शनिवार, 17 ऑक्टोबर 2026
Scam Alert: सावधान! ब्लॅक फ्रायडे सेलच्या नावाखाली सुरु आहे स्कॅम, 2 हजारहून अधिक फेक वेबसाइट्स आल्या समोर
CloudSEK नावाच्या एका सायबर सिक्योरिटी कंपनीला इंटरनेटवर अ‍ॅमेझॉन, सॅमसंग आणि अ‍ॅपल सारख्या कंपन्यांची नकल करणाऱ्या 2 हजारहून अधिक खोट्या वेबसाईट्स आढळल्या आहेत. या वेबसाईट्स सेलच्या नावाखाली ग्राहकांना आकर्षित करतात आणि त्यांची फसवणूक करून डेटा आणि पेमेंट इंफोर्मेशन चोरतात. (फोटो सौजन्य – Pinterest)
CloudSEK ने दिलेल्या माहितीनुसार, सायबर गुन्हेगार या वर्षातील सर्वात मोठे फिशिंग इकोसिस्टम चालवत आहेत. या खोट्या वेबसाईट्स अशा पद्धतीने तयार करण्यात आल्या आहेत की त्या ग्राहकांना अगदी खऱ्या वाटतील. या खोट्या वेबसाईट्सवर फेस्टिव सेल वाले बॅनर, काउंटडाउन क्लॉक, फेक ट्रस्ट बॅजेज आणि रिसेंट परचेज वाले पॉप-अप पाहायला मिळत आहेत. ज्यामुळे ग्राहक कोणताही विचार न करता प्रोडक्ट सिलेक्ट करून पेमेंटच्या पेजवर जाऊ शकतील.
ग्राहक जेव्हा प्रोडक्टची निवड करून चेकआउट पेजवर पोहोचतात, तेव्हा ग्राहकांची संपूर्ण माहिती सायबर गुन्हेगार चोरतात आणि ग्राहकांना हॅकर्सच्या कंट्रोलवाल्या पेमेंट पोर्टलवर रिडायरेक्ट केले जाते. बरेच ग्राहक येथे घाईघाईने पैसे देतात आणि पैसे हॅकर्सकडे जातात. सायबर गुन्हेगारांनी अ‍ॅपल, सिस्को, लॉजिटेक, तोशिबा, शाओमी आणि रे-बेन सारख्या मोठ्या कंपन्यांच्या नावाने या बनावट वेबसाइट तयार केल्या आहेत. त्यामुळे ग्राहकांनी खरेदी करताना घाई करू नये. तसेच काही संशायस्पद वाटल्यास वेबसाईट ताबडतोब बंद करावी.
Ans: ऑफर्सच्या नावाखाली बनावट वेबसाइट/पेज तयार करून लोकांकडून पैसे उकळणे, पण प्रॉडक्ट न पाठवणे किंवा फेक प्रॉडक्ट पाठवणे याला स्कॅम म्हणतात.
Ans: डोमेन नाव विचित्र, ‘https’ नसणे, रिव्ह्यू नसणे, अबाउट/कॉन्टॅक्ट सेक्शन फेक असणे, खूपच कमी किंमत दिसणे ही प्रमुख लक्षणं.
Ans: फक्त Amazon, Flipkart, Myntra, Ajio सारख्या अधिकृत प्लॅटफॉर्मवर. बाकीच्या अनोळखी साइटची ऑफर्स बहुतेक वेळा फेक असतात.
