज्यांनी ही गोष्ट केलीये त्यांच्यावर कारवाई केली पाहिजे, अशी आम्ही मागणी सतत करत आहोत. जेणेकरून पुढे भाषण स्वातंत्र्य करताना किंवा कोणताही व्यक्ती विनोद करत असेल तर त्याला जाऊन मारू शकतो, असा विचार केला नाही पाहिजे.”
View this post on Instagram
“सर्वात महत्त्वाची गोष्ट, जे सीसीटीव्ही फुटेज आहे, ते पोलिसांनी ताब्यात घेतले आहेत. त्यामुळे आम्ही मागील सहा दिवसांपासून सतत पाठपुरावा घेत आहोत. जे काही बोललं जात आहे. हे खरंच घडलं होतं का? हे कोणी केलं? हे सर्वकाही स्पष्ट होईल. कारण सीसीटीव्ही फुटेजमध्ये स्पष्टपणे सर्वकाही दिसत आहे. याप्रकरणात कोण-कोण लोक होते? त्यामुळे समजलेच. त्या लोकांनी काय-काय केलं आहे? जशी माझी शेवटची पोस्ट सगळ्यांपर्यंत पोहोचली होती, तसाचा हा व्हिडीओ देखील पोहोचला जाईल. लवकरात लवकर कारवाई होईल आणि त्यामुळे समजले की, याप्रकरणात नेमका कोणाचा हात होता? हे सर्वांपर्यंत येईल.”असं प्रणित मोरे म्हणाला.
कॉमेडियन प्रणित मोरेवर २ फेब्रुवारी रोजी संध्याकाळी ५:४५ वाजता १० ते १२ जणांनी हल्ला करत मारहाण केली. यादरम्यान प्रणितला एकानं धमकावत, “अगली बार वीर पहारिया बाबा पे जोक मार के दिखा” असे म्हटलं. यामुळे वीर पहारीया यांच्यावर जोक केल्यानं ही मारहाण केलं असल्याचं स्पष्ट झालं. मात्र, वीर पहारियाने प्रणित मोरे वरील हल्ल्याची दखल घेत सोशल मीडियावर पोस्ट करत त्याचा यात काहीही संबंध नसल्याचे म्हटलं आणि या हल्ल्यात जो कोणी व्यक्ती जबाबदार असेल त्यावर कठोर कारवाई करण्यासही विनंती केली.
