मंगळवार, 20 ऑक्टोबर 2026
Dussehra 2026: ( फोटो सौजन्य-सोशलमीडिया)
बऱ्याच लोकांच्या मनात प्रश्न असतो की घट नेमका कधी हलवायचा, देवीचं विसर्जन कधी करायचं. नवमीला करायचं की दशमीला? तर याबद्दलची सगळी माहिती आपण आज पाहणार आहोत.
पंचांगानुसार आज विजयादशमी आहे. आजचा विजय मुहूर्त दुपारी 2 वाजून 9 मिनिटांपासून ते 2 वाजून 56 मिनिटांपर्यंत आहे. हा मुहूर्त विजयादशमीच्या पूजेसाठी सगळ्यात चांगला मानला जातो. याशिवाय आजचा अपराह्ण काळ दुपारी 1 वाजून 23 मिनिटांपासून ते 3 वाजून 42 मिनिटांपर्यंत आहे.
पण एक गोष्ट लक्षात ठेवा, विजय मुहूर्त म्हणजेच विसर्जनाचा मुहूर्त असं नाही. विसर्जनासाठी वेगळी वेळ पाहावी लागते आणि ती प्रत्येक ठिकाणच्या पंचांगानुसार बदलू शकते. त्यामुळे एकच वेळ सगळीकडे लागू होईल असं समजू नका.
जर तुम्हाला आज घट विसर्जन करायचं असेल तर त्यासाठी काही शुभ वेळा सांगितल्या आहेत. सकाळी 6 वाजून 19 मिनिटांपासून ते 10 वाजून 12 मिनिटांपर्यंत एक चांगला मुहूर्त आहे. त्यानंतर अभिजित मुहूर्त आहे, तो सकाळी 11 वाजून 44 मिनिटांपासून ते दुपारी 12 वाजून 31 मिनिटांपर्यंत आहे. आणि दुपारी 1 वाजून 14 मिनिटांपासून ते 3 वाजून 30 मिनिटांपर्यंत पण घट विसर्जन करता येईल.
पण या वेळा सगळीकडे सारख्या असतीलच असं नाही. तुमच्या गावाचं किंवा शहराचं पंचांग वेगळं असू शकतं. त्यामुळे स्थानिक पंचांग एकदा पाहूनच मुहूर्त ठरवा.
याबाबत सगळ्यांच्या घरात वेगवेगळी पद्धत असते. काही घरांमध्ये महानवमीच्या दिवशीच म्हणजे कालच देवीची पूजा, हवन आणि आरती करून घट विसर्जित केला जातो. तर काही घरांमध्ये दसऱ्याच्या दिवशी पूजा करून घट हलवला जातो आणि नवरात्रीत पेरलेलं धान्य म्हणजे जव विसर्जित केलं जातं.
त्यामुळे यात काही एक नियम नाही. तुमच्या घरात जी परंपरा वर्षानुवर्षे चालत आली आहे, तीच पाळा. तुमच्या मोठ्या माणसांना विचारा, ते सांगतील तसंच करा. कुलाचार महत्त्वाचा असतो.
घट किंवा देवीची मूर्ती विसर्जित करताना घाई करू नका. सगळ्यात आधी देवीची मनोभावे पूजा करा, आरती करा आणि नैवेद्य दाखवा. त्यानंतर देवीकडे तुमच्या पूजेत काही चूक झाली असेल तर माफी मागा आणि प्रार्थना करा.
घटावरचा नारळ आणि बाकीचं पूजेचं साहित्य तुमच्या घरच्या पद्धतीनुसार बाजूला काढा. घटातलं पाणी तुम्ही तुळशीसारख्या झाडाला घालू शकता. नवरात्रीत पेरलेलं धान्य मातीत विसर्जित करा, कचऱ्यात टाकू नका.जर तुमच्याकडे मोठी मूर्ती असेल तर ती नदी किंवा तलावात विसर्जित करताना प्रशासनाने घालून दिलेले नियम पाळा. जिथे कृत्रिम तलावाची सोय केली असेल तिथेच विसर्जन करा. शक्य झाल्यास पर्यावरणपूरक मूर्ती आणा आणि पर्यावरणपूरक पद्धतीने विसर्जन करा.
Navratri: वैवाहिक जीवनात सतत अडथळे येत असल्यास महानवमीच्या दिवशी करा हे उपाय
विजय मुहूर्ताची वेळच विसर्जनासाठी बंधनकारक आहे असं समजू नका. घट विसर्जन आणि देवी विसर्जन या दोन वेगळ्या गोष्टी आहेत आणि त्या घरच्या परंपरेनुसार वेगवेगळ्या वेळी केल्या जाऊ शकतात. त्यामुळे आपल्या शहराचं पंचांग आणि घरचा कुलाचार पाहूनच योग्य निर्णय घ्या. सगळ्यांना दसऱ्याच्या खूप खूप शुभेच्छा.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: दिलेल्या वृत्तानुसार, 20 ऑक्टोबर 2026, मंगळवार रोजी दसरा म्हणजेच विजयादशमी साजरी केली जात आहे.
Ans: वृत्तात दिलेल्या वेळेनुसार, विजय मुहूर्त दुपारी 2:09 ते 2:56 पर्यंत आहे. हा मुहूर्त विजयादशमीच्या पूजेसाठी शुभ मानला जातो.
Ans: दिलेल्या वृत्तानुसार, घट विसर्जनासाठी तीन वेळा नमूद केल्या आहेत: सकाळी 6:19 ते 10:12 अभिजित मुहूर्त: सकाळी 11:44 ते दुपारी 12:31 दुपारी 1:14 ते 3:30 या वेळा स्थानिक पंचांगानुसार बदलू शकतात.
