शनिवार, 17 ऑक्टोबर 2026
Apple सिईओ पदावरून Tim Cook आज होणार निवृत्त! 15 वर्षांच्या कारकिर्दीतील ‘ही’ प्रोडक्ट्स ठरली गेमचेंजर, जाणून घ्या
2020 मध्ये कंपनीने मॅक कंप्युटरमध्ये Intel प्रोसेसरऐवजी त्यांनी डिझाईन केलेल्या ॲपल सिलीकॉन चिप्सचा वापर करण्यास सुरुवात केली होती. हा बदल टिम कूक यांच्या कार्यकाळातील सर्वात मोठा गेमचेंजर मानला जातो. या चिप्सने यूजर्सना दमदार परफॉर्मंस ऑफर करण्यासोबतच सुधारित ऊर्जा कार्यक्षमता देखील दिली. यूजर्सने देखील हा बदल स्विकारून त्याला सकारात्मक प्रतिसाद दिला. कालांतराने कंपनीने आयपॅड प्रो आणि आयपॅड एअरमध्ये देखील या चिप्सचा वापर करण्यास सुरुवात केली. (फोटो सौजन्य: Pinterest)
बदलत्या तंत्रज्ञानाच्या या जगात अनेकजण स्मार्ट डिव्हाईसचा वापर करतात. हाच मुद्दा लक्षात ठेऊन कंपनीने तयार केलेले एअरटॅग गॅझेट सर्वांसाठी अतिशय फायद्याचे ठरले. याचा आकार छोटा असल्यामुळे हे गॅझेट लोकांना प्रचंड आवडू लागले. खरं तर हे एक ब्लूटूथ बेस्ड ट्रॅकर आहे, ज्याच्या मदतीने यूजर चावी, बॅग, सामान किंवा इतर वस्तू कुठे ठेवल्या आहेत, त्यांचे लोकेशन शोधू शकतात. शिवाय, एअरटॅग ॲपलच्या ‘फाइंड माय’ नेटवर्कशी जोडले जाते, ही बाब त्याला अत्यंत उपयुक्त बनवते.
कंपनीने 2015 मध्ये पहिल्यांदा स्मार्टवॉच बाजारात लाँच केले होते. कंपनीने लाँच केलेल्या या प्रोडक्ट्ला यूजर्सचा मोठ्या प्रमाणात सकारात्मक प्रतिसाद मिळाला. त्यामुळे हे प्रोडक्ट देखील कंपनीसाठी गेमचेंजर ठरले. कंपनीच्या स्मार्टवॉचमध्ये यूजर्सना अनेक प्रिमियम फीचर्स पाहायला मिळतात, ज्यांचा वापर यूजर त्यांच्या गरजेनुसार करू शकतात.
टिम कूक यांच्या कार्यकाळात ॲपल केवळ एक प्रिमिमय हार्डवेअर बनवणारी कंपनी म्हणून मर्यादित राहिली नाही तर कंपनीने वियरेबल्सपासून वायरलेस ऑडियो, कस्टम चिप्स, डिजिटल सर्विसेज आणि स्पॅटियल कंप्यूटिंगपर्यंत कंपनीने त्यांचा विस्तार करण्याचा प्रयत्न केला.
