मंगळवार, 20 ऑक्टोबर 2026
Tech Tips: बाहेरगावी जाताना घराची चिंता नको! हे स्मार्ट डिव्हाईस करतील तुमच्या घराचं रक्षण, जाणून घ्या सविस्तर
स्मार्ट सिक्योरिटी कॅमेरे घराचे मुख्य प्रवेशद्वार आणि येणाऱ्या-जाणाऱ्या दुसऱ्या रस्त्यांवर नजर ठेवतात. हे कॅमेरे इंटरनेटला कनेक्ट असतात. त्यामुळे तुम्ही या कॅमेऱ्यांचे लाईव्ह व्हिडीओ तुमच्या स्मार्टफोनमध्ये अगदी सहज पाहू शकता. तुम्ही घरापासून दूर असलात तरी देखील स्मार्ट सिक्योरिटी कॅमेऱ्यांच्या मदतीने घरावर नजर ठेऊ शकता. तसेच, बाजारात असे देखील काही कॅमेरे उपलब्ध आहेत ज्यामध्ये मोशन डिटेक्शन सुविधा असते, ज्यामुळे काही हालचाल होताच कॅमेरा चालू होऊ शकतो किंवा अलर्ट देखील पाठवला जाऊ शकतो. (फोटो सौजन्य – AI Created)
स्मार्ट व्हिडीओ डोअरबेल सामान्य डोअरबेलपेक्षा प्रचंड ॲडव्हांस पद्धतीने काम करते. या डिव्हाईसमध्ये कॅमेरा, माइक्रोफोन आणि स्पीकर दिलेले असतात. जेव्हा एखादा व्यक्ती दरवाजावरील डोअरबेल वाजवतो, तेव्हा फोनवर त्या व्यक्तीचा फोटो किंवा लाईव्ह व्हिडीओ पाहू शकता. टू-वे ऑडियोच्या मदतीने तुम्ही दरवाजाबाहेर असलेल्या व्यक्तीसोबत बोलू शकता. सामानाच्या डिलीव्हरीवेळी सुचना देण्यासाठी किंवा एखाद्या अनोळखी व्यक्तीसोबत बोलण्यासाठी हे फीचर फायद्याचे ठरू शकते.
स्मार्ट मोशन सेंसर आजूबाजूला घडणाऱ्या ॲक्टिव्हिटी ओळखते आणि त्वरित अलर्ट जारी करते. मोशन सेसंर स्मार्ट लाईटने जोडले जाऊ शकतात. त्यानंतर हालचाल ओळखताच लाईट्स आपोआप चालू होतात. काही सेंसर लोकं आणि दुसऱ्या अ‍ॅक्टिव्हिटींमधील फरक ओळखण्यासाठी डिझाईन केलेले असतात. यामुळे अनावश्यक अलर्ट कमी होऊ शकतात.
स्मार्ट डोअर लॉकमध्ये पिन, फिंगरप्रिंट किंवा स्मार्टफोनद्वारे दरवाजा लॉक आणि अनलॉक करण्याची सुविधा मिळू शकते. तसेच, काही डिव्हाईस दुरून देखील कंट्रोल केले जाऊ शकतात. यामुळे दरवाजा लॉक आहे की नाही हे तपासणं सोपं जातं.
घरातील महत्त्वाचे डॉक्युमेंट्स आणि मौल्यवान वस्तू सुरक्षित ठेवण्यासाठी स्मार्ट सेफ एक चांगला पर्याय ठरू शकतो. यामध्ये मॉर्डन लॉकिंग मॅकेनिज्म आणि इतर फीचर्स देखील मिळतात.
Ans: स्मार्ट सिक्युरिटी कॅमेरा, व्हिडीओ डोअरबेल, मोशन सेंसर, स्मार्ट डोअर लॉक आणि स्मार्ट सेफ ही गॅझेट्स घराच्या सुरक्षेसाठी उपयोगी ठरतात.
Ans: स्मार्ट सिक्युरिटी कॅमेऱ्याच्या मदतीने घराच्या प्रवेशद्वारावर आणि परिसरात घडणाऱ्या हालचालींवर लक्ष ठेवता येते. इंटरनेटच्या मदतीने मोबाईलवर लाईव्ह व्हिडीओही पाहता येतो.
Ans: स्मार्ट व्हिडीओ डोअरबेलमध्ये कॅमेरा, मायक्रोफोन आणि स्पीकर असतात. यामुळे दरवाजाबाहेर कोण आहे हे पाहता येते आणि त्या व्यक्तीशी मोबाईलवरून बोलताही येते.
