गुरुवार, 22 ऑक्टोबर 2026
Asian Para Games : हाय जंपमध्ये भारताचा क्लीन स्वीप! तिन्ही पदके भारताच्या नावावर, शैलेशची सुवर्ण कामगिरी, सौजन्य : आयएएनएस
एशियन पॅरा गेम्स (Asian Para Games) 2026 मध्ये भारतीय खेळाडूंनी पुरुषांच्या हाय जंप टी-63 अंतिम फेरीत शानदार कामगिरी करत तिन्ही पदक भारताच्या नावे केली. गुरुवारी झालेल्या या स्पर्धेत शैलेश कुमारने सुवर्णपदक, वरुण भाटीने रौप्यपदक, तर राहुलने कांस्यपदक पटकावले. या कामगिरीमुळे भारताने या प्रकारात क्लीन स्वीप केलं आहे.
शैलेश कुमारने 1.89 मीटरची उंच उडी मारत सुवर्णपदक जिंकले. वरुण भाटीने 1.84 मीटरची उडी मारून दुसरे स्थान मिळवले. तर राहुलने 1.81 मीटरची वैयक्तिक सर्वोत्तम उडी नोंदवत कांस्यपदकावर नाव कोरले.
भारताने पुरुषांच्या हाय जंप टी-42/टी-63 प्रकारात तिन्ही पदके जिंकत 2022 मधील कामगिरीची पुनरावृत्ती केली. या स्पर्धांमध्ये भारताने तिन्ही पदके जिंकण्याची ही तिसरी वेळ ठरली. यापूर्वी पुरुषांच्या डिस्कस थ्रो एफ-44 /एफ-64 प्रकारात देवेंद्र कुमारच्या नेतृत्वाखाली, तर पुरुषांच्या शॉटपुट एफ-46 अंतिम फेरीत सचिन खिलारीच्या नेतृत्वाखाली भारतीय खेळाडूंनी तिन्ही पदके जिंकली होती.
वरुण भाटी हा उत्तर प्रदेशातील ग्रेटर नोएडा येथील भारतीय पॅरा उंच उडीपटू आहे. 2016 मध्ये रिओ पॅरालिम्पिकमध्ये त्याने 1.86 मीटरची उडी मारत पुरुषांच्या हाय जंप टी-42 प्रकारात कांस्यपदक पटकावले होते. ही त्याच्या कारकिर्दीतील मोठी आंतरराष्ट्रीय कामगिरी ठरली.
यानंतर वरुणने 2017 च्या जागतिक पॅरा अॅथलेटिक्स अजिंक्यपद स्पर्धेत कांस्यपदक आणि 2018 च्या एशियन पॅरा गेम्समध्ये 1.82 मीटरची उडी मारत रौप्यपदक जिंकले. अलीकडेच, नवी दिल्ली येथे झालेल्या 2025 च्या जागतिक पॅरा अॅथलेटिक्स अजिंक्यपद स्पर्धेत त्याने 1.85 मीटरची उडी मारून पुरुषांच्या हाय जंप टी-63 प्रकारात कांस्यपदक मिळवले होते.
दरम्यान, दिवसाच्या सुरुवातीलाच भारताने 400 मीटर टी-47 प्रकारातही दुहेरी यश मिळवले. अंजनाबेन बंबडियाने 59.97 सेकंदांत शर्यत पूर्ण करत सुवर्णपदक जिंकले. तर जयंती बेहेराने 1 मिनिट 00.65 सेकंदांची वेळ नोंदवत रौप्यपदक पटकावले. त्यामुळे एशियन पॅरा गेम्समध्ये भारतीय खेळाडूंची पदकांची घोडदौड कायम राहिली.
Ans: शैलेश कुमारने १.८९ मीटरची उडी मारून सुवर्णपदक पटकावले.
Ans: भारताने पुरुषांच्या हाय जंप टी६३ अंतिम फेरीत सुवर्ण, रौप्य आणि कांस्य अशी तिन्ही पदके जिंकली.
Ans: वरुणने २०१६ च्या रिओ पॅरालिम्पिकमध्ये कांस्य, २०१७ च्या जागतिक पॅरा अॅथलेटिक्स स्पर्धेत कांस्य आणि २०१८ च्या एशियन पॅरा गेम्समध्ये रौप्यपदक जिंकले होते.
