बुधवार, 21 ऑक्टोबर 2026
फोटो सौजन्य - Instagram
Chloe Tryon engaged : महिला क्रिकेट एकदिवसीय विश्वचषक पार पडला, या स्पर्धेच्या फायनलच्या सामन्यामध्ये भारत आणि दक्षिण आफ्रिका यांच्यामध्ये सामना खेळवण्यात आला. या स्पर्धेत भारताच्या संघाने बाजी मारली आणि इतिहास रचला आहे. टीम इंडियाने शेवटच्या सामन्यामध्ये दमदार कामगिरी केली तर विरोधी संघाची कर्णधाराने शतक देखील या सामन्यामध्ये झळकावले होते. आता दक्षिण आफ्रिकेची फिरकी गोलंदाज क्लो ट्रायॉन हिच्या संदर्भात मोठी बातमी समोर आली आहे.
दक्षिण आफ्रिका संघाची ऑल राउंडर क्लो ट्रायॉन हिने तिची जुनी मैत्रीण मिशेल नातिवेल हिच्यासोबत सारखरपुडा उरकला आहे. तिने तिच्या सोशल मिडियावर पोस्ट शेअर करुन ही आनंदाची बातमी तिने तिच्या चाहत्यांना दिली आहे. सोशल मिडियावर पोस्ट शेअर करुन ऑल राउंडर क्लो ट्रायॉन हिने फोटो पोस्ट करुन लिहीले आहे की, ‘आम्हांला आयुष्यभर’
View this post on Instagram
या दोघींनीही हे फोटो सोशल मिडियावर शेअर केले आहेत. यामध्ये दोघीनीही काळ्या रंगाचे कपडे घातले आहेत. सध्या हे फोटो त्याचे फार व्हायरल होत आहेत. या फोटोमध्ये ऑल राउंडर क्लो ट्रायॉन हिने ढोपरांवर बसून साखरपुड्याची अंगठी घातलेली पाहायला मिळत आहे. अनेक क्रिकेट महिला खेळाडूंनी क्लो ट्रायॉन हिला सोशल मिडियावर शुभेच्छा दिल्या आहेत. क्रिकेट महिला खेळाडूंमध्ये असे अनेक खेळाडू आहेत ज्यांनी त्याच्या महिला मैत्रीणीशी लग्नबंधनात राहण्याचा निर्णय घेतला आहे.
क्लो ट्रायॉन ही दक्षिण आफ्रिकेच्या महिला क्रिकेट संघातील सर्वात लोकप्रिय आणि अनुभवी खेळाडूंपैकी एक आहे. तिचे पूर्ण नाव क्लो लेस्ले ट्रायॉन आहे . ती डाव्या हाताची स्फोटक फलंदाज आणि डाव्या हाताची ऑर्थोडॉक्स स्पिन गोलंदाज आहे. क्लो तिच्या आक्रमक खेळासाठी आणि मैदानावरील आवडीसाठी ओळखली जाते. तिने दक्षिण आफ्रिकेसाठी एकदिवसीय, टी20 आणि महिला प्रीमियर लीग (WPL) मध्ये चांगली कामगिरी केली आहे.
क्लोईचा जन्म २५ जानेवारी १९९४ रोजी दक्षिण आफ्रिकेतील डर्बन येथे झाला. तिला लहानपणापासूनच क्रिकेटची आवड होती आणि तिने अगदी लहान वयातच खेळायला सुरुवात केली. हळूहळू तिच्या मेहनतीचे फळ मिळाले आणि ती दक्षिण आफ्रिकेच्या राष्ट्रीय संघाचा भाग बनली.
