गुरुवार, 27 ऑगस्ट 2026
वीज गेली तरी रात्रभर राहील गारवा! जाणून घ्या १० तास चालणाऱ्या पंख्याची भन्नाट खासियत
उन्हाळ्या, पावसाळ्याच्या दिवसांत सतत खंडित होणारा वीजपुरवठा आणि व्होल्टेजमधील चढ-उतार यांमुळे नागरिक हैराण होतात. यावेळी अनेकांना इन्व्हर्टर असावा असे वाटू लागते. परंतू, त्यासाठी तीस-चाळीस हजार रुपये आणि जागाही जाते. आता तीन-चार तास चालणारे चार्जिंगवाले बल्ब तर आले आहेत, परंतू वीज गेली तरी काही तास चालू शकेल असा फॅन, एसी आदी काही आले नव्हते. परंतू, आता ते देखील प्रत्यक्षात येऊ लागले आहे. लाईट गेल्यावर १० तास चालू शकेल असा फॅन बाजारात आला आहे.(फोटो सौजन्य – istock)
ओरिएंट इलेक्ट्रिकने बाजारात ‘इकोटेक व्होल्ट’ हा नवा सीलिंग फॅन लाँच केला आहे. या पंख्यामध्ये इनबिल्ट रिचार्जेबल बॅटरी देण्यात आली असून, वीज नसतानाही हा पंखा इन्व्हर्टरशिवाय सलग १० तास हवा देऊ शकतो. या पंख्याची सर्वात मोठी ताकद म्हणजे त्याची इनबिल्ट बॅटरी शिवाय बीएलडीसी. वीज गेल्यानंतर हा फॅन १० तासांपर्यंत बॅटरीवर अखंड चालतो. कंपनीच्या दाव्यानुसार, ५०० चार्जिंग सायकलनंतरही ही बॅटरी ८० टक्क्यांपर्यंत कार्यक्षमता टिकवून ठेवते. यामध्ये २८ वेंट ची अॅडव्हान्स्ड बीएलडीसी मोटर वापरण्यात आली आहे.
पारंपारिक इंडक्शन मोटरच्या तुलनेत हा पंखा ५० टक्क्यांपर्यंत विजेची बचत करतो. हा फॅन १२०व्ही ते २८०व्ही या व्होल्टेज रेंजवर चालण्यास सक्षम आहे. त्यामुळे व्होल्टेज कमी-जास्त होत असलेल्या भागातही तो सुरळीत काम करतो. यामध्ये डबल बॉल-बेअरिंग असेंब्ली देण्यात आली आहे. हा फॅन हिमनदी राखाडी आणि पांढरा अशा दोन प्रीमियम कलर पर्यायांमध्ये उपलब्ध आहे. ज्या घरांमध्ये वारंवार वीज जाते आणि इन्व्हर्टर बसवणे शक्य नाही, अशा घरांसाठी हा एक उत्तम पर्याय ठरतो.
मूळ किंमत ६,७९९ एवढी आहे. परंतू कंपनीच्या ‘फ्रीडम सेल’ अंतर्गत हा पंखा ४,५९४ च्या सवलतीच्या दरात खरेदी करता येईल. हा फॅन ईकॉमर्स साईटस् आणि प्रमुख रिटेल स्टोअर्सवर उपलब्ध आहे. पंख्यावर ३ वर्षांची वॉरंटी आणि इनबिल्ट बॅटरीवर १ वर्षाची स्वतंत्र वॉरंटी दिली जात आहे.
