Champions Trophy साठी हार्दिक-रोहितची ‘खास’ तयारी, व्हिडिओ आला समोर

चॅम्पियन्स ट्रॉफी या मेगा इव्हेंटमध्ये हार्दिक पांड्याची भूमिकाही महत्त्वाची मानली जात आहे. हार्दिक आणि रोहित संघाच्या बोटीला सावरण्यासाठी खास तयारीसाठी एकत्र काम करत आहेत. या दोन्ही सरावांचा व्हिडिओही समोर आला आहे.

फोटो सौजन्य - सोशल मीडिया

Follow Us:

Follow Us:

चॅम्पियन्स ट्रॉफी २०२५ : चॅम्पियन्स ट्रॉफीचे काउंटडाउन सुरू झाले आहे. हायब्रीड मॉडेलमध्ये खेळल्या जाणाऱ्या या स्पर्धेसाठीचा भारतीय संघही लवकरच जाहीर होणार आहे. या स्पर्धेमध्ये आठ संघ सहभागी झाले आहेत. यामध्ये सात संघानी टीमची घोषणा केली आहे. भारताच्या संघाने अजुनपर्यत संघाची घोषणा केली नाही. बॉर्डर गावसकर ट्रॉफी स्पर्धेमध्ये झालेल्या पराभवानंतर भारताच्या संघाला टीकेचा सामना करावा लागला होता. भारताचा संघ २२ जानेवारीपासून इंग्लंड विरुद्ध मालिका खेळणार आहे. तर चॅम्पियन ट्रॉफीला सुरुवात १९ फेब्रुवारीपासून होणार आहे.

टीम इंडिया चॅम्पियन्स ट्रॉफी जिंकण्याच्या इराद्याने मैदानात उतरणार असून, गेल्या दोन कसोटी मालिकेतील दारुण पराभव विसरणार आहे. संघाची कमान रोहित शर्माच्या हाती राहण्याची अपेक्षा आहे. या मेगा इव्हेंटमध्ये हार्दिक पांड्याची भूमिकाही महत्त्वाची मानली जात आहे. हार्दिक आणि रोहित संघाच्या बोटीला सावरण्यासाठी खास तयारीसाठी एकत्र काम करत आहेत. या दोन्ही सरावांचा व्हिडिओही समोर आला आहे.

रोहित शर्माच्या ट्रोलर्स दिले युवराज सिंह सडेतोड उत्तर, म्हणाला – ‘मला सांग किती कर्णधारांनी हे…’

रोहित-हार्दिकची खास तयारी

वास्तविक, सोशल मीडियावर एक व्हिडिओ व्हायरल होत आहे, ज्यामध्ये रोहित शर्मा आणि हार्दिक पांड्या एकाच मैदानावर एकत्र सराव करताना दिसत आहेत. रोहित फलंदाजीत हात आजमावत असताना हार्दिकच्या हातात चेंडू दिसत आहे. रोहितही सरावाच्या वेळी लांबलचक षटकार मारताना दिसत आहे. रोहितचा अलीकडचा फॉर्म खूपच खराब आहे. चॅम्पियन्स ट्रॉफीपूर्वी इंग्लंडविरुद्धच्या वनडे मालिकेत आपला गमावलेला फॉर्म पुन्हा मिळवण्याची सुवर्णसंधी हिटमॅनला मिळणार आहे. त्याचवेळी, टीम इंडियाला २०२४ च्या T२० विश्वचषक स्पर्धेत बॅट आणि बॉल दोन्हीसह महत्त्वपूर्ण योगदान देणाऱ्या हार्दिककडून या स्पर्धेत मजबूत कामगिरीची अपेक्षा असणार आहे. देशांतर्गत क्रिकेटमध्ये हार्दिक फॉर्ममध्ये असल्याचे दिसून आले.

ROHIT 🤝 HARDIK…!!!

– Rohit Sharma & Hardik Pandya working together ahead of the Champions Trophy. 🇮🇳 pic.twitter.com/dZyiVhI1lz

— ᴅɪᴘᴀᴋ__ᴏꜰꜰɪᴄɪᴀʟ (@DipakOfficial25) January 17, 2025

भारतीय संघासाठी रोहित शर्माचे फॉर्ममध्ये पुनरागमन होणे अत्यंत महत्त्वाचे आहे. एकदिवसीय क्रिकेटमधील कोणत्याही सामन्याला एकहाती वळण लावण्याची ताकद हिटमॅनमध्ये आहे. सततच्या फ्लॉप शोमुळे रोहितचा आत्मविश्वास दुणावला आहे. मात्र, रोहितची बॅट कसोटीत काम करत नसली तरी, गेल्या वर्षी वनडे क्रिकेटमध्ये हिटमॅनच्या बॅटमधून धावा झाल्या होत्या. रोहितने २०२४ मध्ये खेळल्या गेलेल्या ३ सामन्यात ५२.३३ च्या सरासरीने आणि १४१ च्या स्ट्राईक रेटने १५७ धावा केल्या होत्या. या काळात त्याने दोन अर्धशतके झळकावली होती. त्याच वेळी, २०२३ मध्ये रोहितने २६ डावांमध्ये १२५५ धावा केल्या होत्या. आता इंग्लंडविरुद्धच्या वनडे मालिकेत रोहित कशी कामगिरी करतो हे पाहणे उत्सुकतेचे ठरणार आहे.

Web Title: Hardik pandya rohit sharma preparation for champions trophy

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com